1. PRESENTACIÓN
Pablo Saavedra
Álvaro Castro
Son un tenaz peregrino
que vai facendo camiño,
por unha senda sen par
á busca de solucións,
dun futuro alentador,
combatendo o quentamento
maila contaminación
e por medio da poesía
facer a todos chegar
o desexo e a alegría
por un planeta máis san.
Cada etapa, nova xente
de distinta raza e nación
expresa en linguas diferentes
pero coa mesma intención:
frear o cambio climático
que ameaza a nosa casa,
fado escuro, omnipresente
que o Planeta Terra arrasa.
Son un tenaz peregrino
que vai facendo camiño
por unha senda sen par
buscando cancións, poemas
que expresen estes problemas
que aflixen o noso lar.
Presta atención e verás
a tantos nenos e nenas
que con nós de capitáns
co tren do cambio climático
queremos acabar xa!!!