2. Nilakaw si Manang Cindy aron magbayad sa
kuryente sa opisina sa kooperatiba. Gibilin niya ang iyang
duha ka manghod nga lalaki sa balay. Gitugon niya ang
iyang mga manghod nga manghinlo sa balay.
Paglakaw ni Cindy, nagkuha dayon og silhig ang
managsuon. Sa dihang gigunitan na nila ang silhig, ila
kining gipataas ug gihimong espada. Nagdula sila ug
wala sila nanghinlo.
3. Sa ilang pagdula, naigo sa silhig ang lamesa.
Adunay nahulog ug nabuak. Mao nga gitan- aw dayon sa
managsuon kung unsa kini.
“Hala ka! Cellphone ni Manang Cindy. Nabilin diay ni
Manang Cindy ang iyang cellphone sa ibabaw sa lamesa.
Hala, bantay gyod ka Carlo”, sulti ni Anthony sa iyang
igsuon.
4. “Kinsa diay nanghagad nga magdula tag espada-
espada, di ba ikaw man?” tubag ni Carlo.
“Kinsa diay nga silhig ang nakaigo sa lamesa?”
pangutana ni Anthony.
“Ah! Basta, bisan kinsa pa ang nakaigo sa lamesa,
ang silhig lanot ba o silhig nga tikog, ikaw man gyod ang
gauna- una nga magdula ta,” tubag ni Carlo.
5. Taudtaod niabot si Manang Cindy.
“Di ba niingon ko nga manghinlo mo? Unsa diay ang
inyong gibuhat? Nabilin ra ba ang akong cellphone, nakit-
an ba ninyo?” gasunod- sunod nga pangutana ni Manang
Cindy.
Wala nakatubag ang duha.
6. “Manang, pasayloa kami imbes nga manghinlo,
nagdula kami. Wala namo tuyoa, naigo sa silhig ang
lamesa og nahagbong ang cellphone. Wala kami kabalo
nga naa diay cellphone sa lamesa,” pasabot ni Anthony.
“Ate, siya ang nag- una-una. Sala gyod niya nga
nabuak ang imong cellphone,” sambat ni Carlo.
Nasuko ang ilang manang. Gipahimangnoan sila.
7. “Dili dautan ang magdula pero wala ba ninyo
nahunahunaa nga gihatagan man pod mo ni Mama og
panahon sa pagdula? Bisan kinsa ninyong duha, parehong
nakasala. Klaro man kayo ang akong gitugon ninyo nga
manghinlo mo, pero wala ko ninyo sunda,” tubag ni Manang
Cindy sa pagtinuloray sa duha ka manghod.
Nangayo og pasaylo ang managsuon sa ilang manang
ug gipakita nila ang buak nga cellphone.
8. Tubaga ang mga pangutana.
1. Unsa ang gitugon ni Manang Cindy sa iyang mga manghod?
2. Unsa ang gibuhat sa managsuon paglakaw sa ilang Manang
Cindy?
3. Unsay nahitabo sa cellphone ni Manang Cindy?
4. Nganong nilakaw si Manang Cindy?
5. Kung ikaw usa sa mga igsuon ni Manang Cindy, unsa man ang
imong buhaton paglakaw sa imong manang?