1. AVTO+ ТРАНСПОРТ 2009-YIL 5-FEVRAL
№ 5 (1075) OLDI – QOCHDIDAN YIROQ HAMMABOP GAZETA
ШОШМАНГ, ПОЕЗД КЕЛЯПТИ!
Поездларнинг автомобиль йуллари билан кесишув жойларида қайта-қайта
содир бўлаетган бахтсиз ҳодисалар ҳақидаги маълумотлар кишини ҳам
қайғуга, ҳам ҳайратга солади. Ахир бундай тўкнашув тасодифий содир
бўлмайдику? Наҳотки, автомобиль ҳайдовчилари ўз жонларига қасд қилишдан
ҳайиқмасалар? Ахир, тоннағтонна юк ортилган вагонларни тортиб, ҳкириб
келадиган тепловоз ёки электровознинг шундоққина олдидан ўтиб кетишга
уриниш очиқ кўриниб турган хавф эмасми?
Кесишув жойларида поезд билан автомобилларнинг тўқнашувлари олдини
олиш мақсадида, одитдагидек, ўтган йили ҳам кенг кўламда тушунтириш инлари
олиб борилди. Шунга қарамасдан, содир бҳлган бундай ҳодисалар бирғиккита
эмас, балки анчагинадир. Биргина Тошкент МТУга қарашли темир йўл
участкаларининг кесишув жойларида автомобилланинг поездларга келиб урилиши
ҳоллари тўққиз марта қайд этилган бўлиб, улардан учтасининг оқибати ўлим билан
тугаган. Яъни, автомобиль ҳайдовчисининг шошмағшошарлиги ва кўркўрона
эҳтиётсизлиги 1 ўзининг, ё бошқаларнинг ўлимига сабаб бўлган.
Темирйулчилар бундай тўқнашувларнинг олдини олиш учун кесишув
жойларини ишовралар билан таъминлаш, шлагбаумлар билан тўсиш сингари барча
ишларни амалга ошириб келмоқдалар. Аммо, шунга ҳам қарамасдан, баъзи
ҳолларда шлагбаумлар остидан ёки уларни айланиб ўтиб кетаётган енгил
машиналарни кўриб ҳайратдан ёқа ушлайсан киши.
Натижада эса, мана, эндигина бошланган янги йилнинг ўзида Тошкент МТУга
қарашли темир йўл участкаларида яна иккита тўқнашув содир этиб улгурилди.
2009 йилнинг 14 январь куни ЧиричқғАранчи оралиғидаги 37-масофада
қўриқланмайдиган темир йўл кесишмасида “Матиз” русумли, давлат белгиси 11 V
4788 бўлган автомобиль ҳайдовчи Тўрабековнинг йўл қоидаларини қўпол бузиши
натижасида электропоезд билан тўқнашув содир этилган. Жароҳат олган ҳайдовчи
воқеа жойидан касалхонага жўнатилган.
Ёки Сирдарё-Бах оралиғидаги 3455-масофадаги қўриқланмайдиган темир йўл
кесишмасида ҳам “Нексия” русумли, давлат рақами 12 F 4802 бўлган автомобиль
ҳайдовчиси Холмирзаев йўл қоидаларини қўпол равишда бузиб, катта тезликда
келаётган йўловчи поездининг йўлига чиққан ва оқибатда ҳайдовчи ва йуловчи
тўқнашув содир этилган ерда вафот этган.
Бундай кўнгилсиз ҳодиссаларнинг моддий ва маънавий зарарлари ҳақида
гапириб ўтиришнинг ҳожати бўлмаса керак. Шундай экан, йўлимизда неча кунда
бир учрайдиган темир йўл кесишмаларидан ўтаётганда сал эътиборлироқ бўлайлиқ,
арзимас сонияларни тежайман деб умримизни гаровга ҳўймайлик!
Ҳусниддин Отахўжаев, “Ўздавтемирйўлназорат” инспекцияси Тошкент
худудий бўлими бошлиғи