1. Մխիթար Սեբաստացի
կրթահամալիր
Նոր դպրոց
Ձմեռ մեդիաօլիմպիադա
Ինչպես են նշում Ամանորն այլ երկրներում
Զմոյան Անի
4-2 դասարան
2. Ամանորը Իտալիայում
Ամանորի գիշերը լուսամուտից դուրս են
շպրտում հին իրերը, փոխարինելով դրանք
նորերով: Իտալացիները մեծ ուշադրություն
են դարձնում, թե ում առաջինը
կհանդիպեն Նոր տարում: Հոգևորական կամ
երեխա տեսնելը ցանկալի չէ, իսկ ահա ծեր,
կուզիկ պապիկի հանդիպելը համարվում
է հաջողության նշան:
•
3. Ամանորը Անգլիայում
Անգլիայում ամանորյա գիշերը երեխաների
համար բեմադրում են ներկայացում հին
անգլիական հեքիաթների հիման վրա: Քնելուց
առաջ երեխաները սեղաններին դնում են
ափսեներ նվերների համար, իսկ կոշիկների
մեջ՝ Սանտա Կլաուսի եղնիկների համար կեր:
Ամանորյա զանգերի ներքո սիրահարները
համբուրվում են, որպեսզի ողջ տարին լինեն
միասին:
4. Ամանորը Շոտլանդիայում
Շոտլանդիայում Ամանորյա գիշերը,
զանգերից անմիջապես հետո բացվում է տան
դուռը, որպեսզի հին տարին գնա և գա՝ նորը:
Շոտլանդացիները կարծում են, թե ամբողջ
տարվա երջանկությունն ու հաջողությունը
կախված է այն մարդուց, ով առաջինը կմտնի
տուն և կշնորհավորի Ամանորը: «Հաջողակ
հյուրեր» են համարվում մուգ մազերով
տղամարդիկ, ովքեր նվերներ են բերում տուն:
Հյուրերը պարտադիր իրենց հետ տուն պետք է
բերեն ածուխի կտոր, որպեսզի գցեն
բուխարիի մեջ:
5. Ամանորը Ճապոնիայում
Նախ և առաջ Ճապոնիայում Ամանորը դիմավորում
են զանգերի 108 հարվածներից հետո: Ըստ
ավանդույթի այդ հարվածներից յուրաքանչյուրը
ոչնչացնում է մարդկային թերություններից մեկը:
Նոր տարվա առաջին րոպեներին Ճապոնացիները
ծիծաղում են, ինչը ըստ նրանց հաջող տարվա
գրավական է: Իսկ տունը զարդարում են
բամբուկներով, ինչը հավերժության և
հավատարմության խորհրդանիշ է: Լուսաբացին,
Ճապոնացիները դուրս են գալիս տներից, որպեսզի
դիմավորեն լուսաբացը: Նոր տարվա արեգակի
առաջին շողերի ներքո նրանք շնորհավորում են
միմյանց և նվերներ տալիս:
6. Ամանորը Չինաստանում
Չինաստանում դեռ պահպանվել է ամանորյա
գիշերը Բուդդային լվանալու
արարողությունը, և նոր տարվա գիշերը բոլոր
տաճարներում և մոնաստիրներում
հոգևորականները լվանում են Բուդդայի
արձանները: Իսկ ահա մարդիկ, իրենց
հասցեին լսելով շնորհավորանքներ և
բարեմաղթանքներ լվացվում են կամ իրենց
վրա ջուր լցնում: Այդ իսկ պատճառով
Չինաստանում ամանորյա գիշերը գրեթե
բոլորը թաց հագուստներով են:
7. Ամանորը Հունաստանում
Հունաստանում մարդիկ միմյանց տուն
գնալիս ճանապարհից մեծ քար են վերցնում և
գցում տան դռան առաջ՝ արտասանելով
հետևյալ բառերը. «Թող տանտիրոջ
հարստությունը լինի այս քարի պես ծանր»:
Եթե ճանապարհին ծանր քար չի լինում,
հյուրերը շատ փոքր քար են վերցնում և դռան
մոտ վայր գցելիս արտասանում. «Թող
տանտիրոջ դժվարությունները այս քարի
նման փոքր լինեն»:
8. Ամանորը Բուլղարիայում
Բուլղարիայում մտերիմները, ընկերները,
հարազատները հավաքվում են ամանորյա
սեղանի մոտ և բոլոր տներում երեք րոպեով
անջատվում են լույսերը: Այդ ժամանակ
սեղանի շուրջ հավաքվածները համբուրում են
իրար: Ոչ ոք չի ասում, թե ում է համբուրել: Այդ
ամանորյա համբույրները պահպանվում է
ամանորյա մթության կողմից:
