2. ՄԱՆՈՒԿՆ ՈՒ ՋՈՒՐԸ
Ամպոտ սարից ուրախ ձենով
Ջուր է գալիս, անցնում շենով,
Մի թուխ մանուկ դուրս է վազել,
Ձեռն ու երես պաղ լվացել
Լվացել է ձեռն ու երես,
Ու դարձել է`խոսել էսպես.
3. -Դու ո՞ր սարեն կուքաս ջրի´կ,
Իմ պաղ ջրիկ ու անուշիկ:
-Ես էն սարեն կուգամ մթին,
Որ հին ու նոր ձյունն է գլխին:
4. -Դու ո՞ր առուն կերթաս ջրի´կ,
Իմ պաղ ջրիկ ու անուշիկ:
-Ես էն առուն կերթամ զվարթ,
Ուր ափերն են շուշան ու վարդ:
5. -Դու ո՞ր այգին կերթաս, ջրի´կ,
Իմ պաղ ջրիկ ու անուշիկ
-Ես էն այգին կերթամ դալար,
Որ տերն է ժիր, մեջն այգեպան: