Aurkezpen honetan Pesrpektiba Konikoaren oinarrizko ezagutzak azaltzen dira. Marrazki bat egiterakoan errealitatearen adierazpen fidagarria lortu behar dugunean, perspektiba konikoaren oinarrizko kontzeptuak ezagutzea beharrezkoa egiten zaigu. Azalpen sinple hauen bitartez perspektibaren oinarriak ezagutuko dituzu.
2. SARRERA Perspektiba konikoa irudiak adierazteko marrazketa teknika bat da. Adierazteko teknika hau Errenazimenduko margolari eta zientzialariek asmatu eta garatu zuten, XVI. mendean. Perspektiba konikoaren bitartez sakontasunaren itxura lortzen da, hau da, hirugarren dimentsioaren itxura.
3. SARRERA Perspektiba konikoaren bitartez egindako irudiek objektu (eta espazioen) itxura erreala eskaintzen digute, teknika hau giza ikusmenaren funtzionamenduan oinarriturik baitago.
4. SARRERA Errenazimenduko pintore ospetsua izan zen Rafaelen koadro honek perspektiba konikoaren erabilera erakusten digu. Perspektiba konikoari esker, Rafaelek errealitatea modu fidagarrian adierazten digu bere koadroan.
6. OINARRIZKO KONTZEPTUAK Perspektiba konikoaren bidezko irudietan, sakonera adierazten duten lerroak, hau da, hurbiletik urrunera doazenak, ihes – puntua deituriko puntuan elkartzen dira. Era honetan, hurbileko formak handiagoak ikusten dira eta urrunekoak txikiagoak, objektuen itxura erreala eskainiz. Errepidea zabalagoa ikusten da hurbilean eta estuagoa urrunean.
9. OINARRIZKO KONTZEPTUAK Perspektiba konikoaren bitartez hiru dimentsioetako norabideak marrazteko, altuera, zabalera eta sakonera, bi sistema aztertuko ditugu: Perspektiba Koniko Paraleloa eta Perspektiba Koniko Zeiharra .
14. PERSPEKTIBA KONIKO PARALELOA Perspektiba Koniko Paraleloa edo Aurrez Aurrekoa ihes –puntu bakarra duena da. Era honetako perspektiban, koadroaren planoa (KP), marrazkia egingo dugun orria, adierazi nahi dugun formen alde bat edo gehiagori paralelo ezartzen da. Zabalera adierazten duten zuzen horizontalak, norabide horizontalean adierazten dira, altuera adierazten duten lerro bertikalek bertikal jarraitzen dute eta sakonera adierazten duten lerroak, hurbiletik urrunera doazenak, ihes – puntuan (IP) elkartuko dira.
15. PERSPEKTIBA KONIKO PARALELOA Beheko marrazkia Perspektiba Koniko Paraleloan egina dago, gelaren atzeko pareta ikuslearekiko (marrazkilariarekiko) paralelo agertzen da. Hau da, koadroaren planoarekiko (KP) edo marrazkia egingo dugun orriarekiko paralelo.
16.
17.
18. PERSPEKTIBA KONIKO PARALELOA Beheko marrazkian Perspektiba Koniko Paraleloan erabiltzen diren elementuak adierazita ditugu:
19. PERSPEKTIBA KONIKO PARALELOA Sakonera neurtzeko erabiltzen diren puntu metrikoak D eta D´ bezala adierazita ditugu beheko marrazkian.
20. PERSPEKTIBA KONIKO PARALELOA Beheko marrazkian Lur Lerroa (LL) irudiaren beheko aldean dagoen lerro horizontala izanik, bilatu hurrengo elementuak: Ihes – puntua (IP), Horizonte Lerroa (HL) eta Altuera (h).
21. PERSPEKTIBA KONIKO PARALELOA Perspektiba Koniko Paraleloa marrazteko, lehendabizi marrazkia egiteko orria (KP) ongi prestatu behar dugu, eta horretarako, beharrezko elementuak kontuan izan behar ditugu: Lur Lerroa (LL), Horizonte Lerroa (HL), altuera (h), Ikuspuntua (IkP), Ihes – puntua (IP) edo Puntu Printzipala (PP) eta Puntu Metrikoak (M eta M´). HL LL h IkP IP – PP M M´
23. PERSPEKTIBA KONIKO ZEIHARRA Perspektiba Koniko Zeiharrak ihes – puntu bi erabiltzen ditu. Era honetako perspektiban, koadroaren planoa (KP), hau da, marrazkia egingo dugun orria, adierazi nahi dugun formen bi alderi zeihar kokatzen da. Zabalera eta sakonera norabideak zeiharrak dira marrazkia egingo dugun orriari, beraz, bi norabide hauek ihes – puntu bana izango dute, F eta F´ . Ihes – puntu hauek fokoak ere deitzen dira. Altuera adierazten duten lerro bertikalek, bertikal jarraitzen dute perspektiba adierazpen mota honetan.
24. PERSPEKTIBA KONIKO ZEIHARRA Beheko marrazkia Perspektiba Koniko Zeiharrean egina dago, eraikinaren bi aldeak ikuslearekiko (marrazkilariarekiko) zeihar agertzen dira. Hau da, koadroaren planoarekiko (KP) edo marrazkia egingo dugun orriarekiko zeiharrak.
25.
26.
27. PERSPEKTIBA KONIKO ZEIHARRA Irudian Zeharkako Perspektiba Konikoa erabiliz marraztutako prisma bat dugu. Aztertu irudian hiru dimentsioen norabideak: altuera, zabalera eta sakonera.
28.
29. PERSPEKTIBA KONIKO ZEIHARRA Zeharkako Perspektiba Konikoa marrazteko, lehendabizi marrazkia egiteko orria (KP) ongi prestatu behar dugu, eta horretarako, beharrezko elementuak kontuan izan behar ditugu: Lur Lerroa (LL), Horizonte Lerroa (HL), altuera (h), Ikuspuntua (IkP), Puntu Printzipala (PP), Ihes – puntuak (F eta F´) eta Puntu Metrikoak (M eta M´). HL LL h IkP PP M´ M F F´