Nota de prensa de la Amtega anunciando nuestro #faladoirosDIX sobre Impresión en 3D

1. INFORMACIÓN AOS MEDIOS
A AMTEGA CELEBRA EN SANTIAGO O SEGUNDO FALADOIRO DA INICIATIVA “FAITE
DIXIT@L”, QUE ABORDARÁ AS UTILIDADES DA IMPRESIÓN 3D
§ Baixo o título “Imaxina e Crea: Impresión 3D” terá lugar o vindeiro xoves, 13 nas
instalacións do Centro de Novas Tecnoloxías de Galicia (CNTG)
§ Intervirán cinco expertos en diversos campos da impresión en 3D, que explicarán
as diversas utilidades prácticas desta tecnoloxía
§ A xornada é aberta ao público en xeral ata completar o aforamento
§ Poderá ser seguida vía streaming nas webs da rede CeMIt http://cemit.xunta.es/,
do CDTIC https://cdtic.xunta.es/, en Twitter co hashtag #faladoirosDIX e en
Facebook, www.facebook.com/faitedixital
Santiago, 7 de novembro de 2014.- Que é a impresión 3D, en que momento tecnolóxico
se atopa, que utilidade práctica ten para a cidadanía, como pode facilitar tarefas en campos
como a sanidade, o lecer, a educación ou o fogar son os temas que se abordarán na
xornada “Imaxina e crea: impresión 3D”. Trátase do segundo Faladoiro Dixital do proxecto
“Faite Dixit@l!’, que organiza a Axencia para a Modernización Tecnolóxica de Galicia
(Amtega) en colaboración con Fundetec. Será o vindeiro xoves 13 de novembro en Santiago
de Compostela.
Lugar de celebración e inscricións
A xornada, na que tras a exposición dos expertos celebrarase un debate sobre o futuro ten
a impresión 3D e ata onde pode chegar o seu desenvolvemento industrial, celebrarase entre
as 18.30 e as 20.30 horas nas instalacións do Centro de Novas Tecnoloxías de Galicia
(CNTG), con entrada libre e gratuíta ata completar o aforamento da sala. A inscrición ao
evento pode realizarse a través da seguinte ligazón:
http://www.faitedixital.es/galego/participa/formulario-seminario-impresión-3d/
Este novo Faladoiro Dixital poderá ser seguido vía streaming nas webs da rede CeMIt
http://cemit.xunta.es/, do CDTIC https://cdtic.xunta.es/, en Twitter co hashtag #faladoirosDIX
e en Facebook, www.facebook.com/faitedixital. Na páxina web de Faite Dixit@l!
(http://www.faitedixital.es) pode solicitarse máis información sobre esta xornada e sobre o
resto dos Faladoiros Dixitais que se celebrarán nas próximas semanas.
Os relatores
Álvaro Rei, enxeñeiro Técnico en Deseño Industrial, pola Escola Universitaria de Deseño
Industrial de Ferrol, creador de Galiprint3d, unha das primeiras empresas galegas de
impresión 3d que deseña e ensambla os seus propios equipos de impresión en tres
dimensións.
Xoan Sampaiño, freelance, membro de Bricolabs, asociación e grupo de divulgación e
fomento de tecnoloxías libres, e do Proxecto Clone Wars, unha das comunidades RepRap
máis amplas do territorio hispanofalante.
Pablo Gajino, socio fundador e CEO de Possible Inc, start-up galega que desenvolve
aplicacións móbiles e produtos software e hardware a medida, e que conta cun
departamento de impresión 3D cunha impresora capaz de imprimir un volume de 45cm3
Comunicación da Xunta de Galicia 1
San Caetano, s/n - 15704 Santiago de Compostela
Tel.: 981 541 238/42/51 - Fax: 981 541 252/41
Correo-e: comunicacion@xunta.es

2. INFORMACIÓN AOS MEDIOS
desenvolvendo actualmente un servizo a través de web para poder encargar impresións 3D
online.
Luís Mandayo, Enxeñeiro Industrial pola Universidade de Vigo, fundador da empresa
Lupeon, que ofrece servizos de asesoramento e de impresión 3D baixo demanda.
Luís González, responsable de Ardentia, empresa dedicada desde máis de 8 anos ao
deseño 3D e prototipado rápido enfocado á realización de xoias para as súas propias
coleccións e como empresa de servizos para outras marcas e artesáns.
Faladoiros Dixitais
O ciclo de Faladoiros Dixitais de ‘Faite Dixit@l!’ comprende cinco eventos, un sobre
innovación social dixital desenvolvido baixo metodoloxía ‘PechaKucha’, celebrado o pasado
28 de outubro (ligazón ao vídeo do evento: http://cemit.xunta.es/gl/node/6019), dous
seminarios de expertos, este sobre Impresión 3D e un previsto para decembro sobre o
‘internet das cousas’, e dúas xornadas de exposición de casos de éxito sobre aplicacións
móbiles e identidade dixital e marca persoal.
Faite Dixit@l
‘Faite Dixit@l’ é un proxecto posto en marcha pola Axencia para a Modernización
Tecnolóxica de Galicia (Amtega) o pasado mes de setembro, desenvolvido a través dos
centros da Rede CeMIT, e dirixido a propiciar o empoderamento dos usuarios en materia
tecnolóxica para favorecer a súa empregabilidade coa tecnoloxía e a sociedade da
información como base.
'Faite Dixit@l! ofrece máis de 1.800 prazas para a participación nas 140 actividades
programadas. Ademais, ata o vindeiro 28 de novembro está aberto o prazo de inscrición do
‘Primeiro Concurso ‘Faite Dixit@l’ de aplicacións móbiles, que busca recoñecer a
creatividade na creación de ferramentas tecnolóxicas que melloren a dispoñibilidade de
recursos para a cidadanía e fomenten o uso da tecnoloxía de código aberto neste proceso
creativo.
SAÚDOS, COMUNICACIÓN DÁ XUNTA DE GALICIA
Comunicación da Xunta de Galicia 2
San Caetano, s/n - 15704 Santiago de Compostela
Tel.: 981 541 238/42/51 - Fax: 981 541 252/41
Correo-e: comunicacion@xunta.es