2. ACTIVIDADES
- Como se chaman o galo e a galiña?
- Que traballo fai a galiña e como se comporta o galo.
- Sabes que é un poleiro? Que hai nel?
- Escribe que é o maltrato psicolóxico e o maltrato físico? Logo, fai un
debuxo de cada un.
- Copia as estrofas relacionadas co maltrato psicolóxico e fai as
ilustracións que correspondan.
- Copia as estrofas relacionadas co maltrato físico e fai as
ilustracións que correspondan.
- Como debería comportase o galo?
- Reescribe a poesía de tal xeito que apareza o galo comportándose
ben.
- Atopa noticias relacionadas co maltrato de xénero para debater em
clase.
3. O galo Teodosio
no seu galiñeiro
vixía ufano
dende o alto do poleiro.
A galiña Tina
é a súa parella
escavicha o chan
e varre a eira.
O galo Teodosio
fala e comenta:
Quiquiriquí, que tonta!
rebusca á dereita!
A galiña triste
cala e continúa
O galo prosigue:
- Non fas cousa boa!
Tina, a galiña
un verme atopou
dálle un chisco ao galo…
-Grr! Non ten bo sabor!
E moi enfadado
petéiralle a crista.
A galiña sofre
pero non rechista.
Entón vén a ama,
mírao con furor…
E lévase ao galo
por maltratador.
Azucena Arias
