Resistencia (Unha historia tenra e dramática que non te defraudará (1).pdf
Climogramas carmen
1. ACTIVIDADE DE ELABORACIÓN E COMENTARIO DE CLIMOGRAMAS
OBXECTIVOS.
Aprender a realizar en papel milimetrado un climograma.
Facer un sinxelo comentario dun climograma.
BREVE DESCRICIÓN DA ACTIVIDADE.
Copiamos os seguintes datos sobre temperaturas e precipitacións recollidos no ano 2006.
X F M A M X X A S O N D
4,1 4,1 9,6 11 14,2 17,4 20 18,3 17,5 14 10,6 5,6
11 129 152 53 11 30 6 30 72 264 151 138
Nunha folla de papel milimetrado, debuxamos os eixos da gráfica na que situaremos
temperaturas, precipitacións e meses do ano.
Trasladamos á gráfica as temperaturas medias mensuais mediante un punto de cor
vermella que unimos mediante unha liña da mesma cor.
Representamos na gráfica as precipitación mensuais con barras verticais de cor azul.
A partir da observación dos datos e da gráfica resultante contestamos as seguintes
preguntas:
1.- Cal é a temperatura media anual?
2.- Trátase dun clima frío, temperado ou cálido? Por que?
3.- Calcula a oscilación térmica anual.
4.- Cal é o volume total de precipitacións?
5.- En que tres meses chove máis? En que tres chove menos?
6.- Hai meses áridos? En caso afirmativo, cales son?
DESENVOLVEMENTO DA ACTIVIDADE.
No papel milimetrado trazamos os eixos nos que situaremos as temperaturas, as
precipitacións e os meses do ano.
2. Tomamos os datos da temperatura e marcamos cun punto na gráfica a temperatura
correspondente a cada mes.
Unimos os puntos resultantes cunha liña vermella.
Tomamos os datos das precipitacións e trazamos as barras que corresponden a
cada mes.
Pintamos de azul as barras.
Procedemos a realizar o comentario do climograma contestando ás preguntas
propostas.
Para calcular a temperatura media anual, sumamos as temperaturas medias
mensuais e dividimos o resultado entre 12
146,4/12=12,2ºC
Os climas poden clasificarse básicamente en fríos (temperatura media anual
inferior a 10ºC) temperados (temperatura media anual está entre os 10ºC e os
20ºC) e cálidos (temperatura media anual superior a 20ºC).
Temperado porque a temperatura media anual está entre os 10 e os 20 graos
Para saber a oscilación térmica restamos a temperatura media do mes máis
cálido menos a temperatura media do mes máis frío.
20 – 4,1= 15,9º C
Para saber o total de precipitacións anuais, sumamos as precipitacións de cada
mes.
1046 mm
Observando os datos numéricos anotamos os meses con maiores precipitacións
e o meses con menores precipitacións.
Outubro, marzo e novembro son os meses en que chove máis.
Xullo, maio e xaneiro son os meses en que chove menos.
Consideramos que un mes é seco ou árido se non se rexistran precipitacións ou
se a liña vermella das temperaturas sobrepasa a barra das precipitacións nese
mes.
Si. Maio, xuño, xullo e agosto son meses secos porque a liña das temperaturas
aparece máis alta que a barra das precipitacións.
CONCLUSIÓNS.
Coa realización desta actividade traballamos co noso alumnado varias competencias
básicas: coñecemento e interacción co mundo físico, tratamento da información e competencia
dixital, competencia matemática e competencia para aprender a aprender.
3. Asemade resultou moi motivadora e integradora xa que puideron deselvolvela de xeito
positivo incluso aqueles alumnos que teñen maiores dificultades.