5. Bəli, Cavad xanın adı və hünəri Gəncənin,
Azərbaycanın, azərbaycanlıların azadlıqsevərliyinin
rəmzinə çevrildi. O, qeyri-bərabər döyüşdə şəhid
olacağını dəqiq bilsə də, Allahın insana bəxş etdiyi ən
gözəl nemət olan azadlığa zərrə qədər də xəyanət
etmədi. Cavad xan əlində siyrilmiş qılınc,
silahdaşlarının vida salamları altında son döyüş üçün
Gəncə qalasının «Hacıxan» bürcünə qalxdı...
Düz 200 il sonra da səni həmən sözlərlə salamlayırıq:
- Qəzan mübarək olsun, Cavad xan!