More Related Content
More from tsambaa111 (17)
зөвлөгөө
- 1. Хүүхэдтэйгээ яаж харилцах вэ? <br /> Харилцаа нь хүний амьдралд маш чухал байр суурийг эзэлдэг. Харилцааны соёл муутай байх нь түүний амьдралд муугаар нөлөөлөх бөгөөд амжилт гаргахад нь ч саад болно.<br />Мөн нийгмийн харилцаанд чухал нөлөөтэйг хэлэх нь зүйтэй. Ийм учраас эхийн хэвлийд байхаас нь хүүхэдтэйгээ харилцааны зөв хэлбэрийг хөгжүүлэх хэрэгтэй. Үүнээс гадна хүүхдийг өөрийгөө илэрхийлэх үндэс суурийг бэлтгэсэн бат бөх харилцаанаас амьдралын турш суралцах хэрэгтэй. Зөв хөгжиж буй харилцааны соёл нь түүний дунд болон мөн цааш сурах нөхцөлийг бүрдүүлэх болно.<br /> Хүүхдийн харилцаа , хэл яриа нийгмийн хөгжилтэй хамт төлөвшиж эхэлнэ. Гэхдээ хүүхдийн нярай үеэс эхлэн харилцаанд илүү их нөлөө үзүүлдэг газар нь гэр бүлийн орчин юм. Эцэг эхчүүд хүүхэдтэйгээ харьцах харилцааны хэлбэрээ илүү сайн төвшинд хүргэх нь түүнийг илүү сайн ойлгож, харьцахад чухал ач холбогдолтой юм.<br /> <br />Харьцаагаа цэгнэх, соёлч боловсон харилцаж сурахын тулд дараах зөвлөгөөг анхаарах хэрэгтэй:<br />Хүүхдэд төлөв төвшин, соёлч боловсон сайхан ханд.<br />Хүүхэддээ сэтгэл санаагаа илэрхийлэх боломж олго. Та өөрөө үлгэр жишээ болж чадаж байгаа эсэхээ хяна.<br />Хүссэн цагт нь түүний ярихыг сайн сонс.<br />Түүнтэй ярьж байх үедээ харцаараа харьцахыг мөн хичээ.<br />Түүний харилцааны хандлагад тохирсон хариу өг.<br />Түүнтэй харилцах хэлбэрээ өргөжүүлэх нийгмийн үйл ажиллагаанд хамруул.<br />Түүний яриаг шүүмжилж буруутгах гэж бүү яар.<br />Ярилцаж байхдаа дууны өнгө аяс, аялга дохио зангаа, нүүрний хөдөлгөөнөө тохиромжтой зөв илэрхийл.<br />Үргэлж захиргаадаж, түүнийг идэвхгүй байлгахын оронд идэвхтэй харилцааг үүсгэ.<br />Түүний үгийн санг баяжуулах зорилгоор шинэ үгийг өргөн хэрэглэж ном уншихыг нь урамшуул.<br />Удаан ойлгомжтой тодорхой ярихыг хичээ.<br />Хэтэрхий нуршуу буюу тойруу ярихаас болгоомжил. <br />Харилцаанд эцэг эхийн аль алины нөлөө чухал байдгийг мартаж болохгүй.<br />Харилцаа чин сэтгэлээсээ буюу халуун дотно байх ёстой.<br />Зохистой харилцаа нь сайнаар нөлөөлөхөөр барахгүй илүү их үр дүнтэй байх болно.<br /> Эцэг эхийн хоорондын болон эцэг эх гэр бүлийн бусад гишүүдтэй харилцах харилцааны хэлбэрээс хүүхэд үлгэр дуурайл авдгийг анхаарах хэрэгтэй. Хүүхэд тань, таны эерэг, сөрөг харилцааг дуурайн хэрэгжүүлнэ гэдгийг мартаж болохгүй.<br /> Хэл яриа нь хөгжөөгүй аль эсвэл харилцааны бэрхшээлтэй хүүхдэд сэтгэл зүйн зөв үнэлгээ хийсний дараа мэргэжилтнээс тусламж авах нь чухал юм. Тантай сайхан харьцдаг, харилцан ойлголцдог, танаас үлгэр жишээ авдаг хүүхэд хаана ч ямар ч нөхцөлд амжилт гаргана гэдэгт итгэж болно.<br />