Regulamento do proceso de admisión para o vindeiro curso 2017
1. REGULAMENTO DO PROCESO DE ADMISIÓN PARA O VINDEIRO CURSO
2017 - 2018
1. NORMATIVA REGULADORA DA ADMISIÓN DO ALUMNADO
Decreto 254/2012 do 13 de decembro pola que se regula a admisión do
alumnado.
ORDE do 25 de xaneiro de 2017 pola que se modifica a Orde do 12 de
marzo de 2013 pola que se desenvolve o procedemento para a
admisión do alumnado en centros docentes sustentados con fondos
públicos que impartan ensinanzas de 2º ciclo de educación infantil, de
educación primaria, de educación secundaria obrigatoria e de
bacharelato reguladas na Lei orgánica 2/2006, do 3 de maio, de
educación.
2. NÚMERO DE PRAZAS
* Ver documento anexo
3. PRAZO DE PRESENTACIÓN DE SOLICITUDES DE ADMISIÓN
Do 1 ao 20 de marzo.
As solicitudes de admisión, presentaranse mediante o anexo II a
través da aplicación «admisionalumnado»
(https://www.edu.xunta.es/admisionalumnado).
Tamén se poderán presentar de forma presencial no centro docente
indicado como primeira opción e, en calquera dos rexistros
establecidos utilizando o formulario normalizado.
2. 4. INFORMACIÓN MOI IMPORTANTE
Só se pode presentar unha única solicitude de admisión, que deberá
facerse no centro que se solicita en primeiro lugar (o impreso de
solicitude permite incluír ata seis centros, que serán relacionados por
orde de preferencia). A infracción deste punto determinará a perda dos
dereitos de prioridade que poidan corresponderlle.
alumnado xa matriculado neste centro ten garantida a permanencia sen
necesidade de realizar ningún tipo de xestión. Non obstante, se presenta
solicitude de admisión noutro distinto deberá comunicalo á secretaría do
C.E.I.P. Viñagrande- Deiro.
O alumnado que ten reservada praza no centro, se presenta solicitude
de admisión noutro distinto deberá comunicar a renuncia á reserva antes
do inicio do prazo de presentación de solicitudes de admisión.
5. PRAZO DE PRESENTACIÓN DE DOCUMENTACIÓN PARA O BAREMO
En función dos datos que se manexan por parte do centro, a demanda de
prazas será inferior ao número de prazas ofertadas, polo que non será
necesaria a presentación de documentación que acredite o baremo indicado na
solicitude. Non obstante, de ser necesario, infórmase a continuación ás familias
das datas de presentación de dita documentación.
6. DATA DE PUBLICACIÓN DA LISTAXE DE ADMITIDOS E NON ADMITIDOS,
PRESENTACIÓN ACREDITATIVA E FORMALIZACIÓN DE MATRÍCULA.
- PRESENTACIÓN ACREDITATIVA dos criterios alegados para
baremación: do 22 de marzoao 4 de abril (no caso de existir máis
demanda que oferta de postos escolares).
- Publicación das LISTAXES PROVISIONAIS DE ADMITIDOS: antes do 25
de abril no taboleiro de anuncios.
- RECLAMACIÓNS: 5 días hábiles dende a publicación das listaxes
provisionais ante o consello escolar.
- Publicación das LISTAXES DEFINITIVAS DE ADMITIDOS neste centro:
antes do 15 de maio.
- FORMALIZACIÓN DA MATRICULA: do 20 ó 30 de xuño.
7. DOCUMENTACIÓN
Solicitude de admisión (anexo II) *
Anexo A
Documento de formalización de matrícula (anexo III)
Informe médico sanitario.
Fotocopia da tarxeta sanitaria.
3. NI do pai, nai, alumno/a e libro de familia (orixinais ou copias cotexadas).
Dúas fotos recentes.
Convenio regulador ou resolución xudicial de separación xudicial ou
divorcio, se é o caso.
Se é o caso, documentación xustificativa da solicitude dunha praza para
alumnado connecesidades específicas de apoio educativo.
(*)
A solicitude terá que estar asinada por calquera das/os titulares da patria
potestade ou representantes legais. No caso de separación ou divorcio será
necesaria a sinatura de ambas/os proxenitoras/es, agás que a patria potestade
estea atribuída, con carácter exclusivo, a un deles. En ambos casos, será
necesario presentar, xunto coa solicitude de admisión, a resolución xudicial
correspondente para o seu cotexo polo centro educativo.
As familias poderán consultar o estado de tramitación das súas
solicitudes a través da aplicación informática «admisionalumnado»
(https://www.edu.xunta.es/admisionalumnado) utilizando o código de
solicitude e o número de DNI da persoa solicitante».
A notificación electrónica a través do Sistema de notificación electrónica
de Galicia Notific@ (https://notifica.xunta.gal) realizarase con respecto
aos trámites e actos propios da competencia das xefaturas territoriais,
sempre que a persoa elixira esta modalidade como medio de notificación
preferente.
8. CENTROS ADSCRITOS
O C.E.I.P. Viñagrande- Deiro está adscrito ao IES A Basella (Vilanova de
Arousa) para cursar os estudos de ESO. Isto supón que, para aqueles
alumnos/as que o soliciten mediante a entrega do impreso correspondente,
reservaráselles unha praza no centro de adscrición (posteriormente terán que
formalizar a matrícula).
9. ÁREA DE INFLUENCIA E ÁREAS LIMÍTROFES.
Área de influencia: parroquia de San Miguel de Deiro e os lugares de
Pantrigueira e O Terrón da parroquia de Caleio.
Áreas limítrofes: parroquias de Corbillón, Caleiro e Tremoedo.
10. SERVIZOS COMPLEMENTARIOS
Transporte escolar gratuíto con coidadoras.
Actividades extraescolares (organizadas polo Concello e a Anpa).
4. *ANEXO: NÚMERO DE POSTOS ESCOLARES ( CURSO 2016-2017 )
NIVEL MATRICULADOS VACANTES
4º Ed. Infantil 22 + 3 NEAE *
5º Ed. Infantil 12 13
6º Ed. Infantil 13 12
1º Ed. Primaria 13 9 + 3 NEAE*
2º Ed. Primaria 18 7
3º Ed. Primaria 19 6
4º Ed. Primaria 16 9
5º Ed. Primaria 13 12
6º Ed. Primaria 12 13
(*) En 4º de Educación Infantil e en 1º de Educación Primaria resérvanse 3
postos escolares por unidade para alumnado con necesidades específicas de
apoio educativo.