1. COMO ERA A VIDA ANTIGAMENTE
E A INFLUENCIA DO TEMPO
2. ÍNDICE
● AGRICULTURA
● PRIMEIROS CULTIVOS DO ANO
● A PLANTACIÓN DE PATACAS
● UNHA CURIOSIDADE SOBRE O TEMPO
● O MILLO
● SACHAR AS PLANTACIÓNS
● UN COSTUME PERDIDO
● COMEZA A RECOLLEITA
● A RECOLLEITA DO MILLO
● O PRIMEIRO CENTEO
● UN PAN TRADICIONAL
● O ÚLTIMO CULTIVO DO ANO
● EXPLICACIÓN SOBRE O TRABALLO
● O TEMPO LIBRE NO PASADO
3. Empezamos a falar coa influencia do clima na
agricultura no pasado. A agricultura, como
seguramente xa sabedes, é un traballo no que o
factor principal para unha boa colleita é o tempo.
Na actualidade, hai outros sistemas para que o
tempo non inflúa nas colleitas, pero no pasado non
tiñamos a posibilidade de usar estas novas
técnicas.
AGRICULTURA
4. PRIMEIROS CULTIVOS DO ANO
O tempo influía moito nas
colleitas. Ó comezo do ano
xa empezaban plantando
na horta as coles, xa que
en xaneiro hai bastante
chuvia e necesítana. Se
vían que era un tempo moi
seco tiñan que regalas
máis a miúdo.
5. A PLANTACIÓN DE PATACAS
Despois, xa en febreiro,
plantan as primeiras
patacas. Meu avó, que é
quen me dá toda esta
información, chámalle ás
primeiras patacas, patacas
de cedo, porque despois
destas, no mes de marzo
plántanse outra vez máis
patacas.
6. UNHA CURIOSIDADE SOBRE O
TEMPO
Meu avó tamén me dixo que no pasado as
patacas plantábanse a mediados do mes de
marzo, pero que agora xa se plantan no mes
de abril. El pensa que cambiou un pouco o
clima nestes anos, pero aínda que o clima
cambiara non prexudicou nada as colleitas.
As patacas plántanse no mes de marzo e
abril porque despois veñen meses máis
secos e as patacas non necesitan moita
auga.
7. O MILLO
Xa no mes de maio,
seguían traballando
plantando o millo. Como di
miña avoa: agora é fácil, xa
que se utiliza o tractor para
todo pero antigamente
plantaban todo á man. O
millo necesita moito sol,
polo que se un ano vén o
tempo con moita chuvia
podíase perder toda a
colleita.
8. SACHAR AS PLANTACIÓNS
No mes de xuño tiñan que facer o custoso
traballo de sachar as plantacións. Primeiro,
sachaban as patacas, as cales tiñan que
sachalas dúas veces. Máis tarde, sachaban
o millo. Como se plantaba moito millo
axudábanse uns veciños a outros para facer
este traballo moito máis fácil.
9. UN COSTUME PERDIDO
A finais do mes de xullo
seguían traballando, agora
facendo o palleiro, un
costume que xa se perdeu
nesta zona. Consiste en
facer unha montaña de
palla para gardar a palla e
que non se estrague coa
chuvia.
10. COMEZA A RECOLLEITA
No mes de agosto recollíanse as patacas e
gardábanas nas cortes que tiñan ó lado das
casas. Tamén neste mes collíanse os
garavanzos, os cales se plantaban no mes
de abril.
11. A RECOLLEITA DO MILLO
Despois no mes de
setembro facían un traballo
que para eles era un dos
máis custosos: a recolleita
do millo. No pasado non se
recollía o millo igual que
agora, antes recollíano e
coa palla do millo facían
cabanas que son como
montañas de millo para
gardalo e despois darllo ós
animais (a cabana de palla
de millo aparece na foto).
12. Xa no mes de outubro tiñan
que sementar o centeo.
Pero meu avó explicoume
que este centeo que
plantaban no mes de
outubro non era para facer
fariña para eles, senón que
o usaban para darlles de
comer ós animais. Se o
tempo non era bo e se
botaba a perder o centeo
os animais tiñan outros
cultivos para alimentarse.
O PRIMEIRO CENTEO
13. O seguinte mes, novembro,
sementaban outra vez o
centeo, pero este usábano
para facer fariña. Con esa
fariña facían un produto
moi tradicional de Galicia: a
boroa. A boroa facíase no
forno de leña con fariña de
millo e fariña de centeo e
era o pan que se
consumía.
UN PAN TRADICIONAL
14. O ÚLTIMO CULTIVO DO ANO
Xa a últimos de ano
sementaban o trigo,
co cal despois
facían fariña e
consumíana.
15. EXPLICACIÓN SOBRE O
TRABALLO
Todo este traballo que facían antes non ten punto de
comparación co que se fai agora, xa que agora está todo
moi mecanizado e utilízase a maquinaria para todo,porén,
antigamente facíase todo á man e con vacas. Por exemplo
cando se ía á herba para os animais, traían a herba no
carro, o cal era tirado polas vacas. Tamén quero destacar
que antes non só se facía o que acabo de mencionar,
porque todas as persoas que se adicaban á agricultura
tiñan vacas e demais animais co que o traballo era moito
máis grande e custoso. A agricultura e a gandaría son
traballos onde non tes ningún día de descanso e é
imprescindible que che acompañe un tempo bo para ter
colleitas boas e alimento suficiente para ti e para os
animais.
16. O TEMPO LIBRE NO PASADO
Miña avoa sempre me conta que antigamente todos os días
tiña que traballar: unhas veces tiña que sementar, outras
veces plantar algún cultivo, tiña que levar as vacas a
pacer... O único momento que tiñan de ocio eran as
romarías. Ela sempre di que era o único momento onde se
divertían os mozos e as mozas, bailaban e os noivos
xuntábanse, iso si, sempre ás agachadas. Tamén me conta
sempre que ela tivo a sorte de ir á escola e aprender tantas
cousas como sabe.
