2. Արամ Խաչատրյանի տուն-թանգարան,
հիմնադրվել է 1978թվականին։ Տուն-
թանգարանը ստեղծվել է Մարշալ
Բաղրամյանի պողոտայի և Պլեխանով (այժմ՝
Զարոբյան) փողոցի հատման հատվածում
գտնվող այն առանձնատան հիման վրա,
որ 1947թվականին Արամ
Խաչատրյանին նվիրել էր Խորհրդային
Հայաստանի կառավարությունը։
3. Միահարկ առանձնատունը
(ճարտարապետ՝ Մարկ Գրիգորյան) բաղկացած
էր հինգ ընդարձակ սենյակներից և ուներ
տնամերձ այգի։ Այն տուն-թանգարանի վերածելու
ՀԽՍՀ մինիստրների խորհրդի որոշումը
կայացվել էր 1976 թվականի հուլիսի 21-ին՝ դեռևս
կոմպոզիտորի կենդանության օրոք։ Նա առիթ էր
ունեցել ծանոթանալու ապագա տուն-
թանգարանի շենքի նախագծի էսքիզներին, որ
ստեղծել էր ճարտարապետ Մարկ Գրիգորյանը և
նախագծի ալբոմի տիտղոսաթերթի վրա գրի էր
առել իր դիտարկումներն ու
առաջարկությունները։
4. Առանձնատունը պահպանվել է անփոփոխ,
իսկ նրան համալրող տուն-թանգարանի
երկհարկանի շենքը կառուցվել է այգու
տարածքում։ Պահպանվել է մի փոքրիկ
ներքին բակ, ուր Արամ Խաչատրյանի
ծննդյան 105-ամյակի օրը կանգնեցվեց
հուշաղբյուր՝ ճարտարապետներ Սարգիս
Գուրզադյանի և Ս. Բարսեղյանի նվերը
թանգարանին։ Շենքի ճակատային մասում
վեր խոյացող հինգ կամարները կամերտոն են
հիշեցնում։
5. Տուն-թանգարանում կազմակերպվում են
արդեն ավադական դարձած միջոցառումներ՝
փառատոներ, հուշ-երեկոներ, մրցույթներ,
հանդիպումներ մշակույթի անվանի
գործիչների հետ, կազմակերպվում են
ցուցահանդեսներ, հնչում են հայ
ժամանակակից կոմպոզիտորների
ստեղծագործությունների պրեմիերաներ։