Tokomane ena e bua ka lisebelisoa tsa Basotho tse entsoeng ka limela joaloka, lifate le joang. Liselisoa tsena ke; morula, mokeke, sethebe, mohope/ meqephe, letsela, leqase, sethoto le sefohole. kahar'a tokomane ena, lisebelisoa tsena li hlalositsoe le mesebetsi ea tsona ka ho fapana ea katlung.
2. SELELEKELA
Basotho ke batho ba matla, ba bileng ba leng bohlale haholo, ’me hona ho
ba thusa hore ba iketsetse tse ling tsa lisebelisoa tseo ba li hlokang.
Lisebelisoa tsena tsa bona li entsoe ka lintho tse fapaneng joaloka, tse
entsoeng ka letsopa, joang, lifate, matlalo a liphoofolo ka ho fapane le tse
ling. Har’a lisebelisoa tsena, ke tlo buoa feela ka tse entsoeng ka limela
tse fapaneng, joaloka lifate le joang le mesebetsi ea tsona ka ho fapana.
3. MORULA
Ho ea ka Museum (2019), morula ke nkho ea Sesotho e entsoeng ka
sefate, 'me eona e sebelisoa ho ts'ela metsi kapa lintho tse mokeli-keli.
Setšoantšo ka Morija.co.ls
4. MOKEKE
Mokeke ke sekotlolo le likhaba tse entsoeng ka patsi, 'me li ne li
sebelisoa ho ngoatha le ho tšela lijo ke basali le banana.
Setšoantšo ka Morija.co.ls
5. SETHEBE
Ke moseme o monyenyane o entsoeng ka joang ba moseea, ’me oona o
sebelisoa ho khakeletsa phofo leloaleng la Sesotho ha ho siloa.
6. MOHOPE/ MEQEPHE
Ke sejana se entsoeng ka khaketlena ea mokopu o bitsong mohotšoana.
Mohope o sebelisoa ke basali ho kha le ho noa metsi. Banna bona ba o
sebelisa ho noa joala ba setso.
Setšoantšo ka Sahra.org.com
7. LETSELA
Ke mokotla o entsoeng ka joang ba moseea, ’me o lohiloeng joaloka
moseme. Oona o sebelisoa ho tšela koae.
8. LEQASE
Hona ke moseme o entsoeng ka joang bo bosesanyane ba loli. O sebelisoa
ke basali ho o ala haba lula fatše. Hape o ka sebelisoa ho beha likhabisa
joaloka seroto, lefielo le tse ling tse etselitsoeng ho khabisa.
Setšoantšo ka Morija.co.ls
9. SETHOTO
Sethoto ke sesiu se senyenyane, se entsoeng ka joang ba moseea. Sona se
sebelisoa ho bolokela liphahlo tsa Benghali.
10. SEFOHOLE
Ke thupa e hlomiloeng kahara ntlo ea mokhoro holimo marulelong, ho
tloha lehlakoreng le leng ho ea ho le leng, 'me eona e sebelisoa ho
fanyeha liphahlo le likobo.