2. • Pang sampu (10) sa labing-dalawang (12) magkakapatid ni Adolfo Habitan
Rosales ng Calbayog, Samar at Rita Esteves Quiňones ng Gubat Sorsogon.
Ipinanganak sa Bgy. Pansol, Balara, Diliman, Quezon City nuong Marso 16,1964.
• Nagtapos ng kursong Bachelor of Science in Civil Engineering sa FEU nuong
1985, napabilang sa Alpha Kappa Rho (AKRHO) at pinalad din na maging bahagi
ng Scholarship Program ng Lungsod Quezon para sa Masters in Business
Administration sa PLM nuong 1991.
• Naging isa akong Community Youth Leader/Organizer at napaloob sa isang
underground movement at pinamunuan ko ang mga Kabataang Sandigan o
KASANDIG sa Metro Manila, isang sektor na nakapaloob sa Kapulungan ng
mga Sandigan ng Pilipinas (KASAPI) na naging bahagi sa huling yugto ng
pagpapalit sa pamahalaan ni Marcos.
• Naglingkod bilang Barangay Affairs Worker sa Barangay Operations Center ng
Quezon City nuong 1986 bago naging pinakabatang Department Head sa
Quezon City Hall bilang pinuno ng QC Youth Welfare Council (QCYWC) mula
1987 hanggang 1992. Inilunsad namin ang Volunteer Program for Youth
Development Lingkod Kabataan (VPYD-LK).
• Ang mga Lingkod Kabataan (LK) ang unang sumalubong at nag-aruga sa mga
kababayan natin na mula sa Pampanga at kalapit na bayan na lubos na
naapektuhan sa pagputok ng Bulkang Pinatubo nuong 1991. Katuwang ng
QCYWC ang mga LKs na pamahalaan ang Amoranto Stadium na ginawang
evacuation canter sa loob ng isang linggo hanggang ito ay mailipat sa
pamamahala ng DSWD.
• Sa panahong ding ito ako ay nagkaroon ng dalawang anak na lalaki (Andrei
Sandino-32y/o at Angelo Miguel-30-y/o) subalit nahiwalay din sila sa kanilang ina
nuong 1989 dahil ako ay hindi handa sa kaakibat na responsibilidad bilang isang
batang ama at kawalan ng oras sa kanila dulot ng dami ng mga gawain nuong
mga panahong iyon.
• 1992, tapos na ang aming termino sa QC Hall, nagbalik-loob ako sa Panginoon
sa imbitasyon ng aking ina sa isang Life in the Spirit Seminar ng isang
Charismatic Community sa Quezon City. Naging fulltime worker ako sa
nasabing community, subalit hindi ko pa rin maiwanan ang kinasanayan kong
“PAKIKIALAM SA PAGPAPANIBAGONG-ANYO” ng ating lipunan.
• Dahil sa paghahanap kung ano talaga ang plano sa akin ng ating Panginoon,
inisip ko na maging isang Pari subalit nakilala at naging kabiyak ko sa buhay ang
nuon din ay kamuntik ng maging madre na si Mai Sanchez. Biniyayaan kami ng
tatlong malulusog at matatalinong anak (Jeg-16y/o, Jad-14y/o at Maiand-12y/o).
Sa kabuoan, ako ay may limang anak, apat na lalaki at isang babae at mayron
na rin akong dalawang apo kay Andrei at isang apo kay Angelo. Opo, Lolo na
po ako.
• Naging bahagi ako ng administrasyon ni dating Pangulong FVR sa kanyang
Moral Recovery Program (MRP) at ni GMA sa Office of the Presidential Adviser
for Special Concerns (OPASC) bilang Direktor. Naglingkod din bilang
Secretary General ng National Urban Poor Sectoral Council ng National Anti-
Poverty Commission mula 2001 hanggang 2010.
• Naging Executive Director ako ng Citizen’s National Network Against Poverty
and Corruption (CNNAPaC) at ipinalaganap namin ang Pagsasakang Organiko
at Natural sa mga Bayan ng Candelaria, Tiaong, Sariaya, San Antonio, Dolores
(CANTISSAD) Quezon sa gabay ni G. Andrei Lim at Jojie Gamboa katuwang
ang Susi Foundation, Inc. nila Sis. Ishiang.
• Katuwang ang Parokya ni Fr. Ben Beltran sa Smokey Mountain, binuo namin
ang Sistema ng ORDER TAKING AND DELIVERY OUTLETS (OTDO) sa
pamayanan duon at umangkat kami ng kanilang pangunahing
pangangailangan direkta sa sakahan. Ipinatupad ko rin ito sa Lupang Pangako,
Bgy. Payatas katuwang naman ang samahang KOMMAMPIPA.
• Naging Executive Director din ako ng Batas Barangay Development
Foundation Inc. at nadidinig din ninyo ako dati sa Batas Barangay sa DZRH
upang palaganapin ang malawakang gamit ng iba’t-ibang moda ng Alternative
Dispute Resolution (ADR) sa pagreresolba ng mga kasong sibil.
• Gamit ang Local Government Code of 1991, ako po ay isang masigasig na
Tagapagsulong ng People Empowerment sa larangang pampulitika at pang-
ekonomiyang gawain. Pangunahin kong ipinaglalaban ang makatotohanang
pagbubuo ng mga Local Development Councils (LDCs) upang matiyak na
kasama ang taumbayan sa pagpaplano kung saan at papaano gagamitin ang
ambag nilang buwis sa gobyerno.
• Dati din akong Pambansang Tagapag-ugnay ng Lupon ng Pananaliksik,
Impormasyon, Edukasyon at Legal ng People’s Movement for Democratic
Governance (PMDG).
• Kasama si G. Ricky “Supremo” Xavier, Kuya Sam Yap at Roy Cabonegro, isa
rin ako sa mga Originators ng People’s Primary System (PPS) na inumpisahan
naming ipatupad nuong 2008.
• Kumakailan lang, ako po ay naging Consultant on Social Enterprise
Development ng Abraham Holdings Inc. (AbHI) upang i-Cooperativized ang
Kalinisan Steam Laundry na pag-aari ni Mr. Wyden R. King na mayroong 300-
Manggagawa.
• Sa kasalukuyan ako ay Tagapag-Ugnay ng Gawaing Sektoral ng NFS Ministry
Foundation, Inc. at Vision Keeper at Pangulo ng I Love Philippines Citizen’s
Initiative (ILPCI) Inc.
• Ako po ang may AKDA ng mga sumusunod:
Council of Sectoral Representative (CSR) ng QC Development Council
(QCDC) at naging pinaka-unang Presiding Officer nito;
Kapamahala People’s Council (KPC) na ipinatupad sa Bgy. Payatas at
Bayan ng Bulan, Sorsogon. Naging dahilan ito upang lumakas ang loob ng
mamayan sa Bgy. Payatas na patalsikin ang mga tiwaling opisyal sa
kanilang Barangay;
Programang MAGING TAPAT; at
Bayanihan sa Hanap-Buhay, kaya nabuo ko ang ang aking disiplina bilang
isang Transformative Social Engineer.
• Sa loob ng halos 25 taong patuloy na pagsasaliksik at pagdadasal sa ating
Panginoon ng mga alternatibong pamamaraan kung papaano ako magiging
epektibong instrumento sa pagpapanibago ng ating lipunan, kasalukuyan kong
isinusulat ang aking unang libro na may titulong “RESTORING GOD’S
ORIGINAL DESIGN TO OUR SOCIETY THROUGH TRASFORMATIVE SOCIAL
ENGINEERING AND DEVELOPMENT MANAGEMENT” na maglalaman ng lahat
ng aking natutunan at aktwal na karanasan sa pagpapanibago ng ating lipunan.