исхрана за подобар вид

1. Храна за подобар вид
Со стареењето многу нешта поврзани со видот тргнуваат наопаку.
На здравјето на очите и оштетувањето на видот влијаат многу
фактори со кои сме опкружени во секојдневниот живот : прашина,
ветер, издувни гасови, физички трауми, вибрации, ,долготрајно
гледање во монитор, UV зраци, ниски температури. Најопасниот
фактор од сите се ултравиолетовите зраци и тоа UVA, а уште
повеќе UVB зраците. Секако, подолгото гледање во монитор исто
така негативно влијае на здравјето на окото.
Освен медицински третмани, постои нешто превентивно, потполно
безболно, здраво и вкусно со што може поволно да се влијае на
видот. Тоа е нашата исхрана. Не е тајна дека некои намирници
поволно влијаат на видот, односно на здравјето на очите. Многу
намирници имаат благотворно дејство за здрави очи. Потребните
минерали, витамини, антиоксиданси и други биолошки богати
материи кои го подобруваат видот може да се внесат со
балансирана исхрана богата со лиснат зеленчук, риба, овошје,
месо. Заштитете ги очите од лошите влијанија на средината,
одмарајте ги секогаш кога за тоа ќе имате прилика и не се
здржувајте пред компјутерот ако не морате. На генетските
фактори, за жал, не може да се влијае, но на нашите очи можеме
да им го дадеме она што им е потребно од нутритивно
квалитетната храна. Еве неколку препораки.

2. МОРКОВ
Прв на листата намирници за подобар вид секако е
морковот. Веројатно веќе знаете за неговите благородни својства,
но накратко, неговата магија лежи во изобилието на бета каротен,
ликопен и лутеин. Првиот е добар за мрежницата на окото и ја
штити од UVA зрачењето. Ликопенот делува како антиоксиданс и
го штити окото од UVB зраците. Лутеинот е заштитен фитонутриент
кој има изразено антиоксидативно дејство против слободните
радикали.
КАЈСИЈА
Исто како морковот и кајсијата содржи бета каротен и
ликопен. Во телото бата каротенот се претвора во витамин А, кој се
противи на оскидативното оштетување на леќата на окото и ги
спречува дегенеративните промени и појавата на катаракта.
Кајсијата исто така е богата со каротеноиди кои го подобруваат
видот.

3. ЈАЈЦА
Сеедно дали ги сакате на око, поширани, кајгана или
варени, јајцата се многу важни за одржување на добарот вид.
Потемната жолчка има повеќе нутриенти. Тие се богат извор на
сумпор и цистеин, две компоненти на протеинот глутатион, кој ја
штити леќата од оскидативни оштетувања. Жолчката содржи
лутеин, како и есенцијални масни киселини, цинк и Б витамин, кои
сите заедно имаат позитивно влијание на видот.
ТЕМНИ БОБИНКИ
Боровинките, капините, црните рибизли и сортните темни
грозја, содржат антоцијанини, кои го штитат и го зајакнуваат видот.
Тие се снажни фитонутриенти. Боровинките го намалуваат
заморот на очите, а освен антоцијанинот содржат и каротеноиди,
зеаксантин, лутеин, кверцитин, рутин и резвератол. Освен тоа
содржат и селен и цинк кои се многу здрави за очите.

4. ЗЕЛЕН ЛИСНАТ ЗЕЛЕНЧУК
Многумина знаат колку е здрав зелениот лиснат зеленчук,
особено за очите и видот. Зеленчукот од оваа група содржи
изобилство хранливи материи како што се калциумот и
витамините А, Б12 и Ц. Брокулата, спанаќот, зелената салата и
кељот им ги даваат на очите неопходните минерали и витамини, а
имаат и исклучително високо ниво на антиоксиданси. Тие ја
штитат мрежницата од UV зрачењето и ја спречуваат
дегенерацијата на окото. Со редовно користење на зелениот
лиснат зеленчук може да се намалат проблемите со видот и
катаратата. За да се искористат најдобро нутритивните својства,
препорачливо е зеленчукот да не се преварува.
ТИКВИЧКИ И АВОКАДО
Тиквичките се сиромашни со калории, но се богати со
антиоксиданси, лутеин и зеаксантин. Авокадото ги содржи истите

5. антиоксиданси, а содржи најмогу лутеин од сите видови овошја.
Овие две намирници се богат извор на сето она што на очите им е
потребно за заштита од катаракта и дегенеративни заболувања.
ЛУК И КРОМИД
Лукот и кромидот изобилуваат со сумпорни соединенија
кои го подржуваат здравјето на леќите, а ги спречуваат глаукомот,
катарактата и дегенеративниоте заболувања. Освен тоа ја
подобруваат циркулацијата на окото и го подобруваат имунитетот.
РИБА
Лососот, туната, бакаларот, скушата, сардините содржат
омега 3 масни киселини кои поволно влијаат на здравјето на
очите. Рибата е одличен извор на EPA и DHA, две омега 3 масни
киселини кои се извонредно важни за здравјето на очните клетки.

6. БАДЕМИ, КИКИРИКИ И ОРЕВИ
Бадемите се богат извор на витаминот Е, кој превенира
појава на катаракта. Кикириките и оревите се богати со омега 3
масни киселини.
ДОМАТИ, ПИПЕРКИ И ЦИТРУСИ
Доматот изобилува со ликопен, лутеин, а витамин Ц кои
поволно влијаат на здравјето на окото. Цитрусите и пиперките
изобилуваат со витамин Ц и се одлична превенција од катаракта и
инфекции.
Од друга страна пак, постои храна која воопшто не е здрава за
очите, па се препорачува да се избегнува. Тука спаѓаат: шеќерите,
транс-мастите, рафинираните производи, храната со висок
гликемиски индекс, тестенини, леб, житарки и се што има
примамлив вкус т.е. што содржи мононатриум глутаминат.
Претераното консумирање на овие намирници може да биде
штетно за очите и да доведе до појава на глауком.