1. “KOTE MALABAR”
Por Antonio González
Kote Malabar, o malabarista, estivo o pasado martes, 26 de setembro de 2011 na
escola. Todos os alumnos/as do centro fomos ao pavillón polideportivo a contemplar o
espectáculo que se nos ofreceu. Era a primeira vez que viña a actuar ao colexio.
Primeiro presentouse coa colaboración de Carmen Espiñeira, profesora de Lingua
Castelá no 1º ciclo de ESO, Abel, o orientador, Marta, alumna de 4º de ESO e a axuda de
todo o público. Logo, tras a “presentación coas autoridades” Kote comezou co seu
espectáculo, facendo malabares, primeiro sinxelos e cada vez máis complicados. Solicitou,
en varias ocasións, a colaboración do público, tanto de Primaria como da ESO, e incluso
dalgúns mestres…
Dos números máis admirados (que foron todos) podemos destacar os que realizou
usando o diábolo, que case alcanza ao teito do pavillón do Xestal. Foi espectacular.
Primeiro fixo uns cantos números cun só diábolo e, logo, con dous diábolos. Pediu antes
de facer este número a axuda de catro alumnos; tres malabaristas e un encargado de coller
os mazos que caían ao chan. Despois de realizar o número dos diábolos, catro alumnos de
ESO e un profesor colocáronse de tal xeito que formaron una especie de simbiose na que
podían estar deitados un no regazo do outro, apoiando as pernas no chan e non caer coa
falta de cadeiras sustentantes dos corpos.
Ao final, a profesora Verónica “prestouse” a realizar con Kote un número no que
no canto de usar mazas normais usaban coitelos. O derradeiro número foron uns cantos
malabares… Incendiados!!! Os malabares con lume foron, irónicamente, os que apagaron
o espectáculo de Kote.
Despois de rematado o espectáculo, concedeunos unha entrevista para a Xesteira
(na páxina seguinte)

2. ENTREVISTA A KOTE MALABAR
P: Dende onde vides? De onde sodes?
R: De Santiago de Compostela.
P: Kote, como entraches neste mundo do espectáculo?
R: Dende moi pequeno gustoume facer teatro na escola e estas cousas dos malabares e o
espectáculo, ademais, en Santiago existe una escola de circo, que é a única de toda
Galicia.
P: En que lugares adoitas actuar?
R: Actúo en moitos lugares, para concellos, colexios, nas rúas, en centros comerciais… Alí
onde me chamen.
P: Ben, pois moitas gracias por esta breve entrevista.
*****
Pido disculpas pola sinxeleza desta entrevista, pero é que despois había Matemáticas…
Atte. Antonio González.