1. Windows гацчихаад байна бас хариу өгөхөө больчихлоо.
Эхлэхийн өмнө:
Жаахан юм хийж байтал гацаад л, хариу өгөхөө больчихдог. Мөн ч гайтай шүү.
Тэгээд л Restart хийхээс өөр аргагүй. Заримдаа ч битгий таг болчхоосой гээд залбирах нь
холгүй юм болдог шүү дээ. Яагаад Windows ингээд үе үе гацаад, таг болчихдог юм болоо.
Шалтгаан:
1. Програм хангамжтай холбоотой нөхцөл байдлаас
2. Драйвер програмуудтай холбоотой
3. Үйлдлийн системтэй холбоотойгоор
4. Халалттай холбоотойгоор
5. Техник хангамжтай холбоотойгоор
6. Windows үйлдлийн системд онцгой нөхцөл байдал тохиолдсон
7. Техник хангамж доголдсон
Шийдэл:
Ер нь Windows ямар ч хариу өгөхгүйгээр таг гацчихна гэдэг бол үнэнхүү төвөгтэй
нөхцөл байдал юм. Ялангуяа Windows 98, Me зэрэг үйлдлийн системүүд дээр энэ алдаа их
гардаг. Тэгвэл энэ удаад ийм нөхцөл байдлаас хэрхэн гарах, ямар шалтгаантай болохыг нь
олж тогтоох болно.
Юуны өмнө таны Windows үнэхээр гацсан эсэхийг олж тогтоох хэрэгтэй. Үүний тулд
гаран дээр байрлах Num Lock товчийг дарж “Num Lock” гэсэн гэрэл асаж унтарч байгаа
эсэхийг ажигла. Хэрвээ асах эсвэл унтарч байвал таны Windows ямар ч гэсэн амьтай байна
гэсэн үг. Ийм тохиолдолд танд шанс бий. CTRL + ALT + DEL хэмээх алдарт 3-н хослолыг

2. дарах хэрэгтэй. Энэ үед Task Manager хэмээх програм гарч ирдгийг та мэднэ. Эндээс ямар
програм гацсан байна, түүнийг нь хаагаад үз.
1. Програм хангамжтай холбоотой:
Ихэнхдээ програмын алдаанаас болж Windows таг гацдаг. Хэрвээ тухайлсан ямар
нэгэн програм дээр Windows гацаад байвал тухайн програмаас болж байгаа нь
эргэлзээгүй. Тухайн програмаа сайжруулах, шинэ хувилбарыг олж авах шаардлагатай.
2. Драйвертай холбоотой:
Драйвер гэдэг бол техник хангамжийг ажиллагаанд оруулахад зориулан гаргасан
тусгай програм хангамжийг хэлдэг. Ихэнхдээ техник хангамжийг үйлдвэрлэгчээс зориулан
гаргасан байдаг. Заримдаа Хятадын чанар муутай техник хангамжууд иймэрхүү
зөрчилдөөн гаргах нь бий. Тухайлбал Хятадын зарим график карт дээр хүчтэй үзүүлэлт
шаарддаг сүүлийн үеийн 3D тоглоом тоглох үед компьютерийг тэр чигт нь гацаах нь бий.
Эсвэл картдаа ч биш буруу эсвэл марк нь зөрсөн драйвер програм тохируулснаас ч
болдог. Жишээ нь таны карт “Via 1250 Pe” байлаа гэж бодоход “Via 1250” буюу сүүлийн Pe-
гүй драйвер програм уншуулахад таараад аваад явчихдаг боловч сүүлд нь нарийн
гүйцэдгэл дээр дутуу ажиллаад компьютерийг гацааж байж болох юм. Заримдаа буруу
тохируулсан техник хангамжийн дүрсний (Icon) өмнө шар өнгийн анхааруулах тэмдэг
харагдаж байдаг.
3. Үйлдлийн системтэй холбоотой:
Мэдээж үйлдлийн систем бол маш олон програмууд, үйлдэл, техник хангамжуудыг
хооронд нь зохицуулж ажиллуулах шаардлагатай байдаг тул өөрөө гэмтэх, бохирдох
зэргээр ажиллах аргагүй болдог. Ийм үед үйлдлийн систем өөрөө компьютерийг шууд
гацаах нь бий. Болж өгвөл компьютер дээрээ цэвэрхэн ажиллаж байвал ийм аюулд
өртөхгүй. Цэвэрхэн ажиллана гэхээр дараах зүйлсийг хамруулж ойлговол зохино.
- Аливаа үйлдлийг гүйцэд дууссаны дараа дараачийнхийг өгөх
- Үйлдлийн системийнхээ update-ийг байнга хийх
- Хэрэгцээгүй файлууд, өгөгдлийг устгаж байх
- Програм хангамжуудыг цэгцтэй суулгах, uninstall (устгах) хийж байх
- Заавал Shut Down хийж байх
4. Халалттай холбоотой:
Компьютер хэт их халбал шууд л таг гацна. Өөрөөр хэлбэл компьютерийн тань хаана
халалт өгч байна, тэнд л алдаа мадаг үүсэж гацах шалтгаан болно. Өмнөх 10-р алдаан
дээр яригдсан халалттай холбоотой сэдвийг уншина уу.

3. 5. Техник хангамжтай холбоотой:
Мэдээж техник хангамжууд доголдолтой бол гацалт өгнө. Мэдээж шүү дээ. Програм
хангамжууд нь аливаа техник хангамжуудаар дамжуулж л процессыг явуулна. Гэтэл
тухайн аль нэг техник хангамж алдаатай бол байдал асар муудах нь тодорхой.
Хэрвээ сүүлийн үед ямар нэгэн техник хангамж нэмснээс хойш ингэж байгаа бол
түүнийг салгах эсвэл солиод үзэгтүн.
Харин шинээр төхөөрөмж тавиагүй бол эд анги болгоныг салгах эсвэл шинэ
найдвартайгаар сольж үзэж аль хэсэгт алдаа байгааг олохоос өөр аргагүй юм. Юуны өмнө
өөрийн сэжиглэж байгаа бөгөөд шинийг тавих шаардлагагүй төхөөрөмжүүдээ салгаж үз.
Үүнд: модем, сүлжээний карт, дууны карт, CD-Rom гэх мэтийг нэрлэж болох юм.
Харин RAM, CPU мэтийн компьютер ажиллахад зайлшгүй шаардлагатай
төхөөрөмжүүдийг шалгах л жаахан төвөгтэй юм. Танд яалт ч үгүй өөр нэг адилавтар
компьютер шаардлагатай болно. Тэгээд л сольж тавиад л үзээд байхаас өөр аргагүй.
6. Windows-д онцгой нөхцөл байдал бий болсон:
Дээрх бүхэн үр дүнгээ өгөхгүй байгаа бол Windows чинь л болохоо байжээ гэж
дүгнэхээс өөр яах билээ. Windows ер нь гэмтэхдээ их хялбархан. Ямар нэгэн системийн
файл гэмтэх, устах, буруу газар хуулагдах, зайгүй болох, янз бүрийн зөрчилдөөн үүсгэх
гэх мэт юу эс тохиолдохыг тэр гэх билээ. Мэргэжлийн хүн нилээд гайгүй хэмжээнд засаж
дөнгөж магадгүй л юм. Ингээд ч нэмэргүй бол шинээр суулгах эсвэл repair хийгтүн.
7. Техник хангамж доголдох:
Эцсийн арга хэмжээ болох үйлдлийн системээ шинээр суулгасан ч гэсэн таг гацаж
байвал ямар нэгэн чухал техник хангамж тань болохоо байжээ гэдэгт эргэлзэх хэрэггүй
боллоо. Ихэнхдээ л RAM, CPU, Motherboard (эх хавтан)-д доголдол гарсан байдаг. Тог
гэнэт тасраад тэр дороо эргэж ирэх, хүчдэл нэмэгдэх гэх мэт нь чухал эд ангиудыг
гэмтээдэг онц аюултай учраас үүнээс сэрэмжилж тог баригчийг хэрэглэх хэрэгтэй.