2. Libri zûc
di fâ sù
toc par toc

3. 1.
E je la vierte.
Farc si svee dopo
il lunc sium da l’unviêr.
Nol rive a viodi nuie;
cu lis çatutis, al va a cirî
i siei ocjâi.

5. 2.
Planc planin al ven fûr
de sô tane e subite si scjalde
il musticut cul cliput dal soreli.
Po dopo al slungje la orele,
al sint il cjant dolç dal rusignûl
e il cisicâ des sisilutis.

7. 3.
Al tocje la tiere,al nase e al dîs:
- Ce mulisite!
Ce bon odôr
di jerbe frescje e di rosis!

9. 4.
Cjamine, cjamine
al sint la jerbe bagnade:
- Cuissà dulà che o soi?

11. 5.
Ssscc, gluc, glu, sccc
- E je la aghe de roie!
Al va dongje,
al slungje la çate te aghe:
- Brr…Brr…Brr…
Ce frescje! Ce fredute!

13. 6.
Cumò mi lavi il mustic
e cussì mi svei.
Intant al sint alc movisi
jenfre la jerbe,
dongje dal baraç blanc.

15. 7.
- Cui isal?
- O soi il musian e o cîr i viers.
- Âstu viodût i miei ocjâi par câs?
- No ai timp jo par lâ a cirî robis
par te! Prove sgarfe daûr
des trisculis, tal palût
o in mieç dai baraçs.

17. 8.
Farc al rive nasant dongje des
trisculis, lis cerce:
- Ummh! Mmhh! A son dolcis,
un tic garbis ma son propite
buinis! Ce spansade! Ma ocjâi
culì no ‘nd è!...

19. 9.
- Provìn dentri ta la aghe.
Al passe parsore il puintut
di len e al rive tal palût.

21. 10.
Cra Cra Cra Cra
- Ce confusion
che a fasin vuê i crots!
Doman a ven la ploie!

23. 11.
Di colp dut al tâs.
Si sint dome l’ajar movi
lis fueis dai rôi, dai vencjârs
e da lis cjanis garganis.

25. 12.
- Aiar, tu che tu ziris par dut,
âstu viodût i miei ocjâi?
- Ssc… wv…. Scc… Nooo…
Noooo… Torne indaûr… ûr…
ûrrr… ûrrr

27. 13.
Poc dopo Farc al rive sot dal rôl,
dulà che al sta Siôr Çus
che i domande maraveât:
- Ce vustu Farc? Ciristu alc?
- Sì, par plasê podistu viodi
se parsore dal to arbul
a son i miei ocjâi?

29. 14.
- Uff!! O soi vieli, ma larai distès.
Çus si rimpine adalt, al cuche
lontan e si inecuarz che li dongje,
tal nît da la cheche lare e
dispetose, al è alc che al lûs.

31. 15.
- Farc, va a viodi,
salacor, al è ce che tu ciris!
- Ma jo no soi bon di svualâ.
Va tu par plasê!

33. 16.
Çus al va subite e al torne cui
ocjâi strents tal bec. Farc in fin dai
fins content ju met sù.
- Ce maravee la vierte tai prâts, ta
lis bassis e tai palûts dal biotip di
Flambri e di Vuirc!!!
A fin fate ancje jo o giolt
di dut chest sflandôr!!!

35. E je la vierte. Farc si svee dopo il lunc sium da l’unviêr. Nol rive a viodi nuie; cu lis çatutis, al va a cirî i siei
ocjâi. Planc planin al ven fûr de sô tane e subite si scjalde il musticut cul cliput dal soreli. Po dopo al slungje la
orele, al sint il cjant dolç dal rusignûl e il cisicâ des sisilutis. Al tocje la tiere,al nase e al dîs:
- Ce mulisite! Ce bon odôr di jerbe frescje e di rosis!
Cjamine, cjamine al sint la jerbe bagnade:
- Cuissà dulà che o soi?
Ssscc, gluc, glu, sccc
- E je la aghe de roie!
Al va dongje, al slungje la çate te aghe:
-Brr…Brr…Brr… Ce frescje! Ce fredute! Cumò mi lavi il mustic e cussì mi svei.
Intant al sint alc movisi jenfre la jerbe, dongje dal baraç blanc.
- Cui isal?
- O soi il musian e o cîr i viers.
- Âstu viodût i miei ocjâi par câs?
- No ai timp jo par lâ a cirî robis par te! Prove sgarfe daûr des trisculis, tal palût o in mieç dai baraçs.
Farc al rive nasant dongje des trisculis, lis cerce:
- Ummh! Mmhh! A son dolcis, un tic garbis ma son propite buinis! Ce spansade! Ma ocjâi culì no ‘nd è!...
-Provìn dentri ta la aghe.
Al passe parsore il puintut di len e al rive tal palût.
Cra Cra Cra Cra
- Ce confusion che a fasin vuê i crots! Doman a ven la ploie!
Di colp dut al tâs. Si sint dome l’ajar movi lis fueis dai rôi, dai vencjârs e da lis cjanis garganis.
- Aiar, tu che tu ziris par dut, âstu viodût i miei ocjâi?
- Ssc… wv…. Scc… Nooo… Noooo… Torne indaûr… ûr… ûrrr… ûrrr
Poc dopo Farc al rive sot dal rôl, dulà che al sta Siôr Çus che i domande maraveât:
- Ce vustu Farc? Ciristu alc?
- Sì, par plasê podistu viodi se parsore dal to arbul a son i miei ocjâi?
-Uff!! O soi vieli, ma larai distès.
Çus si rimpine adalt, al cuche lontan e si inecuarz che li dongje, tal nît da la cheche lare e dispetose, al è alc
che al lûs.
-Farc, va a viodi, salacor, al è ce che tu ciris!
- Ma jo no soi bon di svualâ. Va tu par plasê!
Çus al va subite e al torne cui ocjâi strents tal bec. Farc in fin dai fins content ju met sù.
- Ce maravee la vierte tai prâts, ta lis bassis e tai palûts dal biotip di Flambri e di Vuirc!!! A fin fate ancje jo o
giolt di dut chest sflandôr!!!

36. 1 2 3 4
8 7 6 5
9 10 11 12
16 15 14 13