1. Abaygar, Harry Van N.BSED Math 1A CAS101
“How Social Media Can Make History”
Di ko makakailang kompleto ang aking smartphone ng mga social media app gaya ng Facebook,
Youtube, Twitter, Instagram at iba pang apps na pinanggagamitan ko upang makausap ko ang aking mga
kaibigan maging aking pamilya. Sa aspekto kung saan ang social media ay nagagamit upang makausap agad-
agad ang kahit sino man ay masasabi ko nang Nakagawa na ng marka ang social media sa kasaysayan ng mundo.
Dahil kung ikukumpara mo sa kung ano ang meron dati ay masasabi kong sobrang laki ng pinagbago ng media.
Hindi ko man ito lubusang naranasan pero angkwento ng aking mga magulang ay uso dati ang paggawa
ng liham. Liham kung saan magsusulat ka ng iyong saloobin sa papel at ilalagay mo ito sa isang sobre. Madalas
daw itong ginagamit upang makausap ang isang tao na malayo sa piling o kadalasan pa ay ang minamahal mong
turing. Oo’t kailangan mong maghintay ng ilang araw bago mabasa ang ipinadalang sulat at makatugon. Kakain
din ito ng oras sa paraang isususlat mo pa ang iyong gustong iparating. Ngunit ang maganda naman daw dito
ay masromantiko ito kumpara sa text messages na natatanggap natin ngayon. Pero kung ikukumpara ngayon,
halos sa isang kislap mata ay darating na agad ang mensaheng gusto mong iparating sa pamamagitan ng text
o ano mang social media application; maliban na lang kapag mahina ang internet. Pwede mo pang iparinig ang
maganda mong boses sa pamamagitan ng pagtawag. Iilan lang ito sa maraming bagay na pwede mong gawin
sa kasalukuyang social media. Kung dati ay hirap pa ang ating mga magulang o mga lolo’t lola na magligawan
ngayon ay isang click lang ay oo na agad.
Pagdating naman sa balita ay sa mga diyaryo lamang ito nababasa dati. Madalas ko pang makita noon
ang mga nakakaaliw na crossword puzzles na nakaimprinta sa diyaryo. Makakakita din ang mga nakakatawang
joke dito at kailangan pang ilipat sa kabilang pahina kapag natapos mo na ang unang pahina. Ngayon naman
ay isang click na lang sa cellphone ay bubungad na agad ang mga balita ng ibat-ibang awtor. Makakakita ka na
rin ng mga laro sa social media app sa pag-scroll mo nito. Hindi na mga sinaunang jokes ang makikita sa loob
nito kundi ang makabagong joke na nauuso ngayong tinatawag na memes. Limitado lamang dati ang nakalagay
sa dyaryo na mga balita pero ngayon sa Facebook, Instagram, Twitter, Reddit at iba pang social media app ay
walang katapusang balita ang makikita sa mga ito.
Ganun paman maganda man ang naidudulot ng social media at napapadali nito ang pagahad ng
impormasyon sa nakakarami, mabilis din ang paglaganap ng fake news sa mga platapormang ito. Mga
mapanlokong mga teksto, balita at panghihikayat. Dito nagsisimula ang mga tinatawag nilang online scams,
fraud at iba pa. Di talaga natin maiiwasan na sa mga bagay na maganda ang dulot ay may mga taong aabusuhin
ito at gagamitin ito sa pansariling motibo.
Ang pinakapunto ng lahat ng ito ay matagal nang nag-iwan ng marka ang social media sadyang ang
paunlad nito ay patuloy pa rin hanggang ngayon. Patuloy ang pag-unlad ng mundo at patuloy din sa pagbago
at pag-unlad din ang social media.
2. Abaygar, Harry Van N.BSED Math 1A CAS101
“Connected But Alone”
Sumasang-ayon ako sa sinabi ni Sherry Turkle na ibang iba ang pakikipag-usap online kesa sa aktwal.
Nakadipende ito sa kung gaano kadalas natin ito nagagamit. Yung pakiramdam na akala mo sobrang kilala mo
na yung tao dahil araw-araw kayong nag-uusap online pero pagnagkita kayo sa personal ay nagkakahiyaan pa.
Madalas nakakaligtaan na natin makipaghalobilo sa tunay na mundo. Totoo na ibang-iba ang pag-uusap online
at pag-uusap ng harap harapan. Dahil online nakikipag-usap ka lang sa pamamagitan ng pages-send ng text-
message o mga salita;walang emosyon ang naibabahagi, kung meron man hindi ito eksakto. Pero kapag
harapharapan kayong nag-uusap nakikita nyo ang isat-isa nalalaman nyo ang reaksyon ng isat-isa at mas malaki
ang tsansang maramdaman mor in ang nararamdaman ng kausap mo kumpara sa hinuhulaan mo ang
nararamdaman ng kabila. Mula sa bidyo na napanood ko ay medyo nagbago ang ilan sa perspektib kopagdating
sa pakikipag-usap online.
Noon pa man ay madalas ko nang ginagawang malaking bagay ang pakikipag-usap online. Gaya na
lamang ng panghuhusga ko sa isang tao kung gaano sya ka interesado sa akin ay naka base sa kung gaano sya
kadalas magpadala na mensahe sa akin online. Dahil dito parang kinokonekta ko ito sa aktwal na buhay ko.
Kunwari di nya ako tinugon online at tinignan nya lang ang mensahe ko ay maiinis na agad ako at di na sya
papansinin sa personal. Pero ang katotohanan pala pagkakita nya sa mensahe ko ay di nya namalayan nakaidlip
na pala sya. Pero hindi land dahil sa bidyong ito kaya binago ko ang perspektib ko pagdating sa bagay na ito.
Mga nakaraang buwan may nangyaring di ko inaasahan na magpapabago ng buhay ko. May mga tao pala na
hindi madaldal online o di naman, minsan lang mag online. Kaya hindi ko na inuugnay ang mensahe online sa
relasyon ko sa isang tao sa personal.
Iniiwasan ko na ring gumamit ng cellphone ng madalas. Ginagamit ko na lang ito kapag may kailangang
sagutin, tignan o basahin. Di ko na ginagawa yung tumingin sa social media ng matagalan na pumapatay ng
oras ko. Kapag may oras ay masginagawa kong prodoktibo ang aking sarili sa pamamagitan ng paggawa ng
mga bagay na makakatulong sa akin. Masbinibigyang importansya ko na rin ang pakikipag-usap sa personal,
ipinagwawalang bahala ko na ang mga mensahe o pambobola online.
Ang konklusyon ko ay dapat hindi natin binababad ang sarili sa paggamit ng ating gadgets. Kung gusto
nating matuto na makipaghalobilo sa iba ay aktwal na makipaghalobilo sa iba. Hindi yung magkukunwari na lang
tayo panghabangbuhay na may ginagawa sa cellphone pero yung totoo ay ayaw lang natin makipaghalobilo.
Kapag nagsama kayong magkakaibigan ay isantabi nyo muna lahat ng gamit nyo para masepektibo ang
pagsasama nyo at makapag-usap ng masinsinan.