Хоост айлын туршлага, Жуулчдад хоол бэлтгэх

Монголын Бэлчээр Ашиглагчдын Нэгдсэн Холбооны захиалгаар энэ агуулгыг бэлтгэв. 2020.10.7
1. ХоостАйлын туршлага
2. Жуулчдад хоол бэлтгэх
Ж.Бэгзсүрэн
ХоостАйл санаачлагч,
зөвлөн чиглүүлэгч
утас 99861326
Б.Мөнгөнсоёмбо
хоол хүнсний үйлдвэрлэл,
үйлчилгээний менежер
утас 90861326

Илүү их
танилцаж нөхөд
болцгоох уу?
ХоостАйл БийСоё -ын эзэд
Ж.Бэгзсүрэн, Б.Мөнгөнсоёмбо

Танил нөхөд болцгооё
Нэр нөхөр Бэгзсүрэн
гэргий Мөнгөнсоёмбо
Төрсөн он 1976; 1977
Төрсөн газар Сүхбаатар, Баруун урт; УБ
Гэрлэсэн он 1998
Ам бүл 5
• Хүү 21 нас, оюутан
• Охин 15 нас, Хөвсгөл МСҮТ Аяллын хөтөч 2.5
• Охин 14 нас, 9-р ангийн сурагч
Амьдарч байгаа нутаг
• УБ, БЗД Дарь эх
• УБ, Өвөр гүнтийн зуслан
Сууц Таван ханатай гэр
Ажил
2012 оноос сүүн сүрэг, клуб, сургалт, оёдол
Хүсэл
+ гэрийн эсгийг ус нэвтэрдэггүй болгох
+ хонины нэхийг Монгол аргаар элдэж сурах
+ ХоостАйлд зочлох хөтөлбөрөө хөгжүүлж,
жилд 100 гэр бүлийг Монголын хөлөгт болон
шагайн тоглоомоо мэддэг, хүнсээ өөрсдөө
бэлтгэдэг болгох
Холбоо барих утас
99861326, 90861326

Яагаад жуулчид
гэртээ хүлээн
авдаг болсон вэ

Амьдралаа эргэн харахад
Хүн бүхэн дэмжлэг тусыг авах дуртай
Ажлаар гадаад орнуудад явж байхдаа тухайн улсад танил айлтай бол сайхан, тэр
хүнээсээ автобус унаа яаж явдаг, зах дэлгүүр хаана байдаг, аль нь чанартай бөгөөд
хямдхан бол гэх мэтийг мэдэхэд амар
Хүн бүхэн бэлэг авах дуртай
Хүүхэд байхад аав ажлынхаа орос найзуудыг гэртээ дагуулж ирэхэд тэр найзууд нь
хүүхдүүд бидэнд орос чихэр өгч байсан, цаасыг нь нугалж гарын алгаараа дарж
эргүүлж тоглодог байсан дурсамж
Соёмбоо: Улаанбаатар зочид буудалд ажилладаг эмээгийнхээ ажил дээр зуны
амралтаараа очиход гадаад хүмүүс өхөөрдөж чихэр, тэмдэг өгдөг байсан
Хүн бүхэн мэддэг зүйл, байгаа юмаараа бусдыгаа баярлуулах дуртай
Номын санд ажиллаж байхад яарч сандарсан хүн ном, мэдээлэл асуухад нь мэддэг
зүйлээ хэлээд, чигийг нь заагаад өгөх, туслахыг хичээх, тавтай суулгаад, аяга цай хамт
уунгаа ярилцаж танилцах сайхан

Гэртээ жуулчин (гадаад найз) хүлээж авдаг болсон шалтгаан
Интернэтэд хэрэглэхэд үнэ төлбөргүй харилцааны
вэбүүд байдаг
Аялагч гадаад хүмүүсийг нутгийн хүмүүстэй харилцах
боломж олгодог couchsurfing.com вэбийг 2008.7.8 өдөр
Америк залуу Андрьютай уулзаж ярилцах үедээ мэдэж
авч, тэр дор нь өөрийгөө тэр вэбд бүртгүүлж, хэрэглэж
эхэлсэн. Үүнээс гадна warmshower.org, workaway.info,
airbnb.com, travelingspoon.com вэбүүдийг хэрэглэж
байна
Хүн ирэхэд хүч болдог байсан
Усанд явах, үнээгээ гол, уул руу бэлчээх, бэлчээрээс
авчрах, тугал татах зэрэгт хамт явах дуртай, хоолны орц
материал худалдаж авахад тэд туслах дуртай
Хоол хүнсээ худалдан авахад санхүүгийн дэм тустай
байдаг
Гадаад хүнээ аль болох хамтдаа хоол хийж идэхэд
уриалж, хоол хийхэд оролцохыг урьж, хоолонд мах,
ногоо авахад туслахыг хүсдэг.

Гэртээ жуулчин (гадаад найз) хүлээж авдаг болсон шалтгаан
Шинэ зүйлсийг олж мэдэх, тэдний амьдрал ахуй, соёлыг
ярилцахад сонирхолтой байсан
Яагаад аялж байгааг нь, Монголд иртлээ хаагуур яаж аялсан,
тухайн улсынхаа ямар хотод амьдардагийг нь газрын зураг дээр,
интернэт дээр хараад ярилцах, тэр гадаад хүний хийдэг ажил, гэр
бүлийн талаар ярилцахад сонирхолтой байдаг
Гадаад хүмүүсийн аяллын хүсэл зорилго биелэхэд бид оролцох
боломж
13-р зуунд Дэлхийн их амар амгаланг бүтээсэн Чингэс хааны үр
хойч өнөөдрийг хүртэл бэлчээрийн мал аж ахуйгаа эрхлэн, өдөр
тутамдаа юуг хийж, яаж амьдарч байгааг гадаад хүмүүс мэдэх,
сурахыг хүсдэг,
Хүний гар хүрээгүй байгалийн сайханыг өөрийн биеэр үзэж
мэдрэх хүсэлтэй байдаг
Миний гэр Жуулчин хүмүүсийн ирж суралцах өргөө болсон
Дахин ирсэн Япон хүмүүс биднийг гэртээ амьдарсаар байгааг
хараад баярладаг, гэр юу юунаас бүтдэг, сүү цагаан идээгээ яаж
боловсруулж хүнсээ бэлтгэдэг, хоолоо яаж хийдэг, ямар тоглоом
тоглодог, яагаад аягаа долоодог, гэр дотроо хаана нь унтаж, яаж
амьдардаг зэргийг бодит байдлаас суралцаж, асууж ярилцаж,
мөн өөрийнхөө мэддэг зүйлсээ ярьж тайлбарладаг

Жуулчинтай
харилцахдаа
анхаардаг
зүйлээс

Харилцаандаа анхаардаг зүйлс
- Жуулчин хүнийхээ нэр, нас, сонирхол, хүнсэнд хориглох зүйлс, аяллын
хүсэл зорилгыг уулзахаасаа өмнө мэдсэн байх
- Хүнийг тохирсон газар, цагтаа тосч аваад, гэртээ дагуулан ирэх замдаа
аялалын нь талаар ярилцаж, гэрт орж ирэхэд цүнх сав, хувцасыг тайлж
тавихад зааж чиглүүлж, гарыг угаалган ширээнд суухыг урихад ямар ч
хүн баярладаг.
- Жуулчинтай харилцах, нүүр тулан таарах бүх хүмүүсийн нэр, нас, ажил
үйлсээ танилцуулсан байх, анхны уулзалтаар танилцуулах үедээ
ярингаа бичиж харуулах чухал байдаг
- Зөвхөн чаддаг, мэддэг зүйлээ ярих, амлах; чадахгүй зүйлсээ хэлж,
ямар боломж байгаа зүг чигийг гаргаж өгөх
- Өөр хүмүүсийн өмнөөс шийдвэр гаргаж болдоггүй, жуулчин хүн өөрөө
тэр мэддэг, чаддаг хүмүүстэй уулзаад шийдвэрээ гаргавал алдаа
эндэгдэлгүй
- Босгон дээр гишгэх, бүдэрч гарах, цай өгөхөд амсаад уухгүй байх гэх
мэт олон болохгүй үйлдэл гаргахад нь инээж шоолохгүйгээр, учрыг
хэлж тайлбарлахад бэлэн байх
- Англи хэлний үгийн баялгаа нэмэгдүүлж, гадаад хүний сэтгэх
онцлогийг мэдэрч, үг сонголтонд анхаарах чухал

Харилцаандаа анхаардаг зүйлс
- Монгол хүн ингэдэг тэгдэг гэж ерөнхий хэлэхгүй байх, харин өөрсдийн
хэрэглэдэг Монгол соёл, зан заншлыг учир холбогдлыг ярьж,
тайлбарлан танилцуулах
- Танайхыг сануулж байхуйц, ачаа тээшинд нь саад болохооргүй
жижигхэн дурсгалын зүйл, аялалд нь шууд хэрэг болох зүйлийг
бэлэглэх (4 шагай, дуртай байсан бол жаахан ааруул, боорцог, арвайн
гурил гэх мэт)
- Зочны сэтгэгдлийн дэвтэртээ сэтгэгдлийг нь бичүүлж авах
- Буцахад нь унаа машинд нь суулгаж өгөх, тэр мөчид хамтдаа зургаа
авахуулах, тэврэн үдэх
- Хэдэн цаг, өдрийн дараа сайн явж зорьсон газартаа хүрсэнийг нь
асууж имэйл бичих, харилцах, цахим орчинд сэтгэгдлээ бичихийг
сануулах
- Жил бүр ойн мэндчилгээг цахимаар, ил захидлаар илгээдэг бол маш
сайхан

Жуулчинтай
яаж холбоо
тогтоодог

Жуулчинтайгаа яаж холбоо тогтоодог
Зориулалтын вэб хуудас
2008-7-8 couchsurfing.com
Ямар ч хүн үнэ төлбөргүй хэрэглэдэг. Гэртээ ирүүлсэн, хонуулсан гээд
мөнгө авдаггүй. Тухайн хүн сайн зочин, айлчин байхын төлөө байдаг,
улсаа төлөөлж аялж байгаагаа үргэлж мэдэж байдаг.
2011 оноос warmshowers.org
Унадаг дугуйгаар аялдаг хүмүүсийн хэрэглэдэг, төлбөргүй вэб
2013 оноос workaway.info
Хоостынхоо ажил үйлсэд нь гар бие оролцоод, байр, хоолонд санаа
зовохгүй аялдаг хүмүүст зориулагдсан вэб. Хоост нь төлбөргүй
ашигладаг, аялагч нь ашиглах хугацаагаараа төлбөр тушаадаг

Зориулалтын вэб хуудас
2017 оноос хэрэглэсэн airbnb.com
1 хоногт 8-10 доллар Airbnb компанид төлж, миний гэрт ирдэг. Энэ
компани үйлчилгээндээ 1-2 доллар шимтгэл аваад, бусад мөнгийг
бидэнд илгээдэг. Бид зочиноо тосч авч, гэртээ Дэлхийн шилдэг өглөөний
цайгаар дайлж, Монгол шагайн тоглоомоо зааж өгч, бидний гэр, ахуйн
талаарх асуултанд нь хариулж, хамтдаа хоол бэлтгэж, ярилцдаг. Өдөртөө
тэд цагаа чөлөөтэй зохицуулдаг.
2018 оноос хэрэглэсэн travelingspoon.com
Хоост нь төлбөргүй ашиглахаас гадна аялагчийн төлсөн мөнгөөс вэбийн
үйлчилгээний хураамж суутгуулаад мөнгө хүлээн авдаг. Өдрийн
эсвэл оройн хоол хамтдаа бэлтгэж, идэнгээ бидний гэр, ахуйтай
танилцаж, ярилцах гэсэн хүсэлтэй аялагчид энэ вэбээр харилцаж ирдэг.
Тэд энэ үйлчилгээнд 20 еврог бидэнд энэ traveling spoon компаниар
дамжуулж төлдөг.

Вэб хуудсыг хэрэглэхдээ анхаарах зүйлс
Ашиглах вэбийнхээ үүрэг, зориулалт, ашиглах
танилцуулгыг уншиж мэдэх
Бүртгэлээ бүрэн үүсгэж, өөрийн танилцуулга, нөхцөл
шаардлагаа бүрэн оруулах
Вэбийг ашиглах журамд орж байгаа өөрчлөлтүүдийг
имэйлээрээ хүлээн авч, танилцаж, ойлгож хэрэглэж
байх
Харилцаж байгаа жуулчны бүртгэлтэй бүрэн
танилцах, түүнээс ирсэн имэйлд зохих хариуг илгээх
Жуулчин бүхэнд үнэлгээ, сэтгэгдэл үлдээх
зориулалттай үйлдлүүдийг заавал хийж гүйцэтгэх,
reference бичих функцийг тогтмол хэрэглэх

Жуулчин гэрт
байхад анхаардаг
зүйлс

Жуулчин гэрт байхад анхаардаг зүйлс
Ил үлдээсэн эмийг нь хүүхэд чихэр гээд идчихсэн
Гадаад хүмүүс нь биднээс эмийг харсан уу гэж асуухад нь бид
мэдэж, тэр даруй хүүхдүүдээсээ асууж, учрыг мэдээд, хүүхдийнхээ
ходоодыг эмнэлгээр угаалгаж байсан
Сургамж: гадаад хүмүүсийг гадагшаа гарахад нь цүнх саваа цэгцэлж,
хурааж, хааж тавихыг хүсдэг болсон
Тамхи татдаг жуулчин гадаа тамхиа татдаг
Тамхи татдаг хүний хувцас, бие, аяга эд зүйлээс тамхины үнэр, бохир
шүлс наалдсан байдаг нь гэр бүлийн гишүүд дам тамхидалтын
нөлөөнд автах учраас манайх аль болох тамхи татдаг хүнийг гэртээ
ирүүлдэггүй.
Хулмас, үнэртэй жуулчинг бид олон хонуулдаггүй
Гадаад хүмүүс гэр дотор халууцахаар биеэс нь үнэр гарахлаар бид,
тэр хүнд халуун ус хаана байдгийг зааж өгөх, гэртээ арц, ганга
уугиулж ариулдаг.

Жуулчин гэрт байхад анхаардаг зүйлс
Хоорондоо зөөлөн аядуу ярилцах
Бидний гаргаж байгаа зан ааш, яриа хөөрөөгөөр Монгол
хүнийг, Монгол орныг тэр чигээрээ ийм хүмүүс гэж цааш
нь ярих учраас бие биедээ уурлаж бухимдахгүй,
хүүхэдтэйгээ зөөлөн аядуу харилцана
Шоолж инээж болдоггүй
Гадаад хүмүүс Монгол ёс заншил, ахуй амьдралыг бүрэн
мэдэхгүй учраас зарим зүйлийг буруу зөрүү хийх, шоолж
инээмээр зүйл гаргавал Учрыг нь тайлбарлан хэлж өгч,
шоолж инээхгүйгээр өнгөрөөх хэрэгтэй.
Архи уухгүй байх
Согтууруулах ундаа нь хүний мэдрэлийн системийг
саатуулж, биеэ барих чадварыг алдагдуулдаг тул архи
уухаас бүрэн татгалзаж, архигүй орчин гэдгээ хэлчих нь
зөв байдаг.

Манайх гэртээ
жуулчингаа
байлгадаг
болохоор амар
байдаг

Гэртээ жуулчингаа байлгадаг тул
Гэрээ цэвэрлэж угтаж авахад бэлтгэнэ
Хэн хэзээ ирэх нь тодорхой байдаг болохоор хүн ирэхэд гэрээ
цэвэрлэчихсэн, аяга халбагаа бэлдчихсэн, заримдаа зориуд
хоолоо хийх цагаа нааш цааш болгоод зохицуулсан байдаг.
Өглөө галт тэрэг, онгоцноос бууж байгаа хүн ирэх бол цай
уулгаад, бага зэрэг унтаж амрах боломжтойг хэлэхэд тэд
баярладаг.
Унтаж амрах орчинг үүсгэдэг
Гадаад хүн унтах орны наагуур хөшиг татаж гэрэл хаах, хөшигний
цаана хувцсаа солих боломжтой болгодог.
Өглөө босонгуут нь мэндлээд, сайхан амарсаныг нь асуугаад,
биеэ засаад, гараа угаагаад, хөнжилөө эвхсэний дараа цайгаа
уухыг хэлж зөвлөдөг.
Анхны өглөө бол хөнжлөө яаж эвхэхийг нь зааж өгье гэж хэлээд
үзүүлж, зааж өгдөг.

Жуулчинтайгаа хамт байх цагийг гаргах шаардлагатай
Энэ өдөр хэн хаана юу юу хийхээр төлөвлөж байгаа, юунд нь
жуулчин оролцох хүсэлтэйг ярилцаж, жуулчингаа ажил
амьдралдаа оролцуулахыг хичээдэг.
Жуулчин маань хотын төв рүү явах ажилтай бол түүнийг нь
сонсож, зөвлөж дэмждэг.

Хамтдаа хоолоо бэлтгэх, идэх нь халуун дулаан харилцааг бий
болгодог
Оройхон, 18 цагаас хойш ирж байгаа гадаад хүнд цай уулгаад,
хөнгөн хоол (үзэмтэй тараг байж болно) өгч, 22 цаг гэхэд унтдаг
болохоо эртхэн хэлчихдэг.
Байцаа, лууванг бага зэрэг ургамлын тос, хатаасан халгай, ганга
өвсөөр амтлан салад бэлтгэж идэхэд ямар ч улсын жуулчин
дуртай.
Гадаад хүмүүстэй өдөр, оройн хоол хамт хийхдээ аль болох
шөлтэй, жигнэсэн хоолыг өөх багатай шинэ махаар, гурилыг зуурч
элдээд, зөвхөн нуурын давс, сонгино, сармис, перец, лаврын
навч, халгай, таана сорс, ганга өвсөөр амталж бэлтгэхэд мах
шүүсний амт нь тодорч, тэд дуртай байдаг.
Үзэм, бага зэрэг сахартай агшаасан цагаан будаа, хөц будаа,
гурвалжин будааг сонирхон, амтархан иддэг.

ОО, усанд орохыг
шийдсэн байдал

ОО, усанд орохыг шийдсэн байдал
Биеэ засаад модны үртэсийг өтгөн дээрээ цацдаг. Ингэснээр ялаа
батгана цуглаад байдаггүй, мөн үнэр нь дарагддаг.
Нэг доор шээгээд байхлаар үүсдэг үнэрийг багасгахын тулд модны үртэс
жаахан дэвсэж, түүн рүү шээгээд, түүнийгээ уутанд цуглуулж хогонд
ачуулах, эсвэл өөр газарт дэлгээд тараачихдаг байсан.
Өтгөнөө уут шуудайнд цуглуулаад хогтойгоо хамт ачуулдаг байсан.
2020 оны 2-р сараас Шийдэл аялал жуулчлалын бүтээмжийн төвийн
хэрэгжүүлж байгаа төсөл хөтөлбөрт хамрагдаж Финляндын хуурай эко
жорлонг хэрэглэж эхэлсэн.
Манайд ойрхон байдаг Халуун усны 1-2 газрыг дагуулж очиж зааж
өгөөд, үнэ болон усаа тохируулах, 30 минут болох гэсэн анхаарах
зүйлийг нь хэлээд өгдөг. Түүнээс хойш өөрсдөө очоод усанд орчихоод
ирдэг.

Эргэн санах,
дурсахад тусалдаг
зүйлс

Зочны дэвтэр
Франц зочид Нарантуул зах яваад ирэхдээ дэвтэр авчирч, зочны дэвтэр нээж эхлүүлж байсан.
Бид энэ санааг үргэлжлүүлсээр байгаа.

2009.6.25 Мариа
/Герман/
42

2009.04.28 Реми, Дельфин
/Франц/
37

2009.05.01 Тибу
/Бельги/
39

2009.07.06 Нелли, Алекс
/Франц/
50

2012.02.08 Мохи
/Герман/
37

2010.06.08 Кени
/Орос/
95

2010.06.14 Изабел, Бруно
/Франц/
36

2009.04.01 Робертын гэр бүл /Шинэ
Зеланд/
30

2016.10.06 Алекс, Ольга
/Орос/
359

Блогтоо нийтлэл
2016 оноос эхлэн оны төгсгөлд ямар улсаас хэдэн жуулчин ирснийг дүгнэж бичиж эхэлсэн.

Видео ярилцлага
2018 оноос эхлэн гадаад зочиноосоо зөвшөөрөл асууж, зөвшөөрвөл Хэн гэдэг хүн аль улсаас
ямар хүсэл мөрөөдлөөр Монгол орныг зорин ирсэнийг нь асууж, бодол сэтгэгдлийг нь
ярилцдаг видео бичлэгийг гар утсаараа хийж, #MongoliaFriend гэсэн тодотгол нэртэйгээр
Youtube видео сан болон Creative Mongolia фасебуук хуудсанд нийтэлж түгээж байгаа.

Манай гэрт гарсан
өөрчлөлтүүд

2016 он. УБ–Новосибирск-УБШагайтай үүргэвч аялал

2018 он. Улаанбаатар – Минск - УлаанбаатарШагайтай үүргэвч аялал
• 55 хоног (2018 оны 6 сарын 17 – 8 сарын 10) 6 улс, 16000 орчим км
• 144 машинд сууж 11 хоостайлд амьдарч
• 10 номын санд зочилж
• түүх дурсгалын газар, байгалийн үзэсгэлэнд аялж
• ? төгрөг зарцуулсан (аяллын санхүүгийн тайланг худалдан авч болно)

Дараах түлхүүр үгээр интернэтээс хайж үзээрэй
“ancient Europe knuckle bone”

4 шагайгаар 20 тоглоом тоглохыг заасан бичлэг

Монголын хөлөгт тоглоомуудыг танилцуулж, заасан бичлэг

Манай гэрт гарсан өөрчлөлтүүд
Аялдаг болсон
Яаж аялбал их зардал мөнгө орохгүйг ойлгож мэдсэн. Ингээд Дэлхийн
хүмүүстэй нөхөрлөж, Монгол шагайн тоглоом, морин хуур хөгжмөө
аваад Шагайтай үүргэвч нэртэй аяллыг 2016, 2018 онд хийсэн.
Хүнс тэжээл бол Цэвэр агаараас эхэлдэг болохыг ойлгосон
Цэвэр агаар, тунгалаг усаар байнга тэтгэгдэж байх, хоол хүнсийг
тааруулж, тохируулж идэн биеэ хөнгөн, ухаанаа саруул байлгахад
анхаардаг болсон.
Улирал бүхэнд өөр өөрөөр хооллохыг зорьж, оройн хоолоор тараг,
аарцыг сонгосон.
Байгальд шингэхгүй хог хаягдал гаргахгүйг зорьдог болсон
Амархан эвдэрдэг хуванцар сав суулга, тоглоом, эд зүйлсийг авахгүй,
гялгар уутны оронд даавуун уутаа үргэлж хэрэглэдэг, эмэгтэйчүүдийн
ариун цэврийн хэрэглэлийн оронд олон дахин хэрэглэдэг ариун
цэврийн аяга хэрэглэдэг болсон

Хүүхдүүд англи хэл, бусад зүйлийг сурч байна
Хөгжим тоглох, англиар ярих, хүмүүстэй харилцахыг хүүхдүүд
биднийг хараад автоматаар сурсан. Одоо охин Б.Гаадмаа маань
Хөвсгөл МСҮТ-ийн Аяллын хөтөч 2.5 жилийн мэргэжлийн
сургалтанд суралцаж байна.
Хүний тус багадахгүй
Мод тарих, усанд явах, хоол хийх гэх мэт гэр доторх болон
гадаах ямар ч ажилд жуулчин найзууд гар бие оролцохдоо
дуртай байдаг.

Монгол соёл, уламжлалаа эргэн хардаг,
тунгаан боддог болсон
Модон байшингаас Монгол гэрээ илүүд
үзэж гэр барьж амьдарч байна.
4 шагайгаар 10 тоглоом тоглож болохыг
бодож тунгааж, зааж эхэлсэн.
Монголын хөлөгт тоглоомд суралцах Есөн
даваа тоглоомын богцыг бүтээсэн

Гадаад хүмүүст Интернэтээр монгол хоолоо бэлтгэхийг заадаг болсон
Travelingspoon.com вэбээр дамжуулан захиалга ирдэг.

Монгол гэр бүлийг гэртээ зочлуулдаг
болсон
Шагайн болон Хөлөгт тоглоомуудыг
тоглож сурч гэр бүлийн харилцаа,
хүүхдийнхээ хүмүүжил төлөвшилтөд
эерэгээр нөлөөлөх,
Хүнс хоолоо цаг улиралдаа тааруулан
өөрсдөө бэлтгэхийг уриалж танилцуулах
ХоостАйлд зочлох хөтөлбөрийг 2020
оны 7-р сараас эхлүүлсэн

Хоолоор үйлчлэхэд
юуг анхаарах вэ?

Хоолоор үйлчлэхэд юуг анхаарах вэ
Жуулчид хоол хүнсний талаарх мэдлэгээ үргэлж дээшлүүлэх сонирхолтой
Монголчуудын уламжлалт хоолны соёлыг их сонирхдог
Гэрийн хоолыг гараараа хийж идэхийг хүсдэг
Орц найрлага бүрийг мэдэхийг хүсдэг
Монголд л идэж болох Үндэсний хоолыг амсахыг хүсдэг
Хүнс хоолыг эм шиг хүртэх учиртай
Унд хоолыг хэтрүүлж бүү хэрэглэ эм мэт шүт
Ухаан билиг оюунаа нарны гэрлээс ч илүү болго
Балчигаас ургасан бадамлянхуа адил тоос үгүй бай
Бардам омог сэтгэлээ хив торгоноос илүү зөөлрүүл

Мах иддэггүй, сүү уудаггүй Жуулчин ирж байгааг урьдчилан мэдээд,
бэлтгэх
Бид анх харилцаж байхдаа, манайх гэртээ хоолоо хийж идэх дуртай, та
манайхыг хоол хийхэд хамт оролцож, хоолноос хамт идэж болно. гээд
биччихдэг. Ингээд хариу имэйлд тухайн хүмүүс юу иддэггүй, яаж
хооллодогоо бичдэг.
Гал тогооны хэрэгсэлд ач холбогдол өгдөг
Хоол, цай буцалгах тогоо нь хөнгөн цагаан, шанага нь хуванцар байхад
тэд дургүй. Учир нь тухайн улсад нь ийм эд зүйлс хүний эрүүл мэндэд
муугаар нөлөөлдөг болохыг мэдээлж, хэрэглэхийг хориглосон байдаг.
Усаа зөөж авчирч, хадгалж байгаа сав нь ус, хүнс хадгалах зориулалтын
байхад дуртай.
Бие эрүүл, цэвэр байх
Үсээ боох, хумсаа будаагүй байх, аливаад хүрсэн л бол гараа байнга
угаах, ханиаж найтаах гээд байвал уучлаарай гээд, хол очиж, гэрээс
гарч, гарынхаа шуу руу найтаах, тэр дор нь ам хамраа содтой усаар
зайлж, гараа угаах

Аяга, халбага солихгүй байх
Монголчууд бид ёс заншлаа танилцуулах сайхан боломж. Айлд хүн бүр өөрийн аяга,
халбагатай байдаг гэдгээ хэлээд тухайн жуулчиндаа таны аяга ийм хээтэй, энэ шүү гээд аяга
халбагыг нь оноогоод өгөх, тайлбарлахыг анх цай уух эсвэл дараа хоол идэхэд нь хэлээд
өгчихдөг.
Гадаад хүмүүс өөрсдөө өөрийнхөө аягийг угааж, аяганы даавуун уутанд хийж тавиулж
сургавал маш сайн.
Нэмж амталж идэх дургүй
Бэлэн болсон хоолыг амтлагч кетчуп, цуу гэх мэт дотор нь олон орц найрлагатай, зарим орц нь
тодорхойгүй, муу чанарын түүхий эдээр хийсэн гэж үзээд хэрэглэдэггүй.
Хоол нэмж идэхгүй бол аягаа долоодог гээд заагаад өгдөг
Жуулчин хүнийг хоол нэмүүлэх үү гэж асуухын оронд аягаа барьж очоод хоол нэмүүлж болно,
цадсан бол аягаа долоодог гээд хэлчихлээр харилцаа амар болдог. Мөн аягаа долоохын 5 ач
тусыг хэлж өгдөг.
Энэ хоолны дараа тийм хоол, цай байгаа гэдгийг урьдчилж хэлэх чухал
Хоол гарахаас өмнө ширээн дээрээ өрөм, талх, боов тавьсан байвал түүнээс идээд хоолоо
идэж барахгүй болох явдал гарахыг сэргийлж, дараагийн хоол хэзээ бэлэн болох, ямар хоол
хүнс байхыг хэлж сануулж байх нь зөв.

Илүүдээд байгаа
Давс, сахар, тос,
пестицид,
гармон, ...
Дутагдаад байгаа
Ус, эслэг, амин
дэм, эрдэс
бодис, ...

Ургамал хоолтон
(амьтны гаралтай бүх хүнсийг иддэггүй)
Цагаан хоолтон
(мах иддэггүй)

Ingredients:
200 gr – beef or mutton meat /dried beef meat - borts
1 piece - garlic
200ml – clean water
2gr – lake salt
30gr – wheat flour
bone soup
500 gr – bone
200 gr – potato
100 gr - beetroot
3 litre – filtered water
Bituu shul Recipe (steamed cup soup by bone soup)

Nettle Leaves Tea Recipe (organic and
young nettle leaves concentration)
Cook time: 10 minutes
Serves: 4
Ingredients:
30gr – dried nettle leaves
1 litre – boiled water

Цаашид илүү сурч
мэдэх, харилцах арга
замууд

Сурч мэдэх, бүтээхийн төлөө хамтдаа
• 2017.5.26-6.2
Нийслэлийн залуучуудын
хөгжлийн газар,
Нийслэлийн аялал жуулчлалын
газар хамтран зохион
байгуулсан
“Гадаадын жуулчны хөтөч-
тайлбарлагчийн ажил
үйлчилгээ”-ний тухай нийт 5
өдрийн 15 цагийн сургалтын
тэмдэглэл
• 2019.9.28
Хэнтий аймаг Норовлин сум.
"Аялал жуулчлалыг
хөгжүүлэхэд иргэдийн
оролцоо" анхдугаар чуулганы
илтгэлүүдийн тэмдэглэл
блогтоо нийтэлсэн

Ц.Оюунгэрэл
Монголоо таниулъя
ЭШЛЭЛ
- Монголыг сонгож ирнэ гэдэг орлогын ямар түвшинтэй гадаад
иргэдийн хувьд хэцүү сонголт. Учир нь Монголд агаараар ирэх
тасалбарын үнэ хамаагүй өндөр.
- Манайд ирсэн зочдын 5 хувь нь л дахин ирдэг гэсэн тооцоо бий.
Энэ тоог 20 хувь болтол нь өсгөж чадвал бид тогтвортой зах
зээлтэй орон болох юм.
- Зочинтойгоо хөдөө явахын өмнө монгол хөвөнтэй дээл
худалдаж авахыг зөвлөх хэрэгтэй.
- "Энэ сонин тоглоомыг олох гэж би бүх Швейцарь даяар хайгаад
олж чадаагүй, гэтэл үүнийг чи надад бэлэглэж байгаа юм уу" гэх
нь тэр.
- Ямар ч орны зочид Монголыг бөхийн орон гэдгийг хүлээн
зөвшөөрдөг. Гэтэл монголчууд бид бөхийн аялал жуулчлалын
бүтээгдэхүүнгүй орон хэвээр.
https://www.unread.today/posts/post/612
Бодлоготой
газар олголт,
- Хоноглох
- Үзэх
- Оролцох

Л.Лхагвасүрэн
Экологич, биологич,
судлаач, фермер
TEDxChinggisCity 2020
үйл явдлын бичлэгээс
“Хѳдѳѳгийн хѳгжил-
миний амьдралд”
илтгэлдээ Америкаас
ирээд Дорнод
аймгийн Баянтүмэн
сумын Хотонт нэртэй
4-р багт амьдрах
болсон шалтгаан юу
байсаныг олж
мэдээрэй
https://www.facebook.com
/FarmStayDornod/

ХоостАйлд зочлох
хөтөлбөрийг үр хүүхэд, ах
дүүс, найз нөхөддөө санал
болгож танилцуулаарай!
Аялал, амралтын өдрөө
байгалийн орчинд, бүтээлч
гэр бүлтэй хамт өнгөрүүлэх
хүсэлтэй гэр бүл, хос залуус,
найз нөхдөд зориулсан
сургалт, оролцооны хөтөлбөр

Харилцаа, мэдээлэл солилцооны Фасебуук Бүлэг
https://www.facebook.com/groups/mongolia.host.family.hub

Харилцах,
ярилцахад
бид нээлттэй
Утас: 99861326, 90861326
Имэйл: jbegzsuren@gmail.com
Фасебуук: Bee Soy

Хоост айлын туршлага, Жуулчдад хоол бэлтгэх

Recommended

Recommended

More Related Content

More from Begzsuren Jamsranjav

More from Begzsuren Jamsranjav (20)

Хоост айлын туршлага, Жуулчдад хоол бэлтгэх