1. UNIÓN INTERCOMARCAL DE
OURENSE
CCOO informa CCOO informa CCOO informa CCOO informa nota de prensa
Un laudo arbitral da a razón a CCOO e detecta
manipulación dos censos por parte da empresa nas
eleccións sindicais de CARREFOUR-Ourense
O árbitro estima na súa totalidade a impugnación presentada
por CCOO e obriga a incorporar aos traballadores obxecto
desta impugnación ao colexio electoral que lles corresponde
Ourense, 8 de novembro de 2010
O arbitrio foi solicitado por CCOO ante a manipulación realizada polos responsables
da empresa CARREFOUR dos censos electorais coa finalidade de evitar que CCOO
podera presentar candidatura e deste xeito garantir que o sindicato da empresa,
FETICO, seguira ostentando a representatividade única no comité de empresa.
Esta manipulación xa fora denunciada por CCOO dende o inicio do proceso electoral
e derivou en mobilizacións de protesta diante do centro comercial CARREFOUR,
iniciadas o pasado 18 de outubro.
A manipulación denunciada consistía en cambiar de colexio electoral aos candidatos
e candidatas de CCOO co fin de evitar que esta central sindical poidera presentar
candidatura e concorrer en igualdade de condicións nas eleccións sindicais en
marcha.
O árbitro no laudo establece que “se facemos unha reflexión sobre o acontecido
resultaría que unha empresa, nas mesmas circunstancias que a deste conflicto, a
través do seu poder “cuasi” discrecional de modificación de funcións sen cambio de
grupo e categoría, en relación co artigo 84 do Convenio Colectivo, podería intervir,
xa dentro do proceso, dun xeito determinante pois desde esta facultade modificaría
non soamente o número de electores e flexibles en cada colexio senón tamén o
número de representantes a elexir en cada un deles”.
Conclúe que o censo laboral debe estar referido á data de promoción das eleccións
sindicais, para evitar, deste xeito a inxerencia da empresa no desenvolvemento do
proceso electoral.
CCOO celebramos que o árbitro nos dera a razón, pois esta central sindical
considera que é de xustiza, pero ao mesmo tempo, lamentamos que a dirección de
CARREFOUR nos transmitira xa a súa intención de non acatar o resultado do laudo
arbitral. CCOO considera moi grave e intolerable que unha empresa multinacional
como CARREFOUR, procedente dun país cunha tradición democrática consolidada
como é Francia, non asuma as normas básicas do xogo democrático e desatenda o
mandato do laudo arbitral ao que ambas partes sometéronse voluntariamente.
CCOO non vai consentir esta actitude e non descarta ningún tipo de acción para
conseguir que a empresa acate as regras democráticas e solicitará o amparo
xudicial de ser necesario.
32003 Ourense
Parque San Lázaro, 12 – 3º (Ed. Sind)
Teléf.: 988 39 17 27
Fax: 988 25 14 00