1. Starfsheitaleikurinn Eðvarð Ingi Björgvinsson

2. Starfsheitaleikurinn Starfsheitaleikinn datt mér í hug þegar ég var að hugsa um hvernig auka mætti þekkingu nemenda á störfum sem þau munu hugsanlega koma til með að vinna við í framtíðinni. Leikurinn þjálfar einnig hugann almennt hjá nemendum því þeir hugsa mjög mikið á meðan leiknum stendur.

3. Búnaður sem þarf til Hægt er að fara í leikinn án þess að vera með mörg tæki og tól. Gott er þó að hafa töflu og túss eða krít Þó er hægt að skrifa á stór blöð og hengja þau upp á vegg

4. Fyrir hverja ? Leikurinn er aðallega ætlaður nemendum í yngri bekkjum grunnskóla. Ástæðan er sú að nemendur á leikskólastigi hafa enn svo lítinn grunn til að byggja á og nemendur í eldri bekkjum grunnskóla eru farnir að þekkja þetta ágætlega.

5. Lýsing Nemendur sitja í sínum sætum, annað hvort einir og sér eða í hópum Kennari stendur við töfluna og skrifar niður Gott er að láta nemendur byrja eftir stafrófsröð eða einhverri annarri þægilegri röðun.

6. Lýsing Hver nemandi eða hópur segir til um hvað hann vill vera þegar hann verður stór, eða nefnir eitthvað annað starfsheiti sem hann þekkir. Kennarinn skrifar starfsheitin upp á töflu og klárar allan bekkinn áður en haldið er í næsta skref.

7. Lýsing Þegar allir hafa nefnt starfsheiti eiga nemendur að taka sér smá tíma til að skrifa niður orð sem þeim detta í hug í kringum starfsheitið. Hægt er að láta nemendur nefna eingöngu verkfæri og hafa jafnvel iðnaðarþema þar sem eingöngu má velja iðnaðarmenn.

8. Lýsing Nemendur koma svo hver á fætur öðrum upp á töflu og tilkynnir orðin sem honum datt í hug í kringum starfsheitið. Svo næsti og næsti.... Þegar því er lokið má reikna út stigin og sjá hver fann út flestu orðin, flestu verkfærin eða það sem á við hverju sinni.

9. Lýsing Leikinn má einnig leika þannig að nemendur skrifi allir niður orð um sama starfsheitið og þá væri hægt að hafa svokallað brainstorming upp á töflu þar sem öllum orðunum væri safnað saman og auka þannig orðaforðann og hugmyndaflugið hjá börnunum. Svo er hægt að ræða um hin og þessi orð sem sumir hafa aldrei heyrt og aðrir vita.

10. Útfærsla Leikinn er hægt að útfæra á marga vegu, en tilgangurinn er ávallt sá sami, að fræða nemendurna um starfsheiti og hvað býr að baki þeim. Hægt er að hafa leikinn stuttan eða um 5-10 mín eða langan, um 20-30 mín.

11. Takk fyrir Vonandi nýtist leikurinn ykkur á góðum degi  Kveðja Eðvarð Ingi Björgvinsson