Unha denuncia efectuada polas Asociacións: Sociedade Galega de Historia Natural, ADEGA e VERDEGAIA, a causa dunha agresión efectuada nun territorio dentro da zona RAMSAR "Lagoa e humedal de Valdoviño"

1. SOCIEDADE GALEGA DE HISTORIA NATURAL Delegación de Ferrol Apdo. Correos nº 356 – 15480 Ferrol Tlfno./fax: 981 352 820 – Móbil: 616 388 935 www.sghnferrol.blogspot.com – www.sghn.org [email_address] DENUNCIA Da agresión sufrida nunha zona do espacio RANSAR: “Lagoa e humidal de Valdoviño”. Outubro de 2007

2. Antón Fortuna Rodríguez , con documento de identidade nº -----, responsabel da Área de Litoral do Núcleo Comarcal (bisbarras de Ferrol, Eume e Ortegal) da asociación ecoloxista VERDEGAIA con enderezo -para os efectos de notificación- na Rua Santiago nº 2-4, 2º A, 15507 - Narón, 15507, Enesto López Díaz , con documento de identidade nº -------, Secretario da Delegación de ADEGA (Asociación para a Defensa Ecolóxica de Galicia) na bisbarra de Ferrol -ADEGA (Trasancos), con enderezo para os efectos de notificación no apartado de Correos nº 481 de Ferrol e ASUNTO: Agresión dunha zona dentro do espacio RANSAR “Lagoa e Humidal de Valdoviño”.

3. Juan Ignacio Díaz da Silva , con documento de identidade nº -----, Delegado en Ferrol da Sociedade Galega de Historia Natural – S.G.H.N ., con enderezo –para os efectos de notificación- no Apartado de Correos nº 356, 15480, de Ferrol, comparecen e como mellor proceda en dereito, EXPOÑEN: As entidades Sociedade Galega de Historia Natural-Ferrol , Verdegaia-Ferrol e ADEGA-Trasancos denuncian que nunha extensa superficie ubicada na parte sur oeste do Areal da Frouxeira (Valdoviño) se teñen realizado unha serie de actuacións que atentan gravemente contra a integridade deste espacio de tan elevado valor ecolóxico. Trátase dunha parcela que se estende ao oeste do Río

4. Magno, na zona de transición entre a vexetación arbórea e a vexetación dunar. As actuacións consistiron, basicamente, no seguinte -- Tala da vexetación arbórea de salgueiros e ameneiros na zona de dominio público do Río Magno e máis na zona de policía, nunha franxa de 20 metros. Afecta un hábitat considerado prioritario pola Directiva Hábitats da Unión Europea: “Bosques aluviais de Alnus glutinosa” (Código 91E0). -- Tala de piñeiros nunha zona de duna gris, considerada tamén hábitat prioritario pola Directiva Hábitats da Unión Europea: “ Dunas costeiras fixas con vexetación herbácea ” (Código 2130), sen ter recollido os restos da tala, que ficaron amoreados nas propias dunas.

5. -- Desbrozado, arado en profundidade e plantación con eucaliptos nunha zona dunar de asolagamento, integrada en gran parte por unha vexetación monoespecífica de Cladium mariscus , hábitat prioritario “Turbeiras de Cladium mariscus” (Código 7210). Trátase dunha valiosísima ciperácea de escasa presenza en Galiza, quedando destrozada totalmente a vexetación e facendo temer pola viabilidade desta especie. -- Os mesmos labores antes citados foron empregados sobre unha superficie de matogueira de Ulex en duna fixa, hábitat prioritario “Dunas fixas descalcificadas atlánticas (Calluno – Ulicitea), Código 2150. Á importancia que xa teñen en si mesmas estas actuacións para os hábitats afectados, hai que engadir o valor que posúe o lugar en si.

6. Trátase dun dos cinco humidais galegos protexidos polo Convenio Internacional de Ramsar. Ademais, pertence á Rede Natura 2000, da Unión Europea, formando parte do Lugar de Importancia Comunitaria “Costa Ártabra" e ZEPA " Costa de Ferrolterra- Valdoviño". Polos motivos expostos, esiximos que se tomen as medidas sancionadoras oportunas e se obrigue á reparación dos danos provocados, coa finalidade de volver o espacio á situación orixinal. Ferrol, a 31 de outubro de 2007 RESPONSABLE DA OFICINA DO CONVENIO DE RAMSAR SEPRONA DIRECCIÓN XERAL DE MEDIO AMBIENTE – XUNTA DE GALICIA