Ամուսնությունից հետո բնակվել ծնողների հե՞տ, թե՞ առանձին
Տղամարդու բնավորության ամենաանտանելի գծերը. հոգեբանի խորհուրդները կանանց
1. ՀՈԳԵԲԱՆՈՒ
06.04.2012
Տղամարդու բնավորության ամենաանտանելի գծերը. հոգեբանի
խորհուրդները կանանց
Այն, որ սիրո աչքերը կույր են, ու որ ուժեղ սեռն օգտվում է դրանից, մենք վա-
ղուց գիտեինք: Սակայն կանանց համբերությունը չարաշահելու իրական մաս-
շտաբները պարզ դարձան, երբ LADYNEWS.am-ը ֆեյսբուքյան իր ընթերցողու-
հիներին հարցրեց. «Տղամարդկանց բնավորության ո՞ր գծերն են նյարդայնաց-
նում ձեզ ամենից շատ»:
Հարցման ընթացքում մասնակիցների ակտիվությունն իսկ ցույց տվեց, որ ան-
գամ ամենասիրելի տղամարդիկ հաճախ լցնում են իրենց կանանց համբերու-
թյան բաժակը: Հարցմանը մասնակցածների բացարձակ մեծամասնությունը
կարծիք հայտնեց, որ հակառակ սեռի բնավորության առավել անտանելի գիծն
է չափից շատ ինքնավստահությունը (40 %), ձայների 25 %-ը հավաքեց չհիմ-
նավորված խանդոտությունը, 20 %-ը ' անպատասխանատվությունն ու վախկոտությունը, և վերջին` 5-րդ տեղում հայտնվեց
տղամարդկանց կողմից կնոջ անտեսումն ու վիրտուալ իրականությամբ ապրելը' 15% ձայներով:
LN-ի հետ զրույցում հոգեբան Միհրդատ Մադաթյանը (www.psyhelp.am) շարունակեց այս շարքը' իբրև բնավորության անտանե-
լի գիծ նշելով նաեւ ծուլությունը, պասիվությունը, բռնություն կիրառելը:
Չնայած ստացված պատկերին, ըստ հոգեբանի, անգամ ծայրահեղ նյարդայնացնող բնավորության գիծը տեսականորեն չի
կարող զույգի բաժանման պատճառ դառնալ. «Երբ մարդիկ ամուսնանում են, սովորաբար արդեն ծանոթ են լինում
միմյանց բնավորություններին: Ելնելով սրանից՝ նրանցից որևէ մեկի բնավորության գիծը համարել բաժանության պատճառ
սխալ կլինի»: Սակայն հենց այստեղ է, որ ողջ բեռն ընկնում է կնոջ ուսերին՝ նա պետք է փրկի ընտանիքը. «Բաժանության
պատճառները պետք է փնտրել կնոջ մեջ' հաշվի առնելով, որ ընտանիքի կառուցման դժվար գործընթացի հիմնական բեռը
ընկած է նրա ուսերին»,- կարծում է Միհրդատ Մադաթյանը:
Աչք փակել շատ և շատ երևույթների վրա. սա, ասես, դառնում է կնոջ հիմնական և որոշիչ ֆունկցիան ընտանիքում: Թեպետ դա
այնքան էլ վատ չէ, չէ՞ որ, այսպես թե այնպես, սիրող կինը պատրաստակամ է շատ բան ներել, սակայն կա մեկ «բայց». երբեմն
սերը հեռանում է, համբերությունը' վերջանում:
Ի՞նչ անել այս պարագայում: Ըստ Միհրդատ Մադաթյանի' սկանդալներ սարքելն ու վիճելը ընտանիքում հարցերի լուծման ամե-
նից անօգտավետ ձևերն են. «Կամայական վեճն ընտանիքում անշնորհակալ և անարդյունավետ բան է, անկախ նրանից,թե ինչ
առիթով և ում կողմից է այն առաջացել:
Կոնֆլիկտային իրավիճակները հնարավոր է լուծել փոխհասկացման, փոխադարձ հարգանքի, իրար լսելու, մի պահ դիմացինի
արտահայտած «ճշմարտությունն» ընդունելու և տեսակետը հարգելու պայմաններում: Համարյա թե երբեք վարքագծի որևէ
դրսևորում չի արվում հատուկ ընտանիքը քայքայելու նպատակով: Տվյալ վարքը ցույց տվողին թվում է, որ դա միակ տարբերակն
է ինչ-որ խնդիր լուծելու համար»:
Մի փոքր մեղմելու համար կանանց «զայրույթն» ու անհանդուրժողականությունը առաջարկում ենք մտածել' արդյոք մեր բնավո-
րության շատ գծեր էլ չեն կարող նույնքան անտանելի լինել ուժեղ սեռի համար: Եթե դուք անհույս ինքնասիրահարված չեք, ով
կարծում է, թե չի կարող իրեն լավագույն կողմից ներկայացնել, «քանի որ իր բոլոր կողմերը մեկը մյուսից լավն են» :), ապա այս
հարցի պատասխանը մոտավորապես այսպիսին կլինի' իհարկե, կարող են:
Այժմ փորձենք միասին հասկանալ կանանց մեծամասնությանը բնորոշ արարքների բացասական կողմերը: Ախր մենք հաճախ
ինքներս էլ չգիտենք, թե ինչ ենք պահանջում տղամարդուց, բայց չենք հանգստանում, քանի դեռ չենք ստացել: Ավելի վատը չեն
հանցագործները, ովքեր պահանջում են դրամապանակը կամ կյանքը. մենք պահանջում ենք և' մեկը, և' մյուսը: Ինքներս էլ
պակաս խանդոտ չենք. կան տղամարդիկ ովքեր առաջնորդվում են «Եթե իմանամ, կսպանեմ» սկզբունքով, իսկ մենք գրեթե միշտ
առավել համառ ենք' «Թեկուզ սպանիր, կիմանամ»: Էլ չենք խոսում ընկերուհիների հետ հեռախոսով խոսելիս ժամանակի
զգացողության կորստի, անվերջ գնումների և այլնի մասին:
Մի խոսքով' սիրելի կանայք, մի դարձեք հակառակ սեռի խաղալիքը, բայց նաև, անհրաժեշտության դեպքում, փորձեք հասկանալ
նրանց ու սովորեք ավելի շատ ներել:
Լարա Առաքելյան