3. O procesador:
Tamén chamado Unidade Central de Procesos ou CPU. É o corazón do ordenador. No procesador
realízanse todas e cada unha das tarefas que os programas ordenan cumprir. O procesador ten
dúas partes: a unidade aritmético-lóxica (que realiza tódolos procesos) e a unidade de control que se
encarga de seleccionar as instrucións que se deben executar, proporcionar os datos axeitados á
unidade aritmético-lóxica, e enviar sinais de control a tódolos dispositivos que interveñan no proceso
para que este se realice axeitadamente.
4. Memoria
A misión da memoria é almacenar as instrucións do programa que vai
executar o procesador, os datos que necesita dito programa e os resultados
que obteña o programa
Existen dous tipos de memoria:Memoria principal: trátase dunha
memoria interna, integrada na placa principal do ordenador.
A súa vez hai dous tipos básicos de memoria principal:
Memoria R.A.M: Contén os programas que o usuario estea executando no
ordenador así como os datos necesarios para que estes programas
funcionen.
Memoria R.O.M. Contén os programas necesarios para que o ordenador
poida arrancar e detectar os dispositivos imprescindibles para o seu
funcionamento.
5. Memorias secundarias:trátase de dispositivos externos.A súamisión é
almacenar de xeito permanente programas e datos en soportes
de gran capacidade.
Destacremos tres grupos:
Soportes magnéticos: cintas magnéticas, discos flexibles (antigos
disquetes ou floppies), discos duros e unidades zip.
Soportes ópticos: CD-ROM, DVD e BluRay.
Soportes flash: Memorias USB, tarxetas SD ou microSD.
6. BUSES, PORTOS E RANURAS DE
EXPANSIÓN:
O procesador e a memoria de calquera ordenador persoal están
instalados nun soporte denominado placa principal, placa base ou placa
madre. As canles de comunicación entre o procesador e a memoria
constitúen o bus principal e as canles de comunicación entre os
elementos e o resto dos dispositivos constitúen os buses secundarios.
Os buses secundarios non enlazan directamente cos dispositivos
periféricos, senón que enlazan con certas interfaces situadas na placa
principal que constitúen a porta de acceso deses periféricos ó
procesador. Estas portas son de dous tipos:
7. Portos:
Son conexións que enlazan a placa principal con distintos tipos de periféricos. Os
tipos de portos mais comúns son:
Portos serie ou portos COM: tradicionalmente serven para conectar teclados,
ratos, modems, etc. Están actualmente en desuso.
Portos paralelo: Usados para a conexión de impresoras e scaners. Está sendo
substituído polo USB.
Portos PS2: usados para a conexión de ratos e teclados nos ordenadores, antes de
que se fixera xeneralizado o uso do USB.
Portos USB: Tradicionais nos ordenadores Apple, o seu uso foise estendendo nos
PC, hoxe en día a gran maioría dos periféricos usan este tipo de portos.
8. Ranuras de expansión:
Permiten conectar á placa principal dispositivos periféricos que se
situarán dentro da caixa do ordenador. Os dispositivos habituais que
se conectan por este procedemento son tarxetas gráficas, tarxetas
de son, tarxetas de vídeo e TV, modems internos, tarxetas de rede,
etc.
9. PERIFÉRICOS
Periférico é todo dispositivo que se poida utilizar para introducir información,
obter información ou ámbalas dúas cousas dun ordenador. Segundo isto os
periféricos poden clasificarse en: Dispositivos de entrada, Dispositivos de
saída e Dispositivos de entrada/saída.
10. Dispositivos de entrada:
● Permiten introducir información no ordenador.
Os máis importantes:
Teclado: Serve para introducir información de carácter alfa-numérico, teclado
numérico, teclado de edición e teclado de función.
Rato: serve para introducir información de forma gráfica,seleccionando obxectos que
se representan na pantalla ou en resposta a botóns ou enlaces.
Escáner: Serve para introducir información gráfica no ordenador.Dependendo do
software do que se dispoña tamén pode servir para introducir texto.
Micrófono: Permite a introdución de información sonora ó ordenador, para o seu
almacenamento ou edición.o WebCam: usualmente utilizada para a
videoconferencia, a súa misión é a de introducir imaxes de vídeo na computadora.
11. Dispositivos de saída:
Serven para que o usuario reciba a información elaborada polo ordenador. Os mais
importantes son:
Monitor:ou pantalla a través da cal se visualiza a información.
Tarxeta gráfica: nos ordenadores actuais o monitor non se conecta directamente a ningún
porto da placa principal, senón que se conecta a un dispositivo intermedio denominado tarxeta
gráfica.
Impresora:Este dispositivo permite obter información alfanumérica e información gráfica en soporte
de papel.
Altofalantes: Conectados á tarxeta de son do PC permiten recibir a información acústica xerada
polas aplicacións executadas
12. Dispositivos de entrada/saída:
Estes dispositivos cumpren as dúas funcións especificadas nos apartados anteriores.
Tarxetas de son: permiten reproducir sons a través de altofalantes ou auriculares. Tamén
permiten introducir sons no ordenador.
Tarxetas de vídeo e TV: similares as anteriores pero permitindo manipular imaxes en
movemento.
Tarxetas de rede: permiten establecer comunicacións entre ordenadores.
Modems e tarxetas de comunicacións: permiten establecer comunicacións entre persoas e
ordenadores a través dos distintos tipos de liñas telefónicas.
Unidades de almacenamento externo: tamén poden ser considerados dispositivos de entrada
e saída de datos: discos duros, CD regravable, memorias USB, etc.