Hora santa

Magluhod ang tanan

O Salutaris Hostia,
Quae coeli pandis ostium!
Bella premunt hostilia;
Da robur fer auxilium.

Uni Trinoque Domino
Sit sempiterna gloria;
Quie vitam sine termino,
Nobis donet in patria.
Amen.

PANGAGDA SA PAGDAYAW
P. Himayaon naton ang aton Langitnon nga Amay,

ang ginagikanan sang tagsa ka himpit nga bugay.
S. Sa Imo ang himaya sa walay katubtoban.

P. Himayaon naton si Kristo,
tuburan sang tanan nga grasya kag bendisyon.


P. Himayaon naton ang Espiritu Santo,
ang Ginoo kag taghatag sang kabuhi.

SALMO 51 – SA PAGPANGAYO SANG
KAPATAWARAN
P. Maluoy ka sa akon, O Dios
sa imo padayon nga kaluoy, panasa ang akon sala.
S. Hugasi sing maayo ang akon kalainan;
tinlo-i ako sa sala.

P. Kay akon ginaako ang akon malain nga mga binuhatan.
Kag ang sala ko yara sa gihapon sa atubangan mo.

S. Batok sa imo kag sa imo gid ako nagpakasala;
ang kalautan nahimo ko sa imo panulok.

P. Matarong ka sa imo pagsilot
kag ang imo hukmanan wala sing dagta.

S. Kay ginbun-ag ako nga napun-an sang sala,
isa ako ka makasasala nga daan sa taguangkan
sang akon iloy.

P. Nahibal-an ko nga luyag mo ang kamatuoran
sa taguipusoon,
tudlo-i ako sang kaalam sa kaalibutoran
sang akon pagkatawo.

S. Tinlo-i ako sang isopo,
kag mangin matinlo pa ako sa kapution sang yelo.

P. Pun-a ako sing kalipay kag kasadya;
magahugyaw ang mga tul-an nga imo gindugmok.

S. Ipalayo ang imo nawong sa akon mga sala
Kag panasa ang tanan ko nga mga kalainan.

P. O Dios, tugaha sa akon ang isa ka putli nga tagipusoon;
hatagi ako sing isa ka bag-o kag matarong nga espiritu.

S. Buksi, O Ginuo, ang akon mga bibig,
kag igapahayag ko ang pagdayaw sa imo.

P. Wala mo ginakahamut-an ang halad;
kon ihatag ko ang halad nga sinunog,
indi mo ini pagkahamut-an.

S. O Dios, ang akon halad isa ka nalisdan nga espiritu;
indi mo pagtamayon ang isa ka mahinolsulon
nga tagipusoon.

(Magtindog ang tanan)

P. Himaya sa Amay, sa Anak,
kag sa Espiritu Santo

S. Siling sang ginsugoran, karon kag sa ginahpon
Sa tanan nga mga tuig, sang mga katuigan.

AMBAHON
Kasingkasing na sagrado
Ni Jesus nga Diyos ko,
Kalooyan, kalooyan, mo kami,
Kalooyan mo kami

Labing matam-is nga Jesus, / nga ang Imo dili masaysay nga
gugma sa tanan nga katawohan, / ginalalis bangud sang
madamo nga pagkalimot, pagpabaya kag pagtamay, / tuloka
kami nga nagaluhod sa Imo atubangan, / nga buot magpaha-uli
paagi sa sining pinasahi nga pagyaob / sang mga masakit nga
pagpasapayan kag kahalitan / nga ginhimo sa Imo labing
mahigugmaon nga Kasingkasing.

Kami man nakahimo sining kalainan / kag subong amon
ginahinulsolan sa bug-os namon nga tagipusoon. / Nagapangayo
kami sing kapatawaran / kag handa kami sa paghinulsol / paagi
sa amon kinabubut-on nga pagpaha-uli, / indi lamang para sa
amon kaugalingon nga mga sala, / kundi para man sa mga kasal-
anan / sang tanan nga nagbiya sang dalan

sang kaluwasan; / nga sa ila dili-pagkatampad
/nagsikway sa pagsunod sa Imo nga ila Manugbantay
kag Pangulo, / ukon, nga sa ila pagpanginwala sang
saad sang ila Bunyag, / nagsikway sang matam-is nga
gota sang Imo kasugoan.

Kami nagatapat nga tumbasan ang tanan nga mga
kalainan / nga ginbuhat batok sa Imo. / Nagatapat
kami sa paglugpay / para sa madamo nga mga kasal-
anan / batok sa Kristiano nga pagka-ugdang / tungod
sang malaw-ay nga pagpamiste kag pamatasan; / sa
mga pagsulay sa mga pamatan-on nga walay
kasawayan; / kag mga pasipala nga ginbungat batok sa
Imo kag sa Imo mga Santos.

Luyag man namon maghimo sang paglugpay / para
sa mga pagtampalas sa Imo salili diri sa duta, / ang
amon Santo Papa, kag sa mga kaparian; / sa mga
sakrilegiyo kag mga pagpasipala sa Eukaristiya, / ang
Sakramento sang Imo Diosnon nga paghigugma.

Sa katapusan luyag man namon maghimo sing
paglugpay / sa mga sala sang mga pungsod / nga
nagapamatok sang kinamatarong kag awtoridad sa
pagtudlo / sang Simbahan nga Imo gintukod.
Kon mahimo lamang / nga mahugasan namon ini nga
mga kasaypanan / paagi sa amon kaugalingon nga
dugo!

Amon karon ginahalad / sa pagpaha-uli sining mga
paglapas sang Imo Diosnon nga kadungganan, / ang
pagtumbas nga Imo anay ginhimo / sa Imo walay
katapusan nga Amay sa Krus / kag Imo ginapadayon sa
pagbag-o sa adlaw nga tanan / sa amon mga altar. /
Ginahalad namon ini / upod sa mga buhat sang
paglugpay / sang Imo Mahal nga Iloy, / sang tanan nga
mga Santos, / kag sang tanan nga mga mainampuon
nga mga tumuluo. / Nagatapat kami sing malig-on /
nga magbayad suno sa amon masarangan / kag sa bulig
sang Imo grasya, / para sa tanan nga mga
pagpatumbaya / nga ginhimo batok sa Imo daku nga
gugma, / kag sa tanan nga mga sala nga ginbuhat
namon / kag sa mga sala nga ginbuhat sang iban.

Gani, sugod subong / magakabuhi kami nga tampad sa pagtuo, /
putli sa pagginawi, / himpit sa pagsunod sa mga kasugoan sang
Ebanghelyo, / ilabi na gid sa paghigugma. / Nagatapat kami,
kutob sa amon ikasarang, / sa pagpugong sang amon mga
kautoran sa pagpakasala / kag sa pagdala sing madamo sa
pagsunod sa Imo.

O Labing mahigugmaon nga Jesus, / paagi sa pag-ampo sang
Mahal nga Birhen Maria, / ang amon sulondan sa paglugpay, /
buligi kami sa pagbaton sining kinabubut-on nga halad / nga
amon ginahimo sa sining buhat sa pagpaha-uli; / kag paagi sa
dulot sang padayon nga pagpaninguha, / itugot nga kami
mangin himpit tubtob sa kamatayon / sa amon katungdanan kag
katutum sa Imo, / agod kami makadangat / sa sinang malipayon
nga puloy-an, / sa diin ang Amay kag ang Espiritu Santo upod sa
Imo, / nagakabuhi kag nagahari / sa tanan nga mga tuig sang
mga katugian. Amen.

Cor Dulce,Cor Amabile
Cor dulce, cor amabile,
Amore nostri saucium
Amore nostri languidum,
Fascis mihi placabile

Cor Jesu melle dulcius,
Cor sole puro purius,
Verbi dei sascrarium,
Opum Dei compendium.
Tu portus orbi naufrago,
Secura par fidelibus ,
Reis asylum menentibus,
Piis recessus cordibus.

Ginoo, maluoy ka sa amon.
S. Ginoo, maluoy ka sa amon,
Kristo, maluoy ka sa amon,
S. Kristo, maluoy ka sa amon,
Ginoo, maluoy ka sa amon,
S. Ginoo, maluoy ka sa amon,
Kristo,dunggon mo kami,
S. Kristo,dunggon mo kami,
Kristo, pamatian mo kami,
S. Kristo, pamatian mo kami,

Dios nga Amay sa kalangitan,
S. Maluoy ka sa amon
Dios nga Anak Manunubos sang kalibutan,
Dios nga Espiritu Santo
S. Santisima Trinidad isa lamang ka Dios

Kasingkasing ni Jesus
Anak sang Amay nga walay katapusan
nga ginpanamkon sa gahom sang Espiritu Santo
sa isa ka Iloy nga Birhen,
nga natingob nga indi mabulag sa Anak sang Dios,
nga amo ang hari nga wala sing katapusan,
nga Simbahan nga Santos sang Dios,
nga puloy-an sang labing mataas,
nga balay sang Dios kag ganhaan sang langit,
nga dabok nga nagadabdab sa gugma,
nga sulodan sang katarungan kag sang gugma,

nga puno sang kaayo kag sang gugma,
nga kadadalman sang tanan nga mga birtud,
nga takus gid sang tanan nga pagdayaw,
nga hari kag kahidlaw sang tanan
nga mga kasingkasing,
nga yara dira ang tanan nga mga bahandi
sang kaalam kag ihibalo,
nga puloyan sang kapupun-an sang pagka-Dios,
nga amo ang kalipay nga daku sang Amay,

nga sa Imo kapuno ang tanan amon nabaton,
nga ginkalangkagan sang mga langitnon,
nga naga-antus kag nagakaluoy sing daku,
nga maggaranon sa tanan nga
nagapanawag sa Imo,
nga tuboran sang kabuhi kag sang
pagkasantos,

nga kalugpay bangud sang amon mga sala,
nga puno sang mga pagpasipala,
nga napilasan bangud sang amon mga sala,
nga nahimo nga matinumanon tubtob sa
kamtayon,
nga nalapusan sang bangkaw,
nga tuboran sang tanan nga kalipay,

nga kabuhi kag pagkabanhaw namon,
nga paghidait kag kahusayan namon,
nga biktima sang mga sala,
nga kaluwasan sang tanan nga nagasalig sa Imo,
nga lalauman sang tanan nga mamatay sa Imo,
nga himaya sang tanan nga mga Santos,

P. Kordero sang Dios nga nagawala ka
sang mga sala sang kalibutan,

S. patawara kami Ginoo

S. pamatii kami Ginoo
S. maluoy ka sa amon.

P. O Jesus nga mahagup kag mapainubosn
sang tagipusoon.
S. Buhata nga ang amon tagipusoon mangin
subong
sang Imo tagipusoon

P. O makagagahom sang tanan kag walay
katapusan nga Dios, tuloka ang Kasingkasing
sang labing hinuguma Nimo nga Anak kag
ang mga pagdayaw kag pagbayad nga iya
ginhimo sa Imo sa ngalan sang mga
makasasala. Malugpayan kag unta kag patawara
kami nga nagapakiluoy sa Imo sa
ngalan ni Kristo nga amon Ginoo.
S. Amen.

Corazon Santo, Tu reinaras
Tu nuestro encanto,
Siempre seras,
Venid, Cristianos
Y aca en el suelo,
Como en el cielo
Se ve adorar,
Tambien nosotros
Adoraremos
Y ensalzaremos, (Rep.)
Al Dios de Paz.

MGA PANGHAKOL SA SANTOS
NGA KASINGKASING NI JESUS
Magluhod ang tanan

Pangulo:
O Jesus ko, Ikaw ang nagsiling: “Sa pagkamatuod nagasiling ako sa inyo, pangayo
kamo kag kamo pagahatagan, pangita kag makakita kamo, panuktok kag kamo
pagabuksan.” Tamda, O Ginoo, kay kami nagapanuktok, nagapangita kag
nagapangayo sang grasya nga imo kami tipigan, ang amon obispo kag mga kaparian
kag ipahilayo kami sa tanan nga katalagman.

Amay namon . . . . Maghimaya ka Maria . . . Himaya sa Amay . . .

P. Santos nga Kasingkasing ni Jesus,
S. Ginatugyan ko ang tanan ko nga pagsalig sa Imo.

Pangulo:
O Jesus ko, Ikaw ang nagsiling: “Sa pagkamatuod nagasiling ako sa inyo, ang tanan
nga inyo pangayuon sa akon Ngalan, akon pagahimuon..” Tamda O Ginoo kay sa Imo
ngalan kami nagapangayo sang grasya nga imo kami luwason sa tanan nga mga
kalalat-an sang peste, linog, bagyo kag baha kag sa tanan nga sarang makahalit sang
amon kabuhi, palangabuhian kag labaw sa tanan sang kaluwasan sang amon kalag.
Amay namon . . . Maghimaya ka Maria . . . Himaya sa Amay . . .


Pangulo:
O Jesus ko, Ikaw ang nagsiling: “Sa pagkamatuod, nagasiling ako sa inyo: magataliwan ang
langit kag duta apang ang akon mga pulong indi gid magtaliwan.” Nga may kaisog nga
nagagikan sa imo walay nagalingkang nga pulong, kami nagapangayo sang grasya nga
pasanagan sang imo kaalam ang mga lideres sang amon pungsod kag banwa agod nga sila
mapatigayon sa tanan nga tion sang kaayohan sang tanan nga pumuluyo.

Amay namon . . . Maghimaya ka Maria . . . Himaya sa Amay . . .


Pangulo:
O Santos nga Kasingkasing ni Jesus, sa diin makita ang tuman ang kalulo kag kaluoy sa tanan
nga mga nalisdan, maluoy ka sa amon nga mga makasasala, sa mga nagamasakit, sa amon mga
kautoran nga nagpahilayo sa imo, kag ihatag sa amon ang grasya nga amon ginapangayo, paagi
sa mga pag-ampo sang masinulob-on kag walay dagta nga Kasingkasing ni Maria, ang imo
mahinuklogon nga iloy, kag iloy namon tanan.

Amay namon . . . Maghimaya ka Maria . . .Himaya sa Amay . . .


Hora santa

More Related Content

What's hot

Viewers also liked

Similar to Hora santa

Hora santa