1. Meri pyari pyari dadi,
sabse sundr nyari.
jo main kehta wo sunati hai,
saari baat humari.
munh ke bhitar daant nahi hai.
kuchh uncha bhi sunati.
dubale patale haathon se woh,
SWEATER mera bunati.
chhote chhote kaur bana kar,
mujhko sada khilaati.
raja rani waale kisse,
mujhko roj sunati.
MUMMY mujhe marti hai jab,
dadi mujhe bachaati.
bade pyar se haath ferati,
apane paas sulaati.
Chale gaye kyon door bahut tum,
chhod mujhe yun dada ji.
tod liya kyon rishta mujhse,
tod diya kyon waada?
Tum kehate the bahut door tak,
saath tumhara doonga.
jo bhi kaante milein raah mein,
main unko kuchlunga.
Tum kehate the padh-likh kar tum,
jag mein naam kamaao.
jaise taare neel gagan mein,
dharti par chha jaao.
Maine kehna maan tumhara,
dekho sab kuchh paaya.
lekin kho kar tumko dada,
mann mera bhar aaya.
Aaj ro raha baitha-baitha,
aakar raah bataao.
waise agar nahi aa sakte,
sapanon mein aa jaao.