1. Campus de Pontevedra Facultade de
Ciencias
Sociais e da
Comunicación
Campus de Coordinación
A Xunqueira Tel. 986802009 Grao en Comunicación
36005 Pontevedra Fax 986801980 Audiovisual
España coordinacav@gmail.com
DEPÓSITO DE TFG PARA A SÚA DEFENSA PÚBLICA
Segundo o Regulamento do Traballo de Fin de Grao do Grao en Comunicación
Audiovisual, “a solicitude de presentación, dirixida á Comisión, deberá ir acompañada
da versión escrita e electrónica do TFG por cuadriplicado co visto e prace do/a titor/a
académico/a. Poderá aportarse a documentación ou material adicional que se estime
oportuno para que sexa tomada en consideración polo Tribunal avaliador.”
Coa finalidade de facilitar o proceso de entrega e, no seu caso, reducir os custos que
pode supoñer a impresión dos traballos, a Comisión aproba a posibilidade de que o
alumno opte pola entrega enformato escrito, aínda que deba aportar un exemplar
electrónico para a biblioteca, ou pola entrega en formato exclusivamente electrónico,
coas seguintes indicacións.
Se o alumno opta pola entrega en formato impreso, deberá depositar
obrigatoriamente nun dos Rexistros da Universidade (preferentemente no Rexistro do
Campus de Pontevedra, situado na Escola de Enxeñaría Forestal) os seguintes
documentos:
- Solicitude de presentación do traballo, dirixida á Comisión e co visto e prace do titor
académico (segundo o modelo adxunto nesta comunicación e na páxina 11 do
Regulamento tamen no blog www.coordinacav.blogspot.com).
- Catro exemplares impresos do traballo. Nas primeiras páxinas debe figurar tamén o
visto e prace do titor académico.
- Unha copia electrónica do traballo, destinada á biblioteca. Entregarase nun CD ou
DVD, en formato pdf e deberá incorporar tamén unha folla escaneada co visto e prace
do titor académico.
- Informe do titor/a académico/a.
- Certificación académica.
Se o alumno opta pola entrega en formato exclusivamente electrónico deberá colgar
no espazo habilitado a tal efecto da plataforma de teledocencia FAITIC os seguintes
documentos:
- Copia escaneada da solicitude de presentación do traballo, dirixida á Comisión e co
visto e prace do titor académico (segundo o modelo adxunto). O arquivo debe estar
nomeado do seguinte xeito:
“Solicitude_nome_apelido1_apelido2.pdf”.
- Arquivo en pdf co traballo, que debe incluír unha folla escaneada co visto e prace do
titor académico. O arquivo debe estar nomeado do seguinte xeito:
“TFG_nome_apelido1_apelido2.pdf”.
- Informe escaneado do titor/a académico/a. O arquivo debe estar nomeado do
seguinte xeito:
“Informe_nome_apelido1_apelido2.pdf”.
- Copia escaneada da certificación académica. O arquivo debe estar nomeado do
seguinte xeito:

2. Campus de Pontevedra Facultade de
Ciencias
Sociais e da
Comunicación
Campus de Coordinación
A Xunqueira Tel. 986802009 Grao en Comunicación
36005 Pontevedra Fax 986801980 Audiovisual
España coordinacav@gmail.com
“Certificacion_nome_apelido1_apelido2.pdf”.
Outras consideracións sobre a entrega de documentación ou materiais adicionais:
- Cando o alumno teña que acompañar o seu traballo de materiais audiovisuais deberá
entregalos en Rexistro por cuadruplicado en CD ou DVD, tanto se opta por entregar o
resto do traballo en formato impreso como se opta por facelo en formato electrónico.
- Cando o traballo do alumno implique a creación dalgún material online (páxina web,
blog, perfil en rede social, etc.) susceptible de ser modificado con posterioridade á
data de entrega, deberá incorporar os pantallazos do mesmo no traballo, xa sexa no
formato impreso ou no formato electrónico.
 Condicións para a defensa dos TFG do alumnado de intercambio
Tendo en consideración as dificultades que poden xurdir polos retrasos no traslado das
cualificacións de materias aprobadas ó expediente do alumnado, especialmente no
caso de alumnos de intercambio, a Comisión acorda as seguintes medidas:
Convocatoria de maio:
- Para poder depositar o traballo de fin de grao na convocatoria de maio os alumnos
deben estar matriculados do citado traballo e ter superadas tódalas materias do plano
de estudos cursadas en cuadrimestres anteriores.
- No caso de que alguna destas materias non estea superada ou estea pendente de
cualificación o alumno non poderá defender o traballo, deberá depositalo novamente
na convocatoria de xullo e defendelo nas datas previstas para dita convocatoria.
Convocatoria de xullo:
- Para poder depositar o traballo de fin de grao na convocatoria de xullo os alumnos
deben estar matriculados do citado traballo.
- A Comisión acorda permitir a defensa do traballo de fin de grao na convocatoria de
xullo a aqueles alumnos que, estando matriculados do traballo e téndoo depositado en
tempo e forma, estean pendentes do traslado da cualificación dalgunha materia
superada ó seu expediente. Nestes casos, a cualificación do traballo de fin de grao
farase efectiva no momento en que sexa posible, unha vez que consten no expediente
do alumno tódalas materias superadas.
Lémbrase que para poder ser cualificado en actas do traballo o alumno debe ter
superadas tódalas restantes materias do plano de estudos. No caso de que algún
alumno defenda o seu traballo de fin de grao tendo alguna materia suspensa e así
conste unha vez trasladadas as cualificacións ó seu expediente, non terá dereito a ser
avaliado do traballo de fin de grao e, polo tanto, deberá repetir a súa defensa
nalgunha convocatoria posterior.