Նարե Մելքոնյան և Միլենա Կարապետյան

1. ՀՅՈՒՍԻՍԱՅԻՆ ԴՊՐՈՑ 3.1 ԴԱՍԱՐԱՆ
ՀԵՂԻՆԱԿՆԵՐ
ՆԱՐԵ ՄԵԼՔՈՆՅԱՆ և ՄԻԼԵՆԱ ԿԱՐԱՊԵՏՅԱՆ

2. Ձմռանը քնող կենդանիներ
Կենդանիների hամար ձմեռը ծանր շրջան է. և՜ ցուրտ է,
և՜ կերն է քիչ: Սնունդ հայթայթելը խիստ դժվարանում է
ոչ միայն խոտակերների, այլև գիշատիչների համար:
Կան կենդանիներ, որոնք ցրտերն ընկնելիս քաշվում են
իրենց բներն ու ծակերը և խոր քուն մտնում:
Քնափության այդպիսի վիճակում կենդանիները կարող
են մնալ ամիսներ, քանի որ էներգիա գրեթե չեն
ծախսում:

3. Ձմռանը քնող կենդանիներ
Խլուրդն իր շինած երկար անցքով իջնում է ներքև, հողի
մեջ, մինչև իր բույնը: Անցքը ներսից մի լավ փակում է,
որ ցուրտը ներս չմտնի, և քնում տերևներից
պատրաստված իր անկողնում:

4. Մողեսն էլ ձմեռն անցկացնում է քարի կամ պատի
անցքի մեջ քնելով:

5. Մկնարջը կծկվում է մի ծառի խոռոչում ու քնում, բայց
մինչև քնելը կաղին և ընկույզ է հավաքում իր բնում:

6. Ցուրտ եղանակին չղջիկներն էլ են ձմեռային քուն
մտնում: Նրանք թաքնվում են փչակներում,
ժայռաճեղքերում, քարանձավներում ու քնում մինչև
գարուն։

7. Արջը, կրիան և մի քանի այլ կենդանիներ նույնպես
ձմռանը քնում են: Այս բոլոր կենդանիները կարթնանան,
երբ գարունը իր տաքուկ շունչը փչի: