3. Maina ke eng?
Maina ke mareo ao a fiwago dilo, e kaba diphoofollo, batho, dithaba bj. bj. Maina a kgona go dira
gore re kgone go fapantšha dilo. Maina a ka hlangwa go lebeletšwe mediro goba medumo ya dilo
tšeo di itšego.
4. Dipoelo tša thuto
Ka morago ga thuto ye, barutwana ba swanetše go tseba tše di latelago:
1. Go ngwala maina.
2. Go ahlaahla dipharologantšho tša mehuta ya maina
3. Go hlama mafoko ba šomiša mehuta ya maina.
4. Go sekeseka sengwalwa seo go sona ba tla go ntšhago mehuta ya maina.
5. MEHUTA YA MAINA
1. Mainaina
2. Mainakgopolo
3. Maina a bong
4. Mainagokwa
6. MAINAINA
Mainaina ke maina ao a fiwago batho, dithaba, dinoka le tše dingwe. Mainaina a tsebega ka go
ngwalwa ka hlaka ye kgolo kae le kae mo a tšwelelago.
Mohlala: Matome, Raisibe bj, bj
Morutišigadi Mmutlane o rile ge pele a ka thoma go ruta, a kgopela gore Matome gore a bale
temana yeo e ngwadilwego letlapeng.
7. MAINAKGOPOLO
Mainakgopolo ke maina ao a rago selo seo re se bonago ka leihlo la semoya
gomme re se ke ra kgona go se swara ka diatla goba go se bona ka leihlo la nama.
Mohlala: Bose , bohloko, mona bj. bj
Maabane ke dile dijo tše bose kudu.
8. MAINA A BONG
Maina a bong ke maina ao a re botšago ka bong motho goba phoofollo ye e itšego go akaretšwa
diphedi ka moka.
Mohlala: Rakgadi, kgoši, malome, morutišigadi bj, bj
Malome o rile ke theeletše morutišigadi wa ka gore ke tle ke kgone go tšwelela ka dihlora.
9. MAINAGOKWA
Mainagokwa ke maina ao a bopilwego ka go kopanya diripa tše dingwe tša polelo.
Mohlala: leina + laina = sebatakgomo
leina + lehaodi = tabakgolo bj, bj
10. KE ITHUTILE ENG?
1. Naa mainaina ke maina a mohuta mang?
2. Naa mainakgopolo ke maina a mohuta mang?
3. Naa maina a bong ke maina a mohuta mang?
4. Naa mainagokwa ke maina a mohuta mang?
5. Naa mehuta ye ya maina re e tseba bjang?
11. Mošomo wa gae
Bala temana ye e latelago ka šedi gore o tle o kgone go araba dipotšiso tšeo di latelago:
Nna le mogwera wa ka Malose re nametše sefatanaga sa buti wa
gagwe morago ga gore sekolo se tšwe. Se be se le bose kudu ka
gore go be go se kgale a se rekile. Mo tseleng re fetile Matome le
Raisibe ba ntšhana bo poo ka gore bobedi bja bona ke bo
ntwadumela.
Dipotšišo:
Go tšwa temaneng ya ka godimo, ntšha mehlala ya mainaina, mainakgopolo, maina a
bong le mainagokwa.
