1. Secretaría de Política Social
Sindicato Nacional de Comisións Obreiras de Galicia
MODIFICACIÓNS SUBSTANCIAIS DO NOVO CONVENIO DE CENTROS
ESPECIAS DE EMPREGO
O venres 16 de abril asinouse o convenio dos CEE. Este convenio está asinado
por CC.OO. e UGT. A CIG se negou a firmalo.
Os tres sindicatos decidimos aceptar as táboas salariais que presentou a parte
empresarial despois de moito debate, coa condición de que se metese o pago
do 75% da IT nos tres primeiros días de baixa. A parte empresarial aceptouno
coa condición de que fose só na primeira baixa e despois de moito tempo de
debate, non fomos capaces de sacarlles mais. Dende CC.OO. parecíanos
fundamental meter este tema aínda que fose deste xeito, xa que era unha
forma de entrar para melloralo en futuros convenios. A CIG negouse a firmalo
polo tema de que fose este 75% só nunha baixa ao ano, si o firmaría se fose en
todas as baixas e así o manifestou na xuntanza do día 8 de abril.
Artigo 3º (Ámbito temporal): O convenio entrará en vigor a partir do 1 de
xaneiro de 2007 e finalizará o seu período de vixencia o 31 de decembro de
2008.
Nova redacción: O convenio entrará en vigor o 1 de xaneiro de 2009 e
finalizará o seu período de vixencia o 31 de decembro de 2011. Os pluses
retributivos se aplicarán a partir do 1 de xaneiro de 2010.
Artigo 11º (Vacacións) parágrafo 5º: No caso de enfermidade ou accidente no
período de vacacións, estas quedarán suspendidas e poderán gozarse en
calquera mes do ano axeitándose ás necesidades productivas da empresa.
Nova redacción: Cando o período de vacacións fixado no calendario laboral da
empresa coincida no tempo cunha IT derivada dunha enfermidade profesional
ou accidente laboral, dunha enfermidade común ou accidente non laboral, do
embarazo ou lactación natural ou co período de suspensión do contrato de
maternidade ou paternidade ou cos períodos de risco durante o embarazo,
terase dereito a gozar das vacacións en datas distintas ao goce do permiso, ao
finalizar o período de suspensión, aínda que remate o ano natural a que
corresponde, con previo aviso de 7 días naturais e acordo entre as partes.
Artigo 12º.d (Licenzas e permisos): Polo tempo necesario nos casos en que o
traballador/a ou os fillos/as menores precisen asistir ás consultas da
Seguridade Social, tanto de médico de cabeceira como dos especialistas;
cando non sexa posible acudir a esas consultas fóra das horas de traballo,
deberá presentar o correspondente xustificante que certifique a efectiva
asistencia á consulta, así como avisar a empresa previamente para os efectos
de reorganizar a actividade productiva.
Nova redacción: Polo tempo necesario para asistir ou acompañar a fillos/as en
idade de escolarización ou maiores dependentes ao seu cargo, a consultorio
médico en horas coincidentes coa xornada laboral, debendo xustificar dito
permiso co correspondente xustificante. Así mesmo deberá avisar á empresa
previamente aos efectos de reorganizar a actividade productiva.
2. Secretaría de Política Social
Sindicato Nacional de Comisións Obreiras de Galicia
Artigo 12º.e (Licenzas e permisos): Cinco días naturais nos casos de
enfermidade grave ou hospitalización, intervención cirúrxica ou falecemento de
fillos/as, cónxuxe ou parella de feito.
Dous días neste mesmo suposto no caso de netos, irmáns, pais dun ou doutro
cónxuxe e avós, que serán cinco no caso de convivencia no mesmo domicilio.
Cando por tal motivo o traballador/a precise facer desprazamentos fóra da
CCAA o prazo será dun día máis.
Nova redacción: Seis días naturais nos casos de enfermidade grave ou
hospitalización, intervención cirúrxica ou falecemento de fillos, cónxuxe ou
parella de feito.
Tres días neste mesmo suposto no caso de netos, irmáns, pais dun ou doutro
cónxuxe e avós, que serán seis no caso de convivencia no mesmo domicilio.
Cando por tal motivo o traballador/a precise facer un desprazamento ao efecto
superior a 250 quilómetros, o prazo será dun día máis.
Artigo 12º.k (Licenzas e permisos): Novo apartado.
As persoas traballadoras, por lactación dun fillo/a menor de nove meses, terán
dereito á unha hora de ausencia do traballo, que poderá dividirse en dúas
fraccións, ao principio e ao final da súa xornada de traballo. A duración do
permiso incrementarase proporcionalmente nos casos de parto múltiple.
A persoa, pola súa vontade, poderá substituír este dereito por unha redución da
súa xornada en media hora coa mesma finalidade.
A hora de ausencia do traballo poderá acumularse en xornadas completas, de
forma seguida ou fraccionada tras acordo coa empresa, polo tempo restante
ata os 9 meses do bebé.
Este permiso poderá ser desfrutado indistintamente pola nai ou polo pai en
caso de que ambos traballen, pero non de maneira simultánea por ambos
cónxuxes.
Artigo 12º.l (Licenzas e permisos): Os días 24 e 31 de decembro serán días
inhábiles para todos os efectos, e non recuperables.
Nova redacción: Os días 24 e 31 de decembro serán días inhábiles para todos
os efectos, e non recuperables. Se por necesidades do servizo non se puidese
gozar dos días 24 e 31 de decembro facilitarase un descanso en xaneiro do
seguinte ano equivalente a dúas horas por cada hora traballada.
Artigo 13º (Permisos non retribuídos): Novo artigo.
- Por defunción de familiares ata o 3º grao de consanguinidade ou
afinidade facilitarase a asistencia ás exequias posibilitando o cambio de
quenda ou un día de permiso non retribuído.
- Un mes de permiso sen salario pero computado como antigüidade, por
coidado de familiares ata o 2º grao, debidamente acreditadas. Só se
poderá solicitar unha vez cada dous anos e é preciso ter unha
antigüidade na empresa de a lo menos un ano.
Artigo 15º (Redución de xornada): Novo artigo
- Quen por razóns de garda legal teña ao seu coidado directo algún
menor de nove anos ou unha persoa con discapacidade física, psíquica
ou sensorial que non desempeñe unha actividade retribuída, terán
dereito a unha redución da xornada de traballo, coa diminución
3. Secretaría de Política Social
Sindicato Nacional de Comisións Obreiras de Galicia
proporcional do salario entre, a lo menos un octavo e un máximo da
metade de duración daquela.
- Os empregados cunha idade igual ou superior a 55 anos terán dereito a
unha redución de entre 1/3 e ½ da súa xornada, coa diminución
proporcional do salario, sempre que as necesidades de produción da
empresa o permitan. En caso de desacordo, someteranse as partes ao
AGA.
- Quen precise encargarse do coidado directo dun familiar ata segundo
grao de consanguinidade ou afinidade, que por razóns de idade,
accidente ou enfermidade non poida valerse por si mesmo e que non
desempeñe actividade retribuída, terá dereito a unha redución da
xornada de traballo, coa diminución proporcional do salario, entre un
oitavo e un máximo da metade de duración daquela.
- Redución ou reordenación do tempo de traballo por violencia de xénero:
a vítima terá dereito á redución da xornada coa diminución de salario ou
á adaptación do horario.
A redución de xornada leva parella a redución proporcional dos haberes
correspondentes.
En todos os supostos, agás por motivos de violencia de xénero que será a
partir da súa xustificación, requirirase unha antelación de 20 días tanto para a
petición de redución de xornada como para solicitar á volta á xornada
completa.
Artigo 15º (Maternidade, paternidade, adopción e coidado de familiares):
Auméntase un parágrafo referido á paternidade:
Nos casos de nacemento de fillo/a, adopción ou acollemento, o traballador terá
dereito a unha suspensión do contrato durante 13 días ininterrompidos,
ampliables no suposto de parto, adopción ou acollemento múltiples en dous
días máis por cada fillo/a a partir do segundo. Esta suspensión é independente
do desfrute compartido do período de descanso por maternidade.
No suposto de parto, a suspensión corresponde en exclusiva ao outro
proxenitor. Nos supostos de adopción ou acollemento, este dereito
corresponderá só a un dos proxenitores, a elección dos interesados; non
obstante, cando o período de descanso por maternidade sexa desfrutado na
súa totalidade por un dos proxenitores, o dereito á suspensión por paternidade
unicamente poderá ser exercido polo outro.
O traballador que exerza este dereito poderá facelo durante o período
comprendido dende a finalización do permiso por nacemento de fillo/a, previsto
legal ou convencionalmente, ou dende a resolución xudicial pola que se
constitúe a adopción ou a partir da decisión administrativa ou xudicial de
acollemento, ata que finalice a suspensión do contrato regulada no artigo 48.4
do Estatuto dos Traballadores ou inmediatamente despois da finalización de
dita suspensión.
A suspensión do contrato a que se refire este artigo, poderá desfrutarse en
réxime de xornada completa ou parcial dun mínimo do 50%, previo acordo
entre o empresario e o traballador.
O traballador deberá comunicar ao empresario, coa debida antelación, o
exercicio deste dereito nos termos establecidos, no seu caso, nos convenios
colectivos.
4. Secretaría de Política Social
Sindicato Nacional de Comisións Obreiras de Galicia
Artigo 16º (Excedencias):
Auméntase un parágrafo referido á excedencia por coidado de fillos/as:
Para atender ao coidado de cada fillo/a menor de tres anos, con reserva de
praza que se computará a efectos de antigüidade.
O traballador/a poderá solicitar durante o primeiro ano a reincorporación ao seu
posto cun preaviso de 20 días e de 30 días a partir do primeiro, aínda que non
finalizase o período da concesión. Poderase solicitar indistintamente polo pai
ou nai.
Artigo 23º (Plus de asistencia):
Establécese un complemento de asistencia de carácter non consolidable de
30€ cuadrimestrais para todas as categorías. Auméntase a 40€.
Artigo 24º (Plus de distancia):
Establecese un complemento de distancia de natureza extrasalarial en contía
máxima de 30€ cuadrimestrais coa finalidade de compensar ao traballador/a
polos gastos que lle ocasione o desprazamento desde o seu domicilio ao lugar
de traballo. Auméntase a 40€.
Artigo 25º (Plus de domingos e festivos): Novo artigo
O/a traballador/a que realice unha xornada completa entre as 00:00h e as
24:00h de calquera domingo ou festivo percibirá un complemento de 12€ no
ano 2010 e de 15€ no ano 2011 cada vez que realice a devandita xornada. Se
non traballase a xornada completa, terá dereito á parte proporcional que
corresponda da cantidade total referida en función do tempo traballado.
Exceptúase dese complemento o persoal cando a xornada habitual de traballo
inclúa os domingos e festivos.
Artigo 31º (Paga de vinculación): Novo artigo
Establécese unha gratificación extraordinaria non consolidable a percibir unha
soa vez no momento de cumprir 21 anos na empresa.
A contía desta paga sería o SALARIO da categoría segunda nivel N2 do Anexo
I.
Artigo 32º (Anticipos salariais): Novo artigo
Todo traballador/a terá dereito a percibir entregas de cantidades a conta, para
estudio, formación, gasto extraordinario e temas de saúde dos fillos/as e
compañeiros/as que deriven das necesidades dos/as traballadores/as.
Cada traballador/a non poderá solicitar mais dun mes de salario. Terá que ter
unha antigüidade mínima dun ano na empresa e deberá xustificar o motivo da
solicitude.
A cantidade utilizada polo/a traballador/a devolverase nun máximo de 14
pagas, non podendo pedir outro anticipo nun prazo mínimo dun ano. A
cantidade concedida se detraerá proporcionalmente da nómina de cada mes e
en todo caso antes de finalizar o seu contrato no caso de traballadores/as
eventuais.
5. Secretaría de Política Social
Sindicato Nacional de Comisións Obreiras de Galicia
Artigo 50º Incapacidade Temporal
No caso de baixa por enfermidade común ou accidente non laboral, as
empresas complementarán os tres primeiros días de baixa ata o 75% dos
conceptos salariais fixos. Este complemento farase exclusivamente para a
primeira baixa do ano.
Artigo 52º (Seguro Colectivo): Novo artigo
A parte empresarial asinantes deste convenio concertarán seguros colectivos
de accidente, con primas ao seu cargo, durante a vixencia deste convenio,
mediante pólizas que cubran as seguintes indemnizacións:
1. Accidente laboral con resultado de morte...... 18.000€
2. Accidente laboral con resultado de invalidez permanente total, absoluta
ou gran invalidez............................................ 20.000€
A repercusión na cobertura da póliza pola diferenza do incremento que se
produce, entenderase con efectos a partir de 30 días despois do asinamento do
presente convenio.va creación, subscribirán este seguro no prazo de 30 días
dende a contratación do primeiro traballador.
Este seguro deberase subscribir no prazo de 30 días dende a publicación do
presente convenio. As empresas de n
O traballador/a facilitará o nome do beneficiario/a á empresa no mesmo
período de tempo do punto anterior.
Artigo 55º (Fomento da contratación indefinida): Novo artigo
A empresa comprométese a que un 70% do cadro de persoal en cada
momento teña contrato indefinido.
Disposición adicional terceira: Nova disposición
As fundacións que estean constituídas como mínimo nun 20% por sociedades
ou entidades definidas na Sección 2ª (ámbito territorial, funcional e persoal),
artigo 2 (ámbito) do presente Convenio Colectivo, aplicaráselles os convenios
colectivos sectoriais vixentes en cada un dos sectores nos que se encadre a
actividade productiva do centro.
6. Secretaría de Política Social
Sindicato Nacional de Comisións Obreiras de Galicia
TABOAS SALARIAIS
ANEXO I
2008 2010 2011
Sal. Sal. Sal. Sal. %
Categorías Nivel Nomes Mensual Anual Mensual Anual incr.
1 N1 Técnico superior nivel 1 1.086,50 15.211,10 1.128,20 15.794,80 3,84%
N2 Técnico superior nivel 2 1.026,10 14.365,70 1.065,50 14.917,00 3,84%
2 N1 Técnico medio nivel 1 965,5 13.518,80 1.002,70 14.037,80 3,84%
N2 Técnico medio nivel 2 905,5 12.676,40 940,2 13.162,80 3,84%
3 Mando intermedio 814,9 11.408,30 864,15 11.846,10 3,84% IPC previsto + 1p + desviación
do ano anterior, se procedera
4 Técnico axudante 784,6 10.984,10 814,7 11.405,80 3,84%
5 N1 Administrativo nivel 1 766,6 10.732,30 796 11.144,00 3,84%
N2 Administrativo nivel 2 617,2 8.640,90 664,05 9.266,70 7,59%
6 N1 Técnico non cual. Nivel 1 615,2 8.612,80 661,9 9.266,60 7,59%
N2 Técnico non cual. Nivel 2 605,4 8.475,00 651,3 9.118,20 7,59%
7 Operario 600,3 8.403,80 640 8.960,00 6,62%
7. Secretaría de Política Social
Sindicato Nacional de Comisións Obreiras de Galicia
TABOAS SALARIAIS
ANEXO I I
2008 2010 2011
Sal. Sal. Sal. Sal. %
Categorías Nivel Nomes Mensual Anual Mensual Anual incr.
1 N1 Técnico superior nivel 1 1.581,20 22.136,80 1.641,85 22.985,90 3,84%
N2 Técnico superior nivel 2 1.238,10 17.332,80 1.285,55 17.997,70 3,84%
2 N1 Técnico medio nivel 1 1.164,50 16.302,30 1.209,12 16.927,68 3,84%
N2 Técnico medio nivel 2 1.092,40 15.294,20 1.134,35 15.880,90 3,84%
3 Mando intermedio 1.080,60 15.127,80 1.122,01 15.708,14 3,84% IPC previsto + 1p + desviación
do ano anterior, se procedera
4 Técnico axudante 1.012,90 14.180,30 1.051,73 14.724,22 3,84%
5 N1 Administrativo nivel 1 924,9 12.948,60 960,38 13.445,32 3,84%
N2 Administrativo nivel 2 745,9 10.442,60 774,51 10.843,14 3,84%
6 N1 Técnico non cual. Nivel 1 742,3 10.391,60 770,73 10.598,14 3,84%
N2 Técnico non cual. Nivel 2 729 10.206,60 757,01 10.598,14 3,84%
7 Operario 722,2 10.110,70 749,9 10.498,60 3,84%
Información evolución do
IPC
IPC Real 2008 1,4%
IPC Real 2009 0,8%
