1. Atal honetan eskaintzen dizkizuegu egingo ditugun ariketak, espero dugu gustukoak izatea:
1. EGUNA Irailak 8, astelehena
Edukiak: Altxorraren bila eta piloten konfekzioaren tailerra
- ALTXORRAREN BILA
 Lehen pistan: Euskal pilotaren historia bi mendetan laburbil daiteke:
XIX.a eta XX.a, baina egipzioen eta erromatarren garaira bueltatzen
dira ikertzaile asko, imajina ezazue Julio Cesar enperadorearen umeak
pilotan nola arituko ziren.
Hurrengo pista, patioko bankuren batean egongo da.
 Bigarren pistan: Euskal Pilotaren Nazioarteko Federazioa sortzeak eta
Joko Olinpikoetan parte hartu izanak ere lagundu zuten pilota mundu
osoan zabaltzen. Honetan ez da bakarrik Euskal Herrian jokatzen.
Hurrengo pista, Olinpiadetako famatua den beste kirol bateko zutoinean
daukazue.
 Hirugarren pistan: 1882. urtean inauguratu zuten Buenos Aireseko
Euskara plazan Euskal Herritik kanpo egindako lehen pilotaleku
industriala.
Hurrengo pista, pilotalekuko soinua duen markaren atzean egongo da.
 Laugarren pistan: Ez da bakarrik mutilentzako jokoa, emakumeak ere
honetan aritzen dira gero eta gehiago.
Hurrengo pista neska den monitoreari eskatu.
 Bostgarren pista: Material ezberdinak erabiltzen dira pilotak egiteko
zonaldearen arabera. Egingo dugu bakoitzaren pilota pertsonala?
Altxorra aldageletan izango duzue zuen zain!!! Hartu eta ekarri!!!
Altxorra, pilota bat egiteko materiala izango da eta ume bakoitzak kaxa
baten barruan izango du bere materiala.
Iraupena: 30 minutu

2. - TAILERRA: Monitoreen laguntzaz eta nahi duzuen gurasoen laguntzaz, ikasleek
haientzako pilota bat egingo dute.
Hemen uzten dizuegu BIDEOA, hauxe Tutorial bideoa da, pilota egin nahi baldin baduzue
etxean.
 http://www.youtube.com/watch?v=0gtK9Pv9fKM
Iraupena: 30 minutu
- Bukatzeko jokoak:
 Pilotak probatzeko denbora librea, guztien arteko jokoa pilota jotzeko
Iraupena: 20 minutu
Oharra: Pilotak egiteko erabiliko dugun material guztia, geuk ekarriko dugu eta nahi
izatekotan, gurasoek lagundu ahal izango dute hauen konfekzioan.
Pilotak etxean bukatu ahal dituzte, ikasleek behar duten materiala eramateko aukera daukate.

3. 2. EGUNA Irailak 10, asteazkena
Edukiak: Joko dibertigarriak eta pilotaren kontaktuarekin eta taldekideekin harremana
- Lehen jokoak:
 Harrapaketan. Bilduko gara kontrakantxan azaltzeko, kantzan sartu
bezain laster joka hasiko da eta petodun ikasleak harrapatzaileak
izango dira. Norbait ikututa, rol aldaketa eta iheslaria harrapatzaile
bihurtuko da. Frontisetik 4raino esparrua.
 Isatsaren lapurreta. Ume bakoitzeko peto bana eta peto hau isatsaren
modura jarriko dute ipurdian, kontuz isatsa ez kentzea inork. Kentzen
dizutenean kontra kantxako marra ukitu eta bueltatu.
 Pilotarekin salbatzea. Harrapaketan, baina
pilotaduna ezin duzu harrapatu, baina pilota ezin
da gure eskuan egon momentu oro. Beste kideari
pilota pasatzeko eskuz pasatu.
Iraupena: 15 minutu
- Pilotarekin kontaktuan:
 Pilotara jarri, jo eta atzera. Ilaran jarriko gara guztiak kontrakantxako
marran, monitoreak izango ditu pilotak eta berak botako ditu paretara
ondorengo ikasleak jotzeko. Ezker paretan jokatuko dugu, beraz
tokatzen zaion umeak bi pausu aurrera eman, posizioan jarri eta
datorrenean pilota joko du. Zailtasunak errezteko hasieran hartu pilota
bote eman eta jo.
 Hartu, jo eta hurrengoa. Oraingoan botatzen
duena pilota ez da monitorea izango, ikasleek segida egingo dute,
baina beti jo baino lehen derrigorrezkoa da pilota hartzea.
 Aldaera; pilota hartu gabe. Lehengoa bezala, baina datorren
bezala joko dugu pilota. Ilaran jarraituko dugu.
 Bi eskuak erabiltzeko, ardatzak. Lurrean jarriko dugu
soka luze bat kantxa bitan zatituz, ezkerreko zatia eta
eskuineko zatia. Ikaslea sokaren gainean jarriko da eta
pilota monitoreak alde batera edo bestera botako dio.
Eskuineko aldean eskuinez eman, eta ezkerrekoan
ezkerrez. (Eskuz hartzeko aukera jo baino lehen)
Iraupena: 20 minutu

4. - Taldekideekin harremana:
 Hurrengoari utzi pilota, 4 zona. Kantxa lau zonatan zatituko dugu
soken bidez edo esparatrapuaren bidez eta ilaran jarriko gara. Zona
bakoitzak zenbaki bat izango du eta
pilota joko duen ilarako hurrengoak,
pilota nahi duen zonaren zenbakia
esango du eta zona horretan sartuko
da. Bere aurrekoak, pilota jotzea
tokatzen zaioa, zona horretara bota
beharko du eta paretan jo ondoren
zona horretan bote ematea. Era
honetan segida jarraitu. Hasieran jo
baino lehen pilota hartuz hobeto.
 Altuera eman. Ilaran jarraituko dugu, baina oraingoan ikasle batzuk
izango ditugu 1eko marraren eta frontisaren arteko zonan pilota
harrapatzeko prest. Beraz, pilota jotzen duenak bere gainetik pasatzea
bilatu behar du, pilota goranzko indarra emanez.
 Izena esan nori botatzen diozun. Guztiak jokoan gaudelarik, pilota joko
du aurrekoak esan duen izenduna.
 Lekualdatzeak marra ukitu eta gero eta urrunago kooperazioan.
Marratik ez oso urrun bota lagunari
errazteko, biak talde berbera dira, gero eta
gehien aldiz eman pilotari hobeto.
Iraupena: 30 minutu
- Bukaerako jokoak:
 Amaierako denbora librea. Azken 10
minutuetako denbora librea frontoian zehar
nahi duten paretan jokatzeko.
Iraupena: 10 minutu

5. 3. EGUNA Irailak 12, ostirala
Edukiak: Joko dibertigarriak eta kideak eta aurkariak dauden egoerekin harremana
- Jokamoldeak:
 Tenis-pilota. Paretarik gabe, esku pilotako
jokaerarekin, bi zelai izango ditugu, erdian
sarea dagoelarik.
 Aldaera. Jo ondoren mugitu dezakezu
sarea lekuz. Sarea soka bat izango da.
 Saski-pilota. Saskibaloiaren antzera, bi talde,
baina esku pilotan bezala paretara jokatzen.
Frontisean markatutako esparruan jotzen
duzun bakoitzean 2 puntu taldearentzat. Tanto
egitea puntu bat.
Iraupena: 20 minutu
- Kideak eta aurkariak harremanetan:
 Joko tradizionala, eliminatzera! Guztiak jokoan, pilota jotzean txarto
ematen diona kalera doa eta bat irabaztean guztiak barrura berriro
jokatzera.
 Aldaera: Zelai errean. Ematen diozunari lurrera. Libratzeko,
lurrean dagoenean hartzen badu pilota libratuko da. Ez dago
amaierarik.
 2:2 eta 1:1eko egoerak. Zelai motzak egin eta
partidutxoak egin haien artean. Zelaiak eta
aurkariak aldatuz joango gara.

6. - Kideak eta aurkariak harremanetan eta lekualdatzeak:
 Desplazamenduak. Aurkari baten
kontra jokatuta, jo ondoren pilota
konoa ukitu behar dugu.
 Aldaera: Konoa ikutzeaz gain,
hauxe lekuz aldatu dezakegu
pilota jo ondoren, baina
berriro pilota jotzera ailegatu
behar gara e.
Iraupena: 35 minutu
- Bukaerako jokoak:
 Pistako erregea. Ilaran jarrita, bi punturako partidak egingo ditugu,
azkar joateko. Partidua irabaztea duena geratuko da eta beste aurkari
bat sartu. Irabazten duenari zailtasunak jarriko dizkiogu
hurrengoetarako. Adibidez, lehen partidu biak irabazi ondoren,
bakarrik ezkerrarekin emango dio pilotari.
 Azkeneko denbora librea. Partidutxoak edo frontoitik jokatzeko.
Iraupena: 25 minutu

7. 4. EGUNA Irailak 13, larunbata goizean
Edukiak: Festa Eguna. Torneotxoak eta gurasoak sartzeko partidutxo eta desafioak
- Gurasoekin egiteko ariketak:
 Guraso eta bere semeak pilota jo frontiseraino. Gurasoak eta semeak
guztiak batera jokoan egongo dira. Semeak pilota jotzen badu,
hurrengoa jotzen aita-ama izango da, horrela bada puntua haientzat.
 Erreleboak. Kontrakantxako marratik aterata, pilotarekin bote emanez,
eta korrika egin gabe, horma ukitu eta bueltatu kontrakantxako
marraraino, pilota bertatik jo eta bikoteari ailegatzean kontrakantxan,
hartu eta berak egin erreleboa.
 Mundialitoa. Talde bakoitzak izena jarriko diote bere ekipoari, pilotari
baten izena, gustoko taldearena edo nahi dutena. Izen hau papertxo
batean jarriko dute zozketa egiteko.
Iraupena: Ez dago iraupen zehatzik ariketa bakoitzerako.
Janaria guztion artean patioan.
Azken agurra edo hurrengora arte, jarraitu ahal duelako ariketa gehiagorekin.