This presentation is about Madiri in Sepedi

1. Letšatšikgwedi: Hlakola 2022

2. 1. Bo ramatswele ba _________________ go šoro ge ba le ka
mosakhong.
2. Ke _______________ seiponing ka mehla ge ke iphošonka.
3. Ge ke selekile tate o nkgalema ka go _________ ka thupa.
4. Mma o ____________________ diaparo tša ka tša sekolo
ka mehla.

3. 1. Bo ramatswele ba bethana go šoro ge ba le ka mosakhong.
2. Ke itebelela seiponing ka mehla ge ke iphošonka.
3. Ge ke selekile tate o nkgalema ka go mpetha ka thupa.
4. Mma o nthlatswetša diaparo tša ka tša sekolo ka mehla.

4. Thuto ya letšatši e mabape le madiri
Lediri ke lentšu leo le tlišago tiro lefokong, le laetša le
modiro wo o dirwago ke sediri lefokong.
Mehuta ya madiri e bopša ka go hlomesetša hlogo goba
meselana ya go fapana.
Mohlala: hlogo ya n- loma-ntoma
moselana wa -na sega-segana

5. 1. Lediredi
Ke lediri leo le bopšago ka go hlomesetša moselana wa
-ela le wa -etša. Le laetša go direla motho selo se
itseng.
Mehlala: moselana wa –ela ngwala – ngwalela
moselana wa –etša hlatswa – hlatswetša

6. 2. Leitiri
Ke lediri leo le bopšago ka go hlomesetša hlogo ya i-(ki) go
hlola thatafatšo. Lona le laetša gore motho o itira selo se
itseng.
Mehlala: lebelela - itebelela
loma - itoma

7. 3. Lentiri
Ke lediri leo le bopšago ka go hlomesetša hlogo ya N- le ya M-.
Lentiri le laetša gore motho o mongwe o ntira selo se itseng.
Mehlala: hlogo ya N- loma - ntoma
hlogo ya M- betha - mpetha

8. 4. Ledirani
Ke lediri leo le bopšago ka go hlomesetša moselana wa -na.
Ledirani le laetša gore selo se sengwe se dira selo se senwge
seo selo se sengwe se se dirago go sona.
Mehlala: Rata – ratana
soba - sobana

9. Phošolla mehlala (mantšu) ya mehuta ya madiri ao a sa
peletwago gabotse, o be o ngwale gore mohlala woo ke lediri
la mohuta mang.
1. alefob
2. anagor
3. ehstehstingwa
4. arawhstswanra

10. Dikarabo
1.alefob - bofela - lediredi
2.anagor - rogana - ledirani
3.ehstehstingwa - itshetshengwa - leitiri
4.arawhstswanra - ntshwaraswara - lentiri

11. Mošomo wa gae
Hlama mafoko a mabedi a mabedi go mehuta ya madiri
yeo e latelago:
1.Lediredi
2.Lentiri
3.Leitiri
4.Ledirani

12. Motšwa’gobo ga a laeli.