WETWETWETSDF

1. Name: Arlen Sigrid L. Rabino
Grade 12-STEM St. Erasmus
Epekto ng Paglalaro ng Computer Online Games
Ang computer games ay mahirap tanggihan lalo na kung ito ay nasa paligid
lamang. Masaya at nakalilibang ang pag-lalaro nito at nakakalimot tayo sa mundo
ng ating mga alalahanin Ngunit ito din ay may mga masamang naidudulot sa atin,
katulad ng adiksyon.(Bryan Mags, 2011)
Ang Online Game ay isang laro na gumagamit ng iba't ibang uri ng computer
network. Madalas na ginagamit dito ang Internet o kahit anong pang katumbas
na teknolohiya, subalit nagagamit naman ng mga laro ang kahit anong
teknolohiya meron: modem bago ang Internet, at hard wired terminal bago ang
modem. Ang pagpapalawak ng online gaming ay sumasalamin sa pangkalahatang
pagunlad ng mga network na computer mula sa maliit na lokal na network sa
Internet hanggang sa paglago sa pagkunekta sa Internet mismo. Ang mga online
games ay maaaring sumaklaw mula sa simpleng mga salita lamang hanggang sa
mga laro na may kumplikadong grapika at virtual na mundo na maraming mga
manlalaro. Maraming mga online games ang may online na komunidad, na
nagiging paraan ng pakikisalamuha sa ibang tao na kabligtaran kung solong
naglalaro. (Agosto, 2011)
Ang paglalaro ng online games ay bahagi na ng buhay ng mga kabataan hindi
lang sa Pilipinas kundi pati na rin sa buong mundo. Dumadami na yung mga
kabataang naadik sa larong online. Sa Pilipinas isa ang mga online na laro sa mga
nilalaro ng mga kabataan ngayon at dahil sa sobra nilang paglalaro dumadami na
sa kanila ang lumiliban sa clase at ito ay nakakabahala sa mga magulang at sa
paaralan. (Lumawag & Recabe, 2015)
Ayon sa Wikipedia-Encyclopedia, ang paglalaro ng Online Games sa Estados
Unidos ay naging isang malaking problema dahil sa epekto na katulad din sa
naganap sa Pilipinas. Ayon sa isang sulat ni Rafael Cabredo, isang faculty sa De La
Salle, nag simulang maglaro ang isang bata sa Amerika sa edad na anim (6) na
taon at ang average na edad ng mga naglalaro ay dalawamputsiyam (29)
Pinag-uusapan na ngayon ng American Medical Association (AMA) kung
ituturing na bang isang mental illness ang Video Gaming Addiction. Bagama’t
marami pang pag-aaral na kailangang gawin, nakakabahala na ito dahil nakaabot
na ito sa atensyon ng mga sikolohista at eksperto sa medisina. Pinatunayan ng
isang pag-aaral sa Iowa State University na hindi mapaghihiwalay ang violent
video games sa pagiging marahas ng mga kabataan. Hindi makakaila na may
epekto ang paglalaro ng video games sa emosyon ng maraming kabataan. Mas
tumitindi ang masamang epekto ng mga mararahas na video games sa buhay ng
isang kabataan kung nararanasan at nakikita niya rin ang mga bagay na ito sa
kaniyang buhay at paligid.(Francis Jamie, 2011)
Wika pa sa Wikipedia, may iba't ibang dahilan ang paglalaro ng Online
Games, lumalabas din na kadalasang naglalaro ng computer games partikular na

2. ang Online Games ay mga mag-aaral na ang karamihan sa mga ito ay gumugugol
ng sampu hanggang dalawampung (10-20) oras na paglalaro sa isang linggo.
Ayon din sa pag-aaral sa edukasyunal epekto ng Online Games, lumalabas na
karamihan sa mga tagatugon ay masasabing mahina ang leadership, napansin
din ng mga mananaliksik na higit na mas marami ang mga lalaking naglalaro ng
Online Games kaysa sa bababe.
Ayon sa pag-aaral ni Joshua Symth, associate professor ng sikolohiya sa
College of Arts and Sciences sa Syracuse University, ang sobrang paglalaro ng
Online games ay nakalilikha ng hindi magagandang resulta sa atin katulad na
lamang sa ating kalusugan, hindi nagiging angkop ang ating tulog maging ang
ating pakikisalamuha ay naapektuhan din sapagkat ang isip ng naglalaro ay
nakapokus lamang sa kanyang ginagawa.
Ayon sa pag-aaral ni Sternheimer (2007), mga pulitikado at ang mga taong
mahilig maglaro ng online games ay tinuturing nilang masama, immoral sa
lipunang kanilang ginagalawan at ito ang matagal na nilang target sapagkat hindi
malayo na mas marami pang bata ang mahuhumaling din sa mga Online games.
Ayon kay Jane M. Healy, Ph.D., isang guro at educational teacher, sa kanyang
survey at interview na isinagawa na pinamagatang "Failure to Connect" ilang
serye ng mga interview ang kanyang isinagawa sa mga mag-aaral,
magulanginstitusyon, designer ng mga software at ilang psychologist. Sa kanyang
libro, nagbigay siya ng mga rekomendasyon sa iba't ibang usapin mula sa pagpili
ng nararapat na software o hanggang sa pakikipag-usap sa mga taong direktang
apektadong epekto sa paglalaro ng Online Games.
Ang pag-aaral na isinagawa ay nagpakita ng pagnanasa upang magamit ang
Online Games sa pag-aaral na hindi kadalasang nagbibigay ng higit na interes.
Ang mga pag-aaral din na ito ay nagpapahayag ng ilang rekomendasyon upang
maisakatuparan ang paghahangad namapaunlad ang larangan ng pag-aaral mula
sa pag-aaral na ito, maaaring gamitin simula ang mga rekomendasyon upang
pag-aralan ang iba't ibang salik kasama na ang sikolohiya ng mga Online Games
at ang pag-iisip ng mga taong direktang apektado nito.
Batay sa pag-aaral ng mga mananaliksik ng Unibersidad ng Arkansas (2013),
ang Computer Gaming ay may pakinabang naman. Nagpapatalas ito ng isipan ng
mga tao, lalo na ang mga larong puzzle. Ito din ay tumutulong upang makapagisip
ng pinaka- angkop na pasya sa isang kritikal na sitwasyon, lalo na sa mga larong
strategy, na kung saan kailangan ng mga manlalaro na maging aktibo. Ito din ay
nagbibigay ng iba't ibang karanasan na hindi maaaring mangyari sa totoong
buhay. Ayon pa sa pag-aaral ni Catayco (1998), hinikayat niya ang mga bata na
maglaro ng mga puzzle, maze, o kaya adventure games. Para maiwasan ang
maraming patayan, sakitan at pagkasira.