1. Office of the President of the Philippines
NATIONAL ANTI-POVERTY COMMISSION
National Urban Poor Sectoral Council
PAHAYAG
Ika 27 ng Pebrero 2013
Huwag Baluktutin ang Matuwid na Daan
Nanawagan ang mga lider ng maralitang taga lungsod sa mga ahensya ng pamahalaan na
“huwag baluktutin ang matuwid na daan tungo sa pagpapatupad ng pabahay.”
Ayon kay Emmanuel “Ka Manny” Manoto, secretary-general ng National Urban Poor
Sectoral Council na mayroong napagkasunduang pamamaraan ang mga organisasyon ng
mga maralitang taga lungsod at pamahalaan sa pamamagitan ng National Technical
Working Group na binuo noong 2010 sa pamumuno ng yumaong Kalihim Jesse Robredo.
Ani Ka Manny, “Kami ay katuwang ng pamahalaan sa pagpapaplano sa paglutas ng mga isyu
ng kasiguruhan sa aming tirahan at trabaho; sa aming kahirapan. Tinawag ni Sec Jesse ang
prosesong iyon na People’s Plan.”
Nilalatag sa isang People’s Plan ang mga sangkap ng isang maayos na relokasyon ng mga
maralita, lalu na sa mga naninirahan sa mga ilog at estero ng Manila – saan lilipat, anong
tipo ng pabahay o medium-rise building (MRB), paraan ng pagbayad ng amelyar sa
pabahay, paraan ng pagtitiyak ng trabaho, ng pagpapa-aral ng mga bata at kaakibat na mga
social services. Tunay na maraming sangkap ang People’s Plan pero dahil katuwang ang
Department of the Interior and Local Government, National Housing Authority, National
Anti-Poverty Commission, Department of Public Works and Highways, Housing and Urban
Development Coordinating Council, at ibang mga ahensya, mayroong pag-asa at
patutunguhan. Tumupad ang mga samahan, maliliit at malalaking grupo at organisasyon sa
pagbubuo ng kani-kanilang People’s Plan.
Pangunahing pinag-usapan at pinagkasunduan noon ang relokasyon ng mga maralitang
naninirahan sa mga estero, ilog at tulay ng Manila o ang tinatawag na “on-top waterways”
na bumibilang ng 6,000 pamilya. “Buong-buo ang aming paniniwala na mahalagang
paghandaan ang mga komunidad para sa darating na tag-ulan. Naniniwala kami sa utos ng
Pangulong Aquino na dapat ngang ihanda ang lahat ng sulok ng Kamaynilaan para ligtas ito
sa anumang panganib dulot ng kalamidad sa panahon ng tag-ulan,” saad ni Ka Manny.
3rd Floor, Agricultural Training Institute Building,
Department of Agriculture, Elliptical Road, Quezon City
Trunk lines 4264956, 4264965, 4265019, 4265028, Fax 9279838
2. Pero ngayon, umuugong ang balita na magkakaroon ng demolisyon anytime hanggang sa
May 15, 2013. Gigibain ang mga tirahan sa ibabaw at sa tabi ng mga ilog. Nanganganib ang
tirahan at kabuhayan ng humigit-kumulang 20,000 pamilya. Bakit biglang may ganitong
banta? Bakit lumalaki ang bilang ng mga pamilyang sapilitang paaalisin? Saan daw ililipat?
Sa malayong lugar na naman? Di ba’t nagkasundo sa TWG na ang unang mga options ay on-
site at in-city relocation? Di ba’t huling option ang itapon sa malayong lugar na walang
trabaho, clinic o ospital at paaralan?
Humihingi ng kasagutan at paglilinaw ang mga nagpupulong sa UP College of Social Work
and Development sa Diliman ang humigit-kumulang 500 lider ng mga asosasyon ng mga
maralita na unang tatamaan ng demolisyon sa mga ahensya ng pamahalaan.
“We must address the urgent questions of the informal settler families, especially those
who are living along the rivers of San Juan, Pasig, Tullahan, Manggahan Floodway, Tripa de
Gallina, at Maricaban Creek because they will be the first to be hit – by the demolition and
by the heavy rains,” dagdag naman ni Joel Rocamora, kalihim ng NAPC. “We assure NUPSC
and all groups of the urban poor of our support to their organized efforts, especially on
their respective People’s Plans.”
####
Para sa karagdagang impormasyon:
Joann Fernandez
+ 639153771068
joannfernandez@gmail.com
3rd Floor, Agricultural Training Institute Building,
Department of Agriculture, Elliptical Road, Quezon City
Trunk lines 4264956, 4264965, 4265019, 4265028, Fax 9279838