1. PRÁCTICA 1. BIOLOXÍA 4º ESO.
MICROSCOPIO ÓPTICO. PARTES E USO.
• Obxectivos da práctica:
Aprender os nomes das partes máis importantes dun microscopio
Aprender cómo se utiliza un microscopio e se enfoca de xeito correcto para estudar unha mostra.
Saber calcular o número de aumentos dunha mostra.
1.- PARTES DUN MICROSCOPIO.
OCULAR: Lente situada cerca do ollo do observador. Amplía a imaxe do obxectivo.
OBXECTIVO: Lente situada cerca da preparación. Amplía a imaxe desta.
CONDENSADOR: Lente que concentra os raios luminosos sobre a preparación.
SOPORTE: Mantén a parte óptica. Ten dúas partes: o pé ou base e o brazo.
PLATINA: Lugar onde se deposita a preparación.
CABEZAL: Contén os sistemas de lentes oculares. Pode ser monocular, binocular,
REVÓLVER: Conten os sistemas de lentes obxectivos. Permite, ó xirar, cambiar os
obxectivos.
PARAFUSOS DE ENFOQUE: Macrométrico que aproxima o enfoque e
micrométrico que consegue o enfoque correcto.
• Contidos:
Os diversos elementos que existen na natureza, presentan tamaños, formas e
composicións distintas, a maioría delas poden verse, algunhas a primeira ollada, e
outras mediante instrumentos.
O microscopio é un instrumento óptico que amplifica a imaxe dun obxecto pequeno. Mediante un sistema de
lentes e fontes de iluminación pódese facer visible un obxecto microscópico.
Os microscopios poden aumentar de 100 por centos de miles de veces o tamaño orixinal. Existen dous tipos
de microscopios: o óptico e o electrónico.
• No microscopio óptico o aumento do obxecto conséguese usando un sistema de lentes que manipula
o paso dos raios de luz entre o obxecto e os ollos.
• O microscopio electrónico utiliza un raio de electróns controlado por un campo magnético.
Para calcular o número de aumentos totais dunha mostra, utilizamos a seguinte fórmula:
Nº AUMENTOS DA MOSTRA = Nº DE AUMENTOS DO OBXECTIVO X Nº AUMENTOS DO OCULAR
O microscopio óptico ten un limite resolución de preto de 200 nm (0.2 µm). As células observadas baixo o
microscopio óptico poden estar vivas ou fixadas e tinguidas.
1

2. • Procedemento.
1) Colocar o obxectivo de menor aumento en posición de emprego e baixar a platina completamente. Se o
microscopio recolleuse correctamente no uso anterior, xa debería estar nesas condicións.
2) Colocar a preparación sobre a platina suxeitándoa coas pinzas metálicas.
3) Comezar a observación co obxectivo de 4x
4) Para realizar o enfoque:
- Achegar ao máximo a lente do obxectivo á preparación, empregando o parafuso macrométrico. Isto debe facerse
mirando directamente e non a través do ocular, xa que se corre o risco de incrustar o obxectivo na preparación
podéndose danar algún deles ou ambos.
- Mirando, agora si, a través dos oculares, ir separando lentamente o obxectivo da preparación co macrométrico e,
cando se observe a mostra algo nítida, virar o micrométrico ata obter un enfoque fino.
5) Pasar ao seguinte obxectivo. A imaxe debería estar xa case enfocada e adoita ser suficiente con mover un
pouco o micrométrico para lograr o enfoque fino. Se ao cambiar de obxectivo perdeuse por completo a imaxe, é
preferible volver enfocar co obxectivo anterior e repetir a operación desde o paso 3. O obxectivo de 40x enfoca a
moi pouca distancia da preparación e por iso é fácil que se incruste na preparación se se descoidan as
precaucións anteriores.
2.- OBSERVACIÓN DE MOSTRAS NUN MICROSCOPIO ÓPTICO
• Contidos
As mostras que se van a estudar ao microscopio foron tratadas para evitar a súa descomposición. Co
microscopio distínguense as células e os seus núcleos, tinguidos dunha cor máis escura. Tamén se poden
observar os capilares de tecido, que son os espazos baleiros entre as células
=======================================================================================
DATA DE ENTREGA
INFORME A PRESENTAR (Individual)
No informe de prácticas deben figurar: VENRES 18 DE NOVEMBRO
1) Título da práctica
2) Debuxo do microscopio e os nomes das partes que o compón
3) Descrición da correcta utilización e enfoque do microscopio óptico
4) Cálculo do número total de aumentos cos que se observaron cada unha das mostras.
5) De cada mostra realiza un debuxo do observado, intenta debuxar a imaxe no aumento que mellor se vexa.
=======================================================================================
2

3. PRÁCTICA 2. BIOLOXÍA 4º ESO.
OBSERVACIÓN DE CÉLULAS VEXETAIS.
INTRODUCCIÓN:
A observación ó microscopio de células animais e vexetais é moi difícil si non se fixeron previamente,
aló menos, dúas operacións básicas:
a) Corte do tecido para obter una sección cunha soa capa de células.
b) Tintado das células (son incoloras e transparentes).
Nesta práctica aplicaranse estas técnicas ó caso das células da epiderme da cebola.
MATERIAL PRODUCTOS
- Microscopio - Azul de metileno
- Pinzas - Mecheiro de alcohol
- Tubo de ensaio.
REALIZACIÓN
1. Separar unha das follas internas da cebola.
2. Coa axuda das pinzas separar a telilla transparente da cara interna do anaco de cebola.
3. Unha vez separada mergullala nun tubo de ensaio con auga.
4. Coa axuda das pinzas colocar a telilla no centro dun Portaobxetos procurando estirala completamente
asegurándose que non teña ningunha arroga.
5. Agregar unhas gotas de Azul de metileno e deixar actuar durante 2 ou tres minutos.
6. lavar con auga, deixándoa escorrer MOI suavemente sobre a preparación, ata que saia limpa.
7. Colocar o cubre obxectos apoiando primeiro un dos seus cantos e deixándoo caer pouco a pouco, tendo
coidado de que non se formen bolsas de aire, para ter unha boa visión.
8. Comprimir lixeiramente o cubreobxetos (NUNCA CO DEDO, porque deixaría marcas), cun obxecto ( tapa dun
bolígrafo).
9. Observar ó microscopio.
ACTIVIDADES
Sacar conclusións da observación, contestando as seguintes preguntas:
a. Forma das células.
b. Presencia ou ausencia de núcleo.
c. Forma do núcleo.
DATA DE ENTREGA
d. ¿Gránulos citoplasmáticos?.
e. Situación do núcleo.
VENRES 18 DE NOVEMBRO
f. Grosor da membrana.
g. Outras características.
INFORME A PRESENTAR:
1. Realiza un informe do procedemento que seguiches para poder realizar a práctica.
2. Material empregado e usos.
3. Contesta as preguntas prantexedas no guion da práctica.
4. Debuxa o observado en cada un dos obxectivos.
5. Problemas ou incidencias que puideron xurdir na realización da practica.
3

4. PRÁCTICA 3. BIOLOXÍA 4º ESO.
OBSERVACIÓN DE CÉLULAS ANIMAIS.
OBXETIVO
Observar células animais ó microscopio e as súas principais estructuras, así como iniciarse nas
técnicas de realización de preparacións.
MATERIAL
- Células epiteliais da mucosa bucal - Microscopio
- Portaobxetos - Cubreobxetos
- Mecheiro de gas ou de alcohol - Contagotas
- Palillos - Azul de metileno / Eosín
- Auga. - Papel de filtro
PROCEDEMENTO
1. Tomar un portaobxetos e un cubreobxetos ben limpos e secos.
2. Tirando do beizo inferior cara fora, raspar a parte interna do mesmo co borde do portaobxetos ou co
palillo.
3. Colocar unha gota de auga no centro do portaobxetos
4. Cun palillo , extender a mucosa extraída e dispersala na gota de auga. A isto chámase realizar un
frotis.
5. Tinguir as preparacións cunha una gota de azul de metileno.
6. Colocar o cubreobxetos
7. Observar ó microscopio, enfocando progresivamente cos obxetivos de maior aumento.
CUESTIONS E OBSERVACIONS
1. Debuxa o observado con cada obxectivo.
2. ¿Por qué debe dispersarse a mucosa e disolverse na auga?
3. ¿Cómo debe procederse para colocar o cubreobxetos?
4. Qué debe facerse, si sobra auga entre o portaobxetos e o cubreobxetos?
5. ¿ Qué diferencias observas entre as células tinguidas e as non tinguidas?
6. ¿Qué estructuras celulares observaches?
7. ¿Observas algún orgánulo citoplasmático?
4

5. INFORME A PRESENTAR.
1. Realiza un informe do procedemento que seguiches para poder realizar a práctica.
2. Material empregado e usos.
3. Realizar as cuestións propostas no guión da prácica.
4. Debuxa o observado en cada un dos obxectivos.
5. Problemas ou incidencias que puideron xurdir na realización da practica
DATA DE ENTREGA
VENRES 18 DE NOVEMBRO
5