У сённяшняй прэзентацыі мы бліжэй пазнаёмімся з птушкамі нашай Беларусі. Іх шмат і яны вельмі розныя, прыгожыя і непаўторныя. Рамзова пойдзе аб аселых птушках.

1. Птушкі аселыя і
пералётныя

2. Па характары
сезонных
пералётаў
птушкі
падзяляюцца на:
АСЕЛЫХ
ВАНДРОЎНЫХ
ПЕРАЛЁТНЫХ

3. Гэта птушкі, якія круглы год жывуць у адной і той жа
мясцовасці. Некаторыя з іх усё жыццё праводзяць у
межах невялікай тэрыторыі. Да іх можна аднесці
вераб'я, голуба, каўку… Яны жывуць бліжэй да
чалавека і маюць дастаткова ежы і ўзімку, і ўлетку.
Аселыя птушкі

4. Паўаселыя птушкі
Гэта птушкі, якія выводзяць птушанят у адной
гнездавой тэрыторыі, а на пошукі ежы адпраўляюцца
за яе межы. Зіму яны праводзяць у бліжэйшым
наваколлі. Гэта сарокі, крумкачы... Частковая аселасць
уласцівая птушкам, якія добра забяспечаныя зімовым

5. Вандроўныя птушкі
Гэта птушкі, якія пасля размнажэння пакідаюць гнездавую
тэрыторыю і вандруюць, адлятаючы ад дома на дзясяткі, сотні
і нават тысячы кіламетраў. Яны ўвесь час пералятаюць з месца
на месца ў пошуках ежы. Кірунак бяруць звычайна ў бок
цёплых кліматычных зон. Птушкі-вандроўніцы гэта сінічкі,
попаўзні, снегіры, амялушкі...

6. Пералётныя птушкі
Гэта птушкі, якія пасля размнажэння пакідаюць гнездавую
тэрыторыю і на зіму пералятаюць у далёкія раёны за шмат
тысячаў кіламетраў. Для іх характэрны не толькі вызначаны
кірунак і тэрмін пералёту, але і досыць выразна акрэсленая
вобласць зімовак. Большасць птушак пералётныя: дразды,
качкі, гусі, берасцянкі, кулікі, чаплі, буслы…

7. Як адлятаюць птушкі
Спачатку ляцяць птушкі, якія харчуюцца насякомымі
(верасень-кастрычнік). Пазней тыя, якія харчуюцца
збожжам, а затым балотныя і водныя птушкі. Аднымі
з першых ляцяць беражанкі.

8. Як птушкі ляцяць?
Вялікія птушкі звычайна ляцяць клінам – жураўлі, гусі, а
меншыя чарадой. Шпакі, дразды і іншыя дробныя птушкі
ляцяць скучанай зграяй. Адныя ляцяць днём – буслы,
жураўлі, драпежныя птушкі, ластаўкі, а іншыя ўначы –
валасянкі, сітаўкі.

9. Пералёт птушак
Птушыная дарога далёкая і поўная небяспекі.
Вельмі шмат птушак гіне падчас пералёту. Толькі
наймацнейшыя, самыя цягавітыя дабіраюцца да
цёплых краёў.

10. Аселыя птушкі Беларусі
Дамавы верабей усім вядомы – на галаве шэры
"капялюшык", горлачка чорнае, ад дзюбы ідзе карычневая
паласа. Спінка карычневая з чорнымі устаўкамі. Самка
шэра-карычневая. Ад палявога вераб'я дамавы
адрозніваецца шэрай галоўкай.

11. Аселыя птушкі Беларусі
Галубы шырока распаўсюджаныя ў нашай краіне. Шызы
голуб прывязаны да месца, дзе нарадзіўся, таму, калі
вывезці птушку ў іншую мясцовасць, яна вяртаецца да
гнязда. Так прыдумалі "галубіную пошту". У галубоў
звычайна па 2 птушаняткі. Кормяць іх птушыным малаком.

12. Аселыя птушкі Беларусі
Грак велічынёй з качку. Апярэнне чорнае з бляскам.
Дзюба бялявая зверху. Шырока распаўсюджаны па
ўсёй тэрыторыі Беларусі. Даволі лёгка вызначаецца
па знешнім абліччы.

13. Аселыя птушкі Беларусі
Шэрая варона – Corvus cornix. Велічыня і выгляд
агульнавядомыя. Галава, крылы і хвост чорныя,
астатняе апярэнне цёмна-шэрае.

14. Птушкі Беларусі
Вялікая сініца – Parus major. Аселая і вандроўная
птушка. Шырока распаўсюджаная на тэрыторыі краіны.
Гняздо робіць ў дупле. Даволі лёгка вызначаецца па
яркай афарбоўцы і адносна буйнай велічыні.

15. Аселыя птушкі Беларусі
Сарока – Pica pica. Буйней за голуба. Галава, спіна,
крылы і хвост чорныя. Брушка, грудзі і плечы белыя.
Хвост доўгі, ступеністы. Голас – рэзкае стракатанне.

16. Птушкі Беларусі
Снягір альбо гіль – Pyrrhula pyrrhula. Велічынёй з
вераб'я. Верх галавы, крылы і хвост чорныя. Пёры
вакол хваста белыя, брушка ружова-чырвонае. У
самак брушка шэрае. Аселая і вандроўная птушка.
Засяляе іглічныя лясы. Гняздо будуе на дрэве.

17. Птушкі Беларусі
Попаўзень – Sitta europaea. Велічынёй з вераб'я. Спінка
блакітнаватая, брушка белае, з рудымі бакамі, крылы і
хвост бурыя. Аселая і вандроўная птушка. Засяляе лясную
зону. Гняздо робіць у дупле. Адзіная птушка, якая можа
рухацца па дрэве ўніз галавой. Адсюль і назва.

18. Птушкі Беларусі
Амялушка – Воmbусillа garrulus. Апярэнне ружова-
шэрае. Ад вока да дзюбы чорная палоска. На галаве
вялікі чуб. На канцы хваста папярочная жоўтая
паласа. Вандроўная птушка. Гняздо будуе на дрэве,
харчуецца ягадамі і пладамі.

19. Птушкі Беларусі
У яловых ды іглічных лясах можна ўбачыць яркіх
крыжадзюбаў. Яны харчуюцца насеннем з шышак і
гадуюць птушанят, якія сядзяць у гнёздах пад густымі
яловымі лапамі. Яны не баяцца маразоў. А калі не хапае
ежы перабіраюцца ў іншыя, больш ураджайныя, месцы.

20. Птушкі Беларусі
Дзяцел – Piciformes. Доўгая дзюба. Афарбоўка
пярэстая. Ёсць і аселыя, і вандроўныя, і пералётныя
віды. Засяляе лясную зону. Гняздо ўладкоўвае ў нары
альбо ў дупле. Далёка чуваць у лесе яго грук па
дрэву.

21. Птушкі Беларусі
Вушастая сава – Asio otus. Афарбоўка пёраў пярэстая.
На галаве "вушкі" з даўжэйшых пёраў. Совы шырока
распаўсюджаныя ў нашай краіне. Сілкуюцца
грызунамі, якіх ловяць уначы.

22. Птушкі Беларусі
Цецярук даволі буйная птушка, велічынёй з курыцу –
маса самца да 1,5 кг, самкі да 900 г. Апярэнне самца
чорнае, крайнія пёры хваста загнутыя. Жыве ў лясах з
прасекамі і палянамі.

23. А ці ведаеце Вы?
Вароны ня любяць чэрствы хлеб і заўсёды перад
ужываннем размочваюць яго ў лужыне.
А звычайны сцярвятнік з Афрыкі бярэ ў дзюбу буйны
камень і кідае яго на яйка афрыканскага страўса.

24. А ці ведаеце Вы?
Страўс закопвае галаву ў пясок, але не ад страху, а
каб пазбавіцца ад дробных насякомых, якія завяліся ў
пёрах.

25. А ці ведаеце Вы?
Гусі вельмі асцярожныя. Калі птушка адчувае
небяспеку, то кладзецца на зямлю, выцягвае шыю і
ўважліва назірае. Як толькі небяспека набліжаецца,
яна ўскоквае і ўцякае.

26. А ці ведаеце Вы?
Варона – адзіная птушка, якая ўмее правільна
разлічыць свой палёт і таму ніколі, у адрозненне ад
галубоў, не пападае пад машыну.

27. А ці ведаеце Вы?
Дацкія птушкі сваімі крыкамі пачалі пераймаць званкі
мабільных тэлефонаў. Асабліва атрымалі поспех у гэтым шпакі,
якіх лічаць вельмі кемлівымі птушкамі. Адзін з супрацоўнікаў
тэлекамунікацыйнай кампаніі Strand Consult з Капенгагена
назваў птушку, якая жыве ў яго садзе, Nokia, таму што яна
вельмі спрытна перадражнівае тэлефон згаданай маркі.