6. მაგიდაზე ჩაიდანი დგას. მაგიდაზე უთო დევს.
დგას საგნის მდგომარეობას აღნიშნავს.
დევს საგნის მდგომარეობას აღნიშნავს.
7. - რა მდგომარეობაშია სურათი?
- სურათი კედელზე კიდია.
- რა მდგომარეობაშია სახაზავი?
- სახაზავი მაგიდაზე დევს.
- რა მდგომარეობაშია ბავშვი?
- ბავშვი წევს.
საგნის მოქმედების, ან მდგომარეობის აღმნიშვნელი
სიტყვა არის ზმნა.
8. მოცემული მოთხრობიდან ცალ-ცალკე ამოიწერეთ
მოქმედების და მდგომარეობის აღმნიშვნელი
სიტყვები, ანუ ზმნები.
შოშია
შოშიები ზამთარს თბილ ქვეყნებში ატარებენ. ერთმა
შოშიამ ფრთა მოიტეხა და ამხანაგებს ჩამორჩა. ტყეში
მხოლოდ ერთი ნაძვი იდგა.
შოშიამ ნაძვს შეაფარა თავი. იჯდა მის ხშირ ტოტებში და
სიცივისაგან თავს იფარავდა. მთელ ზამთარს ღვიის ბუჩქის
ნაყოფით იკვებებოდა.
შოშია ერიდებოდა მელიას, რომელიც იქვე, ახლოს,
სოროში იწვა.