1. Երբ ես ծնվեցի…
Ես ծնվեցի 2011թվականի օգոստոսի
10-ին:
Այդ օրն ամառային շոգ օր էր: Ես
ծնվեցի առավոտյան 7:30:
Այդ ժամանակ ես շատ փոքր
էի, ունեի մոխրագույն աչքեր և
սև մազեր:
2. Իմ անունը
• Իմ անունն Ալեքսանդր է: Այն որոշել են հայրիկս ու մայրիկս
միասին:
• Իմ անունն ունի հին հունական ծագում:
• Իմ անունը նշանակում է մարդկանց պաշտպան, պահապան:
• Ինձ կարճ ասում են Ալեքս:
• Ես սիրում եմ իմ անունը, բայց ինձ դուր են գալիս նաև Ջանի և
Հովհաննես անունները:
3. Երբ ես փոքր էի
• Երբ նայում եմ իմ փոքր ժամանակվա նկարները, տեսնում եմ, որ սկզբում ես շատ
նիհար էի, բայց հետո ես լցվեցի, իմ թշիկները մեծացան:
• Մազերս սև էին, իսկ հետո դարձան խարտյաշ:
• Աչքերս մոխրագույն էին, իսկ հետո դարձան բաց շագանակագույն:
4. Երբ ես փոքր էի
• Մայրիկս ասում է, որ ես շատ հետաքրքրասեր, զվարթ, շփվող մանուկ էի:
• Հայրիկս ասում է, որ ես համառ էի և ինքնուրույն: Տատիկներս ասում են, որ ես
շատ բարի էի և զգայուն: Պապիկներս ասում են, որ շատ վտանգավոր բաներ էի
անում:
5. Երբ ես փոքր էի
Երբ ես փոքր էի, սիրում էի շրխկացնել կաթսաների կափարիչները, նկարել
պատերին, ջրի հետ խաղալ:
Շատ էի սիրում խաղալիք ավտոմեքենաներ և ամեն անգամ լացում էի, եթե
խանութ գնալիս ինձ նոր մեքենա չէին գնում:
Շատ էի սիրում դինոզավրեր: Պլաստիլինով սարքում էի օձեր, խխունջներ,
ֆուտբոլի դաշտ և էլի շատ բաներ:
Իսկ հետո իմ ամենասիրելի զբաղմունքը դարձավ կոնստրուկտոր հավաքելը:
6. Մի անգամ …
• Գևորգ պապիկս պատմում է, որ մի անգամ, երբ նա եկել է ինձ պարտեզից տուն
տանելու, ես շրջվել եմ դեպի մյուսները, բռունցքս թափահարելով սպառնացել
և ասել.
- Ну, погоди!!!
7. Երբ մեծանամ ...
Երբ մեծանամ, չգիտեմ ինչ եմ
դառնալու, դեռ չեմ որոշել: Բայց իմ
մանկությունը միշտ հիշելու եմ:
Մայրիկս շատ նկարներ և
տեսագրություններ է պահպանել իմ
մանկությունից:
Ես սիրում եմ փոքր լինել:
Ես ասել եմ իմ մայրիկին, որ փոքր
լինելը ամենալավն է: