2016ko Arangoya berriak

1. [27/01/2016]
BATXILERGOKO IKASLEAK EITBN »
Aste honetan, 1. batxilergoko ikasle guztiak EITB ezagutzera joan ziren. Eta Bilboko EITBren
egoitza zuzenean ezagutzeko aukera jaso zuten. Oinez joan dira eta, ezbairik gabe, abagune
aparta izan da bisita EITB ezagutzeko beta jaso ez ezik, goiza oso ongi pasatu dute eguraldi
ederra dela-bide.
Lehenengo eta behin, irrati saio bat ikusi zuten: konexioak, elkarrizketak, berriak… egunero
hainbat gauza kontuan hartu behar dituzte kazetariek saioari aurre egiteko. Benetan erronka!
Bigarrenik, EITBren egoitzan zehar ibilbidea egin zuten. Ibilbide horren bidez, erredakzioa,
kazetari-taldeak eta baliabide anitz ikusi zituzten benetako lan arlo batean. Hor, 400 kazetari
baino gehiagok lan egiten dute, eta albistegietarako zuzeneko konexioak ere –bai nazio
konexioak, bai nazioartekoak- egiten dituzte.
Goizane Gernikari, bereziki, eskerrik asko bere adeitasunagatik eta azalpenagatik. Oso modu
atsegin batean hainbat gauza ikasi zuten batxilergoko ikasleek eta, gaur ere, klasetik at.
[15/02/2016]
BILBOKO UDAL LABORATEGIA /1. BATXILERGOKO (ZIENTZIA) IKASLEEK »
Batxilergoko (Zientzia) ikasleek Bilboko Udal laborategia ezagutzeko parada izan dute. Udal
laborategia Harino Panadera eraikinean dago, Irala auzoan, eta laborategiaren helburua beste
udal ikuskaritza eta partikularrek elikagaien, uren eta ingurumenaren kontrol alorrean egindako
eskariei aurre egitea da.
Harino Panadera lantegiak Irala auzoa eraikitzeko lanen hasiera markatu zuen. Lantegiak XX.
mende osoan jardun zuen lanean, eta ez zuten itxi gizaldi honen amaierara arte. Irin lantegi
zaharreko makineria bere horrexetan gordetzen da eraikinaren barruan, erakusketa berezi gisa,
iragan historikoaren oroimenez.
Ikasleek ibilbide interesgarria izan dute. Izan ere, mikrobiologiako eta kimikako laborategiak
bisitatu dituzte, eta laborategi praktikak egin dituzte bertan. Gainera, elikagaien segurtasuna
zer den, elikagaiek transmititutako infekzioak zeintzuk diren edo substantzia ezberdinak nola
identifikatu ikasi dituzte bisita horretan.
Azkenean, oso ekintza dibertigarriaren bidez ADNri buruz klasean ikusitako kontzeptuak
zuzenean ezagutu dute eta, adibidez, gariaren ADN (DNA) ren erauzketa egin zuten.
Eskerrik asko monitoreei bisitagatik eta zuen adeitasunagatik!
[02/03/2016]
SENDOTZA SAKRAMENTUA /2. BATXILERGOA/ HAUR HEZKUNTZA »

2. Otsailaren 26an, arratsaldeko zazpi eta erdietan, 2. Batxilergoko ikasle batzuek eta Haur
Hezkuntza goi mailako ikasle batzuek Sendotza Sakramentua jaso zuten, San Jose Mendiko
elizan (Agustindarren Parrokian, Bilbon).
On Mario Iceta, Bilboko gotzaina, izan zen ospakizun horretan, gazteei olioa emateko, eta berak
biziki animatu zituen gazteak, edozein lekutan, fedearen testiguak izatera. Gotzainak Meza
elkarrekin eman zuen San Jose Mendiko elizaren parrokoarekin batera eta baita Arangoyako
kapilauarekin ere, Jose Ramón Navarrorekin.
Bilboko gotzainaren homilia eta gero, memento oso hunkigarrietan, gazteek Sendotza
Sakramentua jaso zuten, senitartekoen eta lagunen aurrean.
Zorionak guztiei!!!
[02/03/2016]
ARTEAREN HISTORIA /2.BATXILERGOA »
Atzo, martxoaren 1ean, Artearen Historia ikasten duten ikasleak Alde Zaharrera joan ziren.
Bisita hori parada ezinhobea bihurtu zen. Izan ere, Done Jakue katedrala, San Anton eliza,
Erronda Kalea, Ibaizabal ibaia… etengabeko zerrenda osatu dute ikasleek. Klasean ikasi
kontzeptuak eta estiloak zuzenean ikusi dituzte. Beraz, orain arte gotikoa eta Bilboko historia
hobeto ezagutzen dituzte.
Bilbo oso hiri eredugarria da, batez ere, bere ondare arkitektonikoa era bikain batean babestu
duelako. Gainera, azken joera artistikoek ere lekua aurkitu dute hirian. Alabaina, horien unea ez
da heldu. Ezbairik gabe, hirugarren ebaluaketan zehar azken joera horiek ikasiko –eta, zuzenean
ere, ikusiko- dituzte ikasleek.
[16/03/2016]
INKLUSIO PROZESUA /HAUR HEZKUNTZA »
Haur Hezkuntza Heziketa Zikloko ikasle talde bat Bilboko Berri Otxoa Ikastetxera joan da gaur
goizean. Han bertan DBH 2. mailako ikasleei saio bat eskaini die. Gaia hau izan da: “Inklusio
prozesua eta eskola komunitateak”.
Saio honi esker bai gure ikasleek bai DBH ikasle horiek aukera aparta jaso dute. Izan ere, alde
batetik, Haur Hezkuntza Heziketa Zikloko ikasleek hausnarketa sakona egin dute eta, aldi
berean, saio hori prestatu duten bitartean desgaitasuna duen pertsonenei hurbiltzeko parada
jaso dute. Beste alde batetik, DBH 2. mailako ikasleak metodologia aktiboen bidez hainbat
ekarpen eta iradokizun emateko prest egon dira. Erronkak, eraginak, ikuspuntuak, irtenbideak,
proposamenak… aintzat hartu dituzte DBHko ikasleek.
Benetan, oso saio interesgarria eta onuragarria guztiontzat!
[21/04/2016]

3. AECC SAIO INFORMATIBOA / 1. BATXILERGOA »
Aurten ere, Arangoyak Minbiziaren Aurkako Elkartearekin lan egingo du, eta gure laguntza
eskaini diogu hurrengo maiatzaren 5ean antolatu diru biltzean.
Gaur 1. Btaxilergoko ikasleek saio informatiboa jaso dute Arangoyan. Saio horren helburua
maiatzaren ekintza prestatzea izan da. Orain, ikasleak prest daude parte hartzeko eta, era
berean, Minbiziaren Aurkako Elkartearen lana hobeto ezagutzen dute.
[12/04/2016]
ATOTECH ENPRESA KIMIKA BISITA /2. BATXILERGOA »
Arangoya bigarren mailako Zientzia ikasleek Erandion dagoen ATOTECH enpresa bisitatu egin
dute. Munduko ekoizle nagusienetariko bat da, galbanikako prozezuan eta instalazioan.
Han, ikasleek kimika eguneroko ekintzetan nola dagoen ikusteko aukera izan dute eta nola
elektrolitiko prozezuek, besteak beste, metaletan korrosio ekiditeko balio duten, autoaren
industrian ezinbestokoa izanik eta zirkuitu imprimatuak fabrikazioan.
Bestalde, sail guztietan erabilitako segurtasuna ikusi dute eta nola prozesu guztiak
ingurumenarekin bateragarriak eta errespetagarriak diren.
Galvanotekniari buruzko informazio ezin hobea jaso dute ikasleek. Mila esker ATOTECH-i
eskainitako arretagatik.
[10/04/2016]
GALINDOKO HONDAKIN UREN ARAZTEGIA /1. BATXILERGOA »
Pasa den ostiralean, 1. Batxilergoko Zientzien ikasleek, gure orientazio egitarau barruan,
Galindoko Hondakin Uren Araztegia bisitatu dute. Sestaon dago, eta Ur Partzuergoak azken
urteotan egin duen saneamenduko obrarik handiena da. Instalazioen labirinto horretan, ur
zikinek ez dute irteerarik.
1990etik (urte horretan amaitu ziren lanak Galindon), egunero 350.000 metro kubiko hondakin
urarazten dira, 12.150 litro segundoko gehienezko emariarekin. Gainera, araztegi honetan,
prozesu bi ematen dira: uraren arazketa eta prozesutik eratorritako lohien tratamendua.

4. Informazio gehiago jasotzeko uraren tratamenduari buruz, klikatu hemen
https://www.consorciodeaguas.com/Web/CicloAgua/ciclo_agua.aspx
Ikasleek oso ondo ulertu dute nola lan egiten duen Galindoko Hondakin Uren Araztegiak, eta
Eskolako Agenda 21 programaren helburu nagusiak ere hobeto ezagutzen dituzte orain.
Eskerrik asko Ana Garcia-ri bere azalpenagatik eta harreragatik!
[18/03/2016]
BILBOKO ARTE EDERREN MUSEOA / 2. BATXILERGOA »
Aste Santua eta oporrak benetan hurbil daude. Une hauetan, 2. batxilergoko ikasleek,
Arangoyatik at, azken bisita egin dute, Bilboko Arte Ederren Museora joan dira, hain zuzen
ere. Han bertan, hainbat artelan eta margolari hobeto ezagutzeko parada jaso dute, hala nola:
Vicente López, Goya eta Morales Jainkotiarra.
Hori bisita interesgarri eta didaktikoa!
Gehiago ezagutzeko, klikatu hemen:
https://www.museobilbao.com/eu/exposiciones/morales-jainkotiarra-244
[17/03/2016]
UNIBERTSITATERAKO ORIENTAZIO SAIOA/ BATXILERGOA 1. GIZA ETA GIZARTE ZIENTZIAK »
Atzo, oso egun berezia izan zen 1. Batxilergoan. Giza eta Gizarte Zientzietako ikasleek bi saio
jaso zituen. Lehenengo eta behin, gure Haur Hezkuntza Heziketa Zikloko ikasle talde batek
“Inklusio prozesua eta eskola komunitateak” saioa eskaini zien. Saio hori eta gero, UNAV-k
(Universidad de Navarra-k) prestatu saioa jaso zuten. Izan ere, 1. Batxilergoan egon arren,

5. geroan zer egingo edo ikasiko duten unea heldu da. Ezbairik gabe, oso erabaki funtsezkoa
izango da eta, hori dela-eta, Arangoyan, unibertsitaterako orientazioa 1. Batxilergoan hasten
da.
Oso egun hezigarria eta berezia pasatu zuten ikasleek. Bene-benetan eskerrik asko hizlariei!
[08/05/2016]
ELIZBARRUTIKO KEINUA/ LAUDATO SI »
Pasa den ostiralean, maiatzaren 6an, ikasturte honen Elkartasunezko Elizbarrutiko Keinua
ospatu genuen. Beraz, Frantzisko Aita Santuaren deia bultzatu dugu -berak aipatu duen bezala
ingurumenari buruz argitaratutako Laudato Si dokumentuan.
Arangoya ikasleek parte hartu dute Zeinu 2016 Gesto horretan hainbat eratan: Laudato Si
irakurtzen, kontsumo jarrerak hausnartzen eta, oro har, gazteen kontsumoa murrizteko
iradokizunak eskaintzen.
Informazio gehiago:
http://www.bizkeliza.org/eu/barria/detalle/el-gesto-diocesano-sigue-adelante/
[05/05/2016]
IKASGELAZ KANPOKO EKINTZAK /EA21 »
Essex Unibertsitateko ikertzaile batzuen arabera, kirol praktikarekin batera autoestimua eta
indar handiago sortzen dira. Beraz, ikasgelaz kanpoko –eta kirol- ekintzak onuragarriak dira,
eta nolabait, ekintza horiek eragin garrantzitsua daukate arlo akademikoan. Dakigunez,
gurean motibazioa barneratzea lehentasuna da eta, hori dela eta, aktibitate horiek guztiak
baliabide ezinhobeak bihurtzen direlakoan gaude.
Arangoya ikasleek hainbat kirol ekintzetan parte hartu ohi dute. Isabel de Pozak, Heziketa
Fisiko irakasleak, asmo handiko programa garatzen du urtero. Egitarau horri esker, ikasleek
doitasuna, abiadura, erreflexuak, indarra eta iraupena lan egiten dituzte.
Ildo berean, Heziketa Fisikoarekin lotu ekintzen eskutik Eskolako Agenda 21 helburuak
bultzatzen ditugu.

6. [05/05/2016]
ARANGOYA ETA MINBIZIAREN AURKAKO ELKARTEA »
Aurten ere, Arangoyak Minbiziaren Aurkako Elkarteari laguntza eskaini dio. Gaur, maiatzaren
5ean, kanpaina berezia antolatu du erakundeak Bilboko kaleetan zehar, eta Batxilergoko
ikasleak prest egon dira laguntzeko. Diru biltzeak minbiziari buruzko ikerketa lagunduko du.
Elkarte eredugarria, ezbairik gabe, eta ekintza hezigarria Batxilergoko ikasleentzat. Hainbat
jenderekin hitz egiteko aukera izan dute eta jarrera ezberdinak ikusi dituzte. Poz-pozik daude
ikasleak. Izan ere, beste modu batean ikasi egin dute goiz horretan.
[27/04/2016]
1.BATXILERGOKO GIZA ETA GIZARTE ZIENTZIAK /GORLIZEKO BADIAREN ZEHAR ARRAUN
EGITEN »
Atzo apirilaren 27a, 1. Batxilergoko Giza eta Gizarte Zientzien ikasleek, ikastetxetik at, egun
berezia izan zuten. Izan ere, Gorlizeko aterperaino joan ziren, Heziketa Fisiko ikasgaiaren
barruan, eta zertarako? ...Kirola egiteko aire librean. Kasu honetan piraguismoa egiteko aukera
izan zuten. Eguraldiagatik, zorte izugarria izan zuten eta primeran pasatu zuten goiza arraun
egiten Gorlizeko badiaren zehar.
Goiz benetan desberdina! Eskerrik asko, Isabel eta Susana, ekintza hau antolatzeagatik!!!
[27/04/2016]
MEDIKUNTZA ETA ODONTOLOGÍA FAKULTATEA/ 1. ZIENTZIEN BATXILERGOA »
Gure Unibertsitate Orientaziorako egitaraua dela-eta, 1. Zientzien Batxilergoko ikasleek EHUko
Medikuntza eta Odontología Fakultatea bisitatu dute, Leioan hain zuzen ere.

7. Medikuntzari buruzko saioa jaso dute ikasleek. Aipatzekoa da, batxilergoan, ikasleen etorkizun
profesionalari buruzko galderei eta zalantzei erantzunak eta azalpenak eman behar dizkiegula
hainbat ekintzen bidez. Helburu hori lortzeko, Arangoyak asmo handiko Unibertsitate
Orientazio egitaraua bultzatzen du. Lehentasuna da, graduak edo gradu bikoitza
aurkeratzerakoan, ikasleek gero eta modu argiago funtzesko erabaki hori har dezatela.
[09/06/2016]
ARANGOYA SELEKTIBITATEAN »
Selektibitatea egiterakoan, azken zalantzak, azken birpasa... lasaitzeko hitzak eta motibazioa
hor daude. Une horietan ere, Arangoya irakasleek eta ikasleek elkarrekin lan egiten dute
emaitza bikainak lortzeko. Detaile eta ñabardura guztiak aintzat hartzen ditugu ikasle orok
arrakasta lor dezan.
Zorte on guztioi!!!
[03/06/2016]
1.BATXILERGOA BIRPASATZEN »
1. Batxilergoko ikasleek ikasturte honen azken egunak ematen dituzte edukiak eta ikasgaien
ildo nagusiak birpasatzen (matematikaren arloko kontzeptu nagusiak, aditzak ingelesez,
atsotitzak edo esaera zaharrak, latina...). Beraz, prest egongo dira 2. Batxilergoan arrakasta
lortzeko, eta ezbairik gabe, lagunen arteko giro horretan motibazioa bihurtzen da ezaugarri
nagusienetako bat. Ohiko azterketak heltzear daude eta emaitza onenak lortuko dituzuelakoan
gaude!
Eutsi horri!!!
[27/05/2016]
BEKA ETA ORLEN BANAKETA/ HAUR HEZKUNTZAKO GOI MAILA »
Pasa den maiatzaren 25ean, Haur Hezkuntzako Goi mailako ikasleek bekak eta orlak jaso
zituzten.
Magdalena Castellanos –ek, zuzendariak, ongi etorria eman zien ikasle senitartekoei eta ikasle

8. guztiei. Zorionak ere eman zizkien. Izan ere, titulua lortzerakoan daude, eta une oso berezia da
bai ikasleentzat, bai familientzat, bai Arangoya Hezkuntza komunitate osoarentzat.
Piluca Baselga-k, Haurkabi Haur eskola zuzendariak, hitz oso motibatzaileak eskaini zizkien
bildutakoei. Hainbat erronka eta ekintza aberasgarri aurrean daukate guztiek: batzuek lan
egiteko asmoa daukate; besteek, ordea, unibertsitatean ikasi nahi dute.
Zorionak guztioi eta zorte on une berri honetan!
[13/05/2016]
MAIATZA ETA ERROMESALDIAK »
Maiatza berezia da. Izan ere, hainbat erromesaldi antolatzen dira hilabetean zehar. Arangoyak
ere erromesaldiak antolatu ditu, eta Andra Mariaganako eraspena aintzat hartu dugu
gurean.Bai irakasleek bai ikasleek parte hartu dute, eta giroa ezinhobea izan da. Ikasturte
bukatzeraoan gaude eta oporrak ere heltzeak daude!
“Dei egiozu zure Ama Santa Mariari, haurrek ohi duten sinesmen eta uste osoz. Berak ekarriko
dio sosegua zure arimari”. (Bidea, Puntua 498)
[11/05/2016]
BEKA ETA ORLEN BANAKETA- 2. BATXILERGOKO IKASLEAK »
Atzo, 2016ko maiatzaren 10ean, 2. Batxilergoko ikasleek nola bekak hala orlak jaso zituzten.
Talde horren ikasleek Arangoya 16. promozioa osatzen dute.
Arratsaldeko zazpietan, Magdalena Castellanos –ek, zuzendariak, ongi etorria eman zien ikasle
senitartekoei eta ikasle guztiei. Oso giro atsegin batean, areto nagusian, pasadizo asko eta
aholku on batzuk eskaini zituen zuzendariak.
Zuzendariaren hitzak eta gero, Javier Fernández-ek, gurasoen izenean, eskerrak eman zizkien
irakasleei eta Arangoyan lan egiten duten guztiei. Arangoyak oso hezkuntza eredu berezia
eskaintzen duela aipatu zuen Fernández-ek, eta azpimarratu zuen prestakuntza bikaina,

9. motibagarria eta pertsonalizatua izaten dela.
Gainera, ikasleen izenean, ikasle batzuek hitz egin zuten. Haiek azaldu zuten Arangoyaren
garrantzia haien ibilbide akademikoan, eta adierazi zuten orain lehen baino erraztasun
handiago daukatela goi mailako hezkuntzan sartzeko. Ildo berean, gaitasun guztietan aurrera
egin dutela esan zuten.
Bekak eta orlak eman ondoren, ikasturtean zehar egindako ekintzak eta irteera ezberdinak
gogoratu zituzten guztiok bideo-aurkezpen baten bidez:
Bideoa ikusteko klikatu hemen:
https://www.youtube.com/watch?v=959KZdjnScM&feature=youtu.be
Ekitaldia bukatzeko, aperitibo txiki bat eskaini zen, eta beraz, familiek, ikasleek, eta irakasleek
elkarrekin hitz egiteko abagunea izan zuten.
Zorionak guztiei!
[12/07/2016]
OPOR ZORIONTSUAK OPA DIZKIZUEGU »
2016ko ikasturtea amaitu da. Hezkuntza komunitatea osatzen duten guztioi uda bikaina opa
dizuegu. Goi mailako helburuak lortu dituzue, hala nola: albaitaritza, erizaintza, Zuzenbidea,
EAZ gradua, gradu bikoitza…
Zorionak guztioi lortu dituzuen emaitzengatik eta egindako lanagatik!
Opor zoriontsuak guztioi!!!
[20/06/2016]
IBILBIDE KULTURALAK ARANGOYAN »
Arangoya Hezkuntza Proiektuaren barruan, ibilbide kulturalak nahitaezkoak dira. Izan ere,
ekintza horiek guztiek eragin handia dute irakas-ikas prozesuan.
Irakasleen inplikazioari esker, ikasleek gure zentrotik at ere ikas dezaten hainbat unetan. Bat
aipatzearren, museoak, erakunde publikoak edo enpresa pribatuak bisitatzeko aukerak izaten
dituzte. Gainera, boluntariotzaren ekintza anitz eta kirol instalazio ezberdinak ezagutzeko
betak ere jaso dituzte ikasleek azken urte hauetan.
Gaur egungo ikuspuntu pedagogikoan, baliabide metodologiak ezinbestekoak dira, eta
eguneroko ohikeriatik at irtetea aukera ezinhobea bihurtzen da. Beraz, beste une/leku
batzuetara joateak (hau da, beste inguru batzuetan parte hartzeak) ikaslearen ibilbide
pertsonala, akademikoa eta profesionala aberasten ditu.
Bisitak antolatzerakoan Eskola Agenda 21 aintzat hartzen dugu. Ildo berean, eskola-asegurua
daukagu ekintza guztietan eta aipatzekoa da Arangoyak antolatu ibilbide kulturalek gero eta
emaitzak altuagoak lortu dituzte asebete-inkestetan.

10. [16/06/2016]
SELEKTIBITATEAN %100k GAINDITU DUTE »
Aurten ere, ikasle guztiek selektibitatea gainditu dute ekainean. Zorionak guztiei!
Arangoya zorte ona opa dizkizuegu une berri honetan.
[15/06/2016]
GAZTEAK AITA SANTUARI GALDETZEN DIOTE »
Aita Santuak aukera sortu du gazteek itaunak egiteko beta jaso dezaten.
Zalantzak, jakiteko gogoak, galderak…eta edozein gairi buruz galde ditzakete gazteek. Aita
Santuak erantzunak argitaratuko ditu liburu baten bidez.
Proiektua Scholas Occurrentes erankundearekin dago lotuta. Aita Santuak sortuta, hezkuntza
eta bakearen alde lan egiten du erakunde horrek. Gaurko komunikabideei esker, Frantziskok,
Aita Santuak, hainbat pertsonarekin harremanetan jarriko du. Leku desberdinetatik heltzen
diren mezuekin, hizkuntza anitzetan…

11. [14/06/2016]
“LAUDATO SI” ASTEA / EKAINAREN 12-19/ ESKOLAKO AGENDA 21 »
Orain dela urte bat “Laudato Si” entziklika agertu zen. “Zaindu daigun guztion etxea”,
Frantzisko Aita Santuak idatzita. Eragin ikaragarria izan du munduan zehar.
Hori guztia ospatzeko, “Laudato Si Astea” antolatuta dago. Ekainean (12tik 19ra) hausnarketa
sakona egiteko aukera izango dugu, gero era aktibo batean entziklika honen helburuak
martxan jartzeko.
Informazio gehiago:
http://laudatosiweek.org/es/
[01/09/2016]
IKASTURTEAREN HASIERA »
Hurrengo ostegunean, irailaren 8an, ikasturte berriaren aurkezpena izango da Batxilergoko
ikasleentzat baita Haur Hezkuntzako Goi Mailako Zikloko ikasleentzat ere.
Ikasleek informazio garrantzitsua jasoko dute: ordutegia, arauak, egutegia… eta, zalantzarik
gabe, irakasleak ezagutzeko aukera izango dute. Berriro ere, uda eta gero, hemen gaituzue.
Gelak berriro beteko dira.
Ordutegia hau izango da:
- Batxilergoa: 10etan
- Haur Hezkuntzako Goi Mailako Zikloa: 11.30etan
Ongi etorri guztiei!
[28/09/2016]
ESKOLA AGENDA 21/2016/2017ko ikasturtean »
Eskola Agenda 21 hezkuntza-komunitateak hartu duen konpromisoa eta ikastetxeko eta
inguruko ingurumena eta gizartea hobetzeko ekintza-plana da. Programa honen bidez,
ikastetxeek gure ingurumenaren kudeaketa aztertzen dugu, eta ezinbesteko hezkuntza-
baliabide bihurtzen da azterketa hori. Urtero, Arangoya Hezkuntza Komunitate osoak urteko
plana diseinatzen du, pertsona guztien iradokizun eta proposamenak aintzat hartu eta gero.
Ikastetxeek eta Bilboko Udaleko Hirigintza eta Ingurumen Sailak ez ezik, Eusko Jaurlaritzak ere
hartzen du parte programa honetan Ingurugelaren, Hezkuntza, Unibertsitate eta Ikerketa

12. Sailaren eta Lurralde Planifikazio, Ingurumen Sailaren eta Nekazaritza eta Arrantza Sailaren
bidez.
Aurtengo leloa, hau da, gure 2016/2017ko lehentasuna hau izango da: Klima aldaketaren
aurka, gure osasuna zainduz.
Gure osasuna zainduz klima aldaketaren aurka egingo dugu leloaren pean, ikasturte honetako
helburua da eguneroko bizimoduan klima aldaketaren aurkako keinu errazak egitea. Arangoya
ikastetxe-gazteek eta Hezkuntza Komunitate osoak bizimodu osasungarriko ohiturak
eskuratzen saiatuko dira, hala eskola inguruan nola familian, baita uriaren eremuan ere .
Horrela ikasiko dute, esate baterako, eskolara autoan joan beharrean oinez joanda, ariketa
fisikoa egiten dela eta elikadura zainduz norberaren osasuna ez ezik, ingurumenaren osasuna
ere zaintzen dela.
Horrez gain, Arangoyan mundu mailako arazo horren aurka egiten dituen ekintzak aztertuko
ditugu eta, ondoren, iradokizunak helaraziko diogu Udalari eta, hortaz, Tokiko Agenda 21ean
jasotako helburuak bete daitezen laguntza emango dugu.
Ikasturtea amaitzen denean, eta hainbat ikastetxetan egindako lana oinarri hartuta, Eskolako
Osoko Bilkuran proposamenak aurkeztu dira klima aldaketari modu eraginkorragoan aurre
egingo dion hiri jasangarriago baten alde lanean jarri dezan Bilboko Udalak.
Ikasturtean zeharko garatu ekintzak Arangoya web gunean, Twitter-en eta hurrengo helbide
elektronikoan plazaratzen ditugu:
http://www.bilbao.net/blogs/bilboea21/?lang=es
Beste ekintza batzuen artean, aipatzekoak dira hauek: sentsibilizazioa, ekoarduradunek osatu
komitea, Kudeaketa diagnostikoa, klaseentzako argibideak, irteerak, e.a.
Inprimigailuaren kartutxoak eta tintak, boligrafoak eta pilak Arangoya bertan bitzen ditugu
gure iraunkorraren plana barruan. Anima zaitez!
[15/09/2016]
ARANGOYA/DEUSTUKO UNIBERTSITATEA/CAMBRIDGE EXAMS »
ARANGOYAk oso hitzarmen onuragarria ikasleentzat lortu zuen atzo. Izan ere, oraindik aurrera,
bai Batxilergoko ikasleek, bai Goi Mailako Haur Hezkuntza ikasleek, Deustuko Unibertsitatean
Cambridge azterketak egiteko parada jasoko dute.
First, CAE eta Proficiency mailak prestatzen ari dira ikasleak, ikasle mailaren arabera. Beraz,
unibertsitatean sartzea, nolbait, errazagoa izango da, eta gradu gogokoenak gertuago ematen
du. Hizkuntza gaitasunak ezinbestekoak dira gaur egungo gizartean, eta bai unibertsitatean,
bai lan arloan sartzerakoan nahitaezkoak dira.

13. [08/09/2016]
2016-2017 IKASTURTEAREN HASIERA »
Gaur goizean ikasturtearen aurkezpena izan dugu. Tutoreek ikasleei ongi etorria eman ostean,
kurtso berriarako behar duten informazioa jaso dute ikasle guztiek. Berriro, Haur Hezkuntzako
eta Batxilergoko gelak bete dira. Proiektu eta helburu anitz dauzkagu guztiok eta, ezbairik
gabe, etengabeko lanari esker horiek guztiak lortuko ditugu.
Bihar, irailaren 9an eskolak hasiko dira ikasle guztientzat. Ongi etorri!
[06/09/2016]
ARANGOYA 2016KO GAZTEEN MUNDUKO JARDUNALDIAN »
Krakovian ospatu zen Gazteen Munduko Jardunaldia, eta hor egon ginen Aita Santuarekin. Izan
ere, ikasle batzuek aktiboki parte harte zuten Jardunaldi horretan.
Gorroto eta marrarik gabeko mundua eraikitzera deitu ditu Aita Santuak, baita kontzumoa
erabat baztertzera. Hurrengo jardunaldia Panaman antolatuko dela adierazi du Frantziskok,
Aita Santuak.
Gainera, Krakovian Aita Santuak aipatu zuen gazteek etorkizunaren itxaropena izan beharra
daukatela eta gaineratu zuen, hori lortzeko, oroimena eta kemena behar-beharrezkoak direla.
Informazio gehiago:
http://www.krakow2016.com/es/
[05/09/2016]
LEHENENGO URTEBETEA TWITTERREAN »
Arangoyan apustu handia egiten dugu teknologia berrien alde. Haien artean, pasa den urtean
profila hasi genuen Twitterrean. Beraz, gure Hezkuntza Komunitatean komunikazio zuzena –
eta era azkarragoan- lortu dugu.
Orain, 122 jarraitzaile dauka gure profilak, eta haiei guztiei eskerrak eman nahi dizkiegu.

14. Zalantzarik gabe, haien ekarpenak eta laguntza oso onuragarriak izan dira urte honetan zehar.
Hala ere, urrunago joan nahi dugu, gehiago lortu nahi dugu eta, hori dela eta, guztiei parte
hartzeko gonbit egiten diegu.
Eskerrik asko guztiei!
https://twitter.com/Arangoyabilbao
[06/10/2016]
“ZURE JANARIA EZ DA HONDAKINA” BIDEO LEHIAKETA »
Gaurko gizarteko arazoetako bat hondakinen kudeaketa da, besteak beste, janari-
hondakinena. Arazo honen inguruan kontzientzia eta irtenbideak sortzeko, urtero, azaroan,
Europako batzordearen ekimenez, “Hondakinak prebenitzeko Europako Astea” egiten da,
zeinetan enpresek eta beste erakundek hartzen duten parte. Eskola mailan, “Zure janaria ez da
hondakina” leloaren inguruko bideo lehiaketa antolatzen da.
Hamabi eta hamazortzi urte bitarte badituzue eta sortzen ditugu hondakinen bolumena nola
murriztu baldin badakizue, bidali zuen proposamenak. Zuen iritzia jakin nahi du HHKO
erakundeak, eta, horretarako, bideo baten bitartzea bidaltzea eskatzen dute.
Berdin du nola egiten duzuen: mugikorrarekin, bideokamerarekin, kamera digitalarekin...
garrantzitsuena parte hartzea da, eta zuen ideiak Hondakinak Prebenitzeko Europako Asteko
zati bilakatzea Euskadin. Ekimen horrek gizartea sentsibilizatzea du helburu, sortzen ditugun
elikadura-hondakin handien inguruan.
Hiri Hondakinen EAEko Koordinazio Organoak (HHKO) antolatu du lehiaketa, eta proposatzen
dituzuen bideoei ahalik eta oihartzun handiena emateko konpromisoa hartzen du erakundeak.
Horretarako, zuen lankidetza behar dute. Lehen aukeraketa gainditutako bideo
guztiak Hondakinak Prebenitzeko Europako Astearen Facebook orrian ipiniko dute, eta
"Atsegin dut" gehien jasotzen duen taldearen bideoak sari berezia eskuratuko du. Horretaz
gain, irabazleak egongo dira kategoria bakoitzean.
Anima zaitez!
[05/10/2016]
IRAKASLEAREN NAZIOARTEKO EGUNA »
Hain azkar gertatzen dira aldaketak gaur egungo gizartean non zaila baita geroko aldaketak
zeintzuk izango ote diren iragartzea. Horren harira, gaitasunak, talentua, baliabideak, sormena,
berrikuntza… hitz berriak ezinbestekoak bihurtzen dira hezkuntza arloan. Izan ere, ikasle
ororen gaitasunak landu behar ditugu irakasleek. Gaitasun akademikoak ez ezik, beste
gaitasun batzuk ere kontuan hartu behar ditugu gure ikasleek autoestimua, jarrera eta
ahalmenak hobetu ditzaten. Ikasle bakoitza ondo ezagutzea, entzutea, aintzat hartzea…

15. ezinbestekoak dira.
Ez da lan erraza, baina merezi du!
[05/10/2016]
ANATOMIA / GELATIK AT »
Atzo, batxiler 1.maila zientzietako ikasleek oso klase desberdina jaso zuten. Izan ere, Anatomia
ikasgaiarekin lotutako erakusketa daukagu Arangoya ondoan eta, beraz, atzokoa une aparta
izan zen “The Human Body” ezagutzeko. Giza gorputza hainbat organoz osatuta dago eta
erakusketa horretan era didaktiko eta deigarri batean agertzen dira. Hor, 150 organo eta 12
gorputza ikusi zituzten ikasleek.
Eskerrik asko, Julia, bisita hau antolatzeagatik!
[03/10/2016]
FEDE TESTIGANTZA »
Gaur, Maria-k, Arangoya Haur Hezkuntza goi mailako zikloko ikasle batek bere fede testigantza
eskaini die ikasleei. Izan ere, María-k azaldu du hurrengo larunbatean Medina de Pomar
(Burgosko probintzian) komentuan sartuko dela.
Ikaskideak oso adi egon dira, eta hainbat zalantza eta galdera egin dizkiote. Mariak zintzotasun
handiarekin erantzun dizkie.
Oso eredugarria izan da Mariaren testigantza. Jainkoaren bila gauza asko utziko ditu baina,
zoriontasuna ere lortuko du.
Eskerrik asko, María, zure hitzaldiagatik!
[29/09/2016]
2. BATXILERGOKO IKASLEEN GURASOENTZAKO SAIOA »

16. Atzo, 20a, Arangoyak 2. Batxilergoko gurasoentzat saio bat antolatu zuen. Familia asko etorri
ziren, eta beta berezia izan zen irakasle guztiak ezagutzeko, eta teknologia berrien arlora
hurbiltzeko.
Mª Eugenia Prieto-k, Arangoya zuzendariak, gurasoei ongi-etorria egin eta gero, irakasleak eta
zuzendaritza ezagutzeko aukera jaso zuten gurasoek.
Gainera, Mª Eugenia Prietok Arangoya zutabe oinarrizkoak azpimarratu zituen eta gure web
gune (www.arangoya.org) eta Twitter (arangoyabilbao) baliabideak azaldu zituen. Harreman
estua eta gardena da Arangoya ezaugarri nagusienetako bat eta, horrekin lotuta, zuzendariak
tutore-familia elkarrizketen garrantzia adierazi zuen. Bukatzeko, 2016an Arangoyak sortutako
aplikazio mugikorra aurkeztu zuen, ikastetxetik at ere euskara gero eta hedatuago izan dadin.
Saio hori ondoren, familiek irakasleak ezagutzeko parada jaso zuten, eta oso giro atsegin
batean, ikasturte honen garrantziari buruz hitz egin zuten.
[19/10/2016]
Gurutze Gorria/Ate irekiak »
Pasa den urriaren 16a Bihotz-Biriketako Suspertzearen nazioarteko eguna ospatu zen. Hori
dela eta, Gurutze Gorriak ate irekien jardunaldi batzuk antolatu zituen. Ezbairik gabe, 1.
batxilergoko zientzietako ikasleek eta zikloko 2. mailako ikasleek aukera paregabea jaso zuten.
Izan ere, Bihotz-Biriketako Bizkortzea behar bezala egiteko ikasi zuten. Inor konorterik gabe
geratzen denean, laguntza eskatu eta, iristen den bitartean, burmuinera oxigenoa helarazteko
pausoak erakutsi dituzte “Gurutze Gorriak” langileek.
Eskerrik asko azalpen guztiagatik! Gurutze Gorriak langileek adeitasun handiz hartu gintuen
eta.
Bisita horren bideo bat ikusteko, klikatu hurrengo helbidean:
https://www.youtube.com/watch?v=eaHNGjPEcFk
[17/10/2016]
BIZKAIKO CÁRITAS/ HAUR HEZKUNTZA »

17. Haur Hezkuntza Goi mailako zikloko ikasleek saio aberasgarria jaso zuten pasa den ostiralean.
Boluntariotza da, ezbairik gabe, oso zutabe funtsezkoa gurean, eta beraz, saio horretan
ikasleek balio garrantzitsuenak, zuzenean, ikasi zuten.
Hauxe da Cáritas:
- Cáritas Eliza da. Bere karitate eta gizarte misioa gizarte ekintzaren bidez betetzen du,
justiziaren alde lan eginez.
- Cáritasek bazterkeria-egoeran dauden pertsonengana zuzentzen du bere ekintza, betiere,
lehentasuna emanez ahaztuta daudenei eta gizartean ez erantzunik, ez laguntzarik aurkitzen
ez dutenei.
- Cáritas boluntariotza erakunde bat da, boluntario, kontratatutako langile eta
kolaboratzaileen konpromisoan eta doakotasunean oinarritutakoa.
Gainera, Cáritas-ek hainbat ekintza bultzatzen ditu: harrera, laneratzea, haurtzaroa,
edadetuak, familia-gizarteratzea, etxerik-gabeko pertsonak, adikzioak, nazioarteko
kooperazioa eta migrazioak, zerbitzu psikologikoa, zerbitzu juridikoa, arropa, eta etxebizitza,
besteak beste.
Argi egon zen boluntariotzaren garrantzia. Besteei laguntzea ematen, gu geu era
aberasgarriago batean bizi gara.
Anima zaitez Caritas-ekin lan egitea!
[13/10/2016]
ERASMUS+ JARDUNALDIAK »
Erasmus+ proiektu europarrei buruzko formazio ikastaroa ospatu zen Madrilen, eta Arangoya
ere hor egon zen.
Gure Erasmus proiektua garrantzitsua da gurean. Gero eta ikasle gehiagok parte hartzen dute
programa honetan. Konkretuki, aurten Arangoya zazpi ikaslek Erasmus beka bat jasoko dute.
Dakigunez, Erasmus unibertsitate gutuna oso proiektu interesgarria da, batez ere, Haur
hezkuntza (goi mailako zikloa) ikasten ari direnentzat. Helburua Europako beste herrialdeetako
enpresa eta erakundeekin harremanak eta elkarlana lantzea da, esperientzia eta elkartruke
honekin gure ikasleak aberastu daitezen eta, are gehiago, Europako lan merkatuaren
eskakizunetara egokitu eta trebetasunak eskuratu ditzaten. Erasmus Gutunari esker, beste
xede batzuk ere lortzen dituzte ikasleek, hala nola: komunikatzeko eta egoera berrietara
egokitzeko gaitasunak hobetzea, lanbide-konpetentziak sustatzea, etengabeko ikaskuntzaren
beharra indartzea, ekintzailetza, autonomia, beste ingurune batera egokitzea, beste hizkuntza
eta kulturak ikastea norberaren heziketaren parte garrantzitsu bezala, e.a. Arangoyak Erasmus
Gutuna dauka eta, hortaz, Erasmus bekak goi mailako zikloko ikasleei eskaintzen dizkie. Beka
horiei esker ikasleei Europar Batasuneko enpresetan lantokiko praktikak egiteko aukera
eskaintzen diegu. Izan ere, Erasmus Programa Europar Batzordearen programa bat da, besteak

18. beste, ikasleen mugikortasuna finantzatzen duena. Nazioarteko programa horrek hizkuntzen
garrantzia azpimarratzen du, baita ikasleen mugikortasuna ere. Hainbat herrialde, hau da arlo
kulturala, ekonomiko eta soziala ezberdinak, ezagutzeko aukera eskaintzen ditu Erasmus-ek.
Erasmus programan parte hartzeko ikasleen selekzio prozesua urrian eta azaroan izango da.
Aukera paregabea, ziur gaude!
[06/10/2016]
DEUSTUKO UNIBERTSITATEA/SAIO INFORMATIBOA »
Gure Unibertsitate Orientaziorako egitaraua dela-eta, gaur goizean 2. batxilergoko ikasleek
Deustuko Unibertsitatera hurbiltzeko aukera izan dute. Arangoyan bertan, graduei buruzko
argibidea jaso dute eta Unibertsitatearen bi campus (hala Bilbokoa, nola Donostiakoa) eta
hainbat fakultate ezagutu dituzte.
Ikasleek galdera anitz egin dituzte, nagusiki, zalantzak argitzeko eta gaurko unibertsitate
eskaintza hobeto ulertzeko (graduak, gradu bikoitzak, masterrak, titulu propioak…).
[06/10/2016]
1. BATXILERGOKO GURASOENTZAT SAIOA »
Atzo, asteazkena, Arangoyak 1. Batxilergoko gurasoentzat saio bat antolatu zuen. Une berezia
izan zen, besteak beste, Arangoyako estrategiak eta baliabide nagusiak era sakonago batean
ezagutzeko, eta irakasleekin hitz egiteko ere bai.
Mª Eugenia Prieto-k, zuzendariak, guraso berriei ongietorria egin eta gero, Lucila Larragak,
Batxilergoko irakasleak, azaldu zuen nola lantzen ditugun motibazioa, aurrerakuntza,
berrikuntza eta esfortzua ikasturtean zehar. Larragak azpimarratu zuen klaseko giroa
ezinbestekoa dela ikasteko, eta Arangoyako giroa benetan aproposa dela ikasle orok
hobekuntza lor dezan.
Gaurko gaitasunei buruz ere hitz egin zuen. Izan ere, gaitasunen garrantzia ez datza bakarrik
arlo akademikoan, unibertsitatean eta goi mailako ikaskuntzan ere gaitasunak nahitaezkoak
dira. Alabaina, gure ikasleek beharrezko gaitasunak lor ditzaten, motibazioa era pertsonalizatu
batean jaso behar dutelakoan gaude. Hori dela-medio, Arangoyan ikasleen erantzukizuna eta
ikuspuntu propioa lantzen ditugu.

19. Atzoko saioa oso memento aproposa zen Batxilergoko xede nagusiak ezagutzeko eta gure
ikastetxearen gauzak egiteko modua aintzat hartzeko. Bat aipatzearrean, sarean, arangoya
twitter (arangoyabilbao) eta arangoya.org erabiltzeko aholkua azpimarratu zuen hizlariak.
[07/11/2016]
2016KO ZIENTZIA ASTEA »
Arangoya zientzietako taldeek EHU-k antolatu Zientzia astea, zuzenean, ezagutu dute Bizkaia
Aretoan.
Zientzia ikusi, behatu, ikutu, probatu, eta esperimentatzeko aukera izan dute gure ikasleek.
Gainera, hamaika modutan: tailer, janari-dastatze, stand eta abarretan. EHUko ikertzaile eta
irakasleak arduratu dira unibertsitatean gertatzen ari dena haiei azaltzeaz. Urtero bezala,
aukera paregabea.
Zorionak antolatzaileei!
[06/11/2016]
ESKOLAKO AGENDA 21 EGUNA »
Pasa den ostegunean, azaroaren 3an, EA21 Eguna ospatu genuen gurean. Oso egun berezia
izan zen. Klase guztietan, Arangoya proiektuaren helburuak aurkeztu zituzten irakasleek.
Ikasturte honen ekintzak, birziklatzeko aukerak (pilak, papera eta kartoia, toner, baita idazteko
baliabideak ere), eta aurtengo ekoarduradunak –boluntarioak- ... horiek guztiak irakasleen
hitzaldietan izan ziren protagonistak.
Eskolako Agenda 21 jasangarritasunerako hezkuntza estrategia garrantzizkoa da, eta ikasleek
udalerrietako ekintza-planetan parte hartzeko ildoetako bat bilakatu da.

20. Eskolako Agenda 21ek hedapen handia izan dute gure artean nahiz nazioartean. Gaur egun
milioika pertsona ari dira UNESCOren aintzatespena duen hezkuntza programa hau lantzen
eta, beraz, Planetaren jasangarritasunaren alde egiten. Izan ere, UNESCOren Garapen
Jasangarrirako Hezkuntzarako konferentzian (Japonian 2014) Euskadiko Eskolako Agenda 21
azken hamarkadako munduko 25 praktika onenen artean azaltzera gonbidatua izan zen.
Euskal Autonomia Erkidegoko udalerrietan Tokiko Agenda 21 programak garatzen hastearekin
batera, eskola eta udalerrien arteko sinergia sortu zen eta aukera bikaina zabaldu zen beren
ingurumen-programak uztartzeko. Modu horretan, abian jarri zen Eskolako Agenda 21. Gaur
egun, derrigorrezko hezkuntzako ikastetxeen ia %70 (220.000 ikasle baino gehiago) parte
hartzen ari dira Eskolako Agenda 21en; horietatik %20 inguruk “Eskola jasangarria”
aintzatespena jaso dute.
Ikastetxeen, Eusko Jaurlaritzako bi sailen (Hezkuntza, Hizkuntza Politika eta Kultura Saila, eta
Ingurumena eta Lurralde Politika Saila) eta udalen arteko lankidetzan oinarritzen da programa
hau, eta, horri esker, baliabide eta laguntza ugari ditu (ekonomikoak, aholkularitza,
prestakuntza...). Oso tresna eraginkorra da Heziberri 2020ko oinarrizko konpetentziak
garatzeko, eta, beraz, XXI. mendeko herritar arduratsu eta konprometituak egiten laguntzeko.
Gainera, Garapen Jasangarriaren Euskal Ingurumen Estrategia (2002-2020) dokumentuan
jasotzen diren helmugak (kutsadurari aurre egiteko, biodibertsitatea babesteko, klima-
aldaketaren eragina mugatzeko...) lortzen laguntzeko bitarteko hobezina izan daiteke Eskolako
Agenda 21.
Ospakizun eguna izan zen pasa den astekoa, eta, une berezia, nola ezetz, hamaiketakoa izan
zen. Goxo-goxoa!
Eskerrik asko, bereziki, Maite Gil-i, gure EA21 eko arduradunari!
[03/11/2016]
UNITOUR/ UNIBERTSITATE ORIENTAZIORAKO AZOKA »
Unitour unibertsitate orientaziorako azoka ospatu da Bilbon eta gure 2. batxilergoko ikasleak
hor egon dira.
Ikasleei etorkizun profesionala diseinatzen laguntzen dien azokaren hamaikagarren edizioa
izan da. Euskalduna Jauregia jendez beteta egon da eta unibertsitate publiko eta pribatuek
eskaintzen dituzten graduei buruzko informazioa eman da, bai eta beste alderdi batzuei
buruzkoa ere: sartzeko probak, bekak, ikasketa planak, nazioarteko akordioak, praktika poltsak
e.a.

21. [28/10/2016]
BENETAN ARDURA DUENA »
Gaur goizean, urriaren 27an, Haur Hezkuntza Goi Mailako Zikloko ikasleak eta bigarren
batxilergoko ikasleak Euskalduna Jauregira joan dira. Izan ere, “Benetan ardura duena”
batzarrean parte hartu dute. Hor, hainbat istorio eredugarri ezagutu dute. Oso egun
desberdina, ikastetxetik at, eta aberasgarria denontzat, zalantza izpirik gabe.
Telefónica Fundazioak , Heliocarek, Rafael del Pino Fundazioak, Randstat Fundazioak, AXA
Fundazioak, Cuatrecasas Fundazioak, Iberdrolak, Gaztelueta Fundazioak eta beste entitate
batzuek ekintza hori antolatzen dute urtero . Oso memento aparta da bai irakasleentzat, baita
ikasleentzat ere. Aurten hauek entzun ditugu:
Lehenengo hizlaria, Lary León izan da. Besorik gabe jaio zen, baina hori ez da oztopoa izan bere
ametsak betetzeko. Fundación Atresmedian egiten du lan.
Bigarren saioan, Sergiok eta bere anaiak, Juanmak, azaldu dute nola egin zuten dokumental
berezia “La sonrisa verdadera”. Sergio itsua da eta, gainera, autismoa pairatzen du. Hala ere,
eguneroko esfortzua argi eta garbi plazaratzen dute anaiek haien dokumental
gomendagarrian.
Hirugarrenik, José Romano, Mexikoko “Club de Futbol América” zuzendariak drogekin arazo
pertsonala azaldu du. Drogazale ohia eta alkoholiko ohia izan zen eta bere hitzak adi entzun
dituzte Euskalduna Jauregian dauden gazteek.
Beti bezala, LQDVI hitzaldiak eredugarriak izan dira, hainbat balio zuzenean entzun baitute
gazteek.
Eskerrik asko antolatzaileei!
[24/10/2016]

22. BOLUNTARIOTZA/ HERMANITAS DE LOS POBRES »
Arangoyan, boluntariotzean parte hartzeko abagune asko eskaintzen diegu ikasleei. Izan ere,
gure balioak gizartean bertan errotuta daude. Pertsona desberdinak laguntzea (adineko
pertsonak, umeak, nerabeak...) aberasgarria da ibilbide pertsonal batean.
Horretako adibide bat “Mi casa” proiektua da. Astero joaten dira Batxilergoko ikasleak adineko
pertsonak laguntzera, ekintzak antolatzera, eta ostiral edo larunbat arratsaldeak era berezi
batean bizitzera.Boluntariotza elkartasun antolatuan datza eta gizartearen arazoen
konponbideak parte hartzen du. Boluntariotzaren, jardun-eremua herritarrek gizartearen
garapenarekiko agertzen duten ardura eta inplikazioa da. Boluntariotza, azken batean, bizi
garen errealitatean parte hartzeko eta bera eraldatzeko tresna da.
Bai ekintza eredugarria! Zorionak!
[24/11/2016]
BILBOKO ARTE EDER MUSEOA/2.BATXILERGOKO GIZARTE ZIENTZIAK »
Gaur goizean, 2.Batxilergoko ikasleek aukera berezia jaso dute. Arangoyatik hurbil daukagu
Bilboko Arte Eder Museoa eta hori, zalantza izpirik gabe, abagune aparta da Arte ikasgaia
ikasten duten ikasleentzat. Oso giro atsegin batean –eta eguraldi ezinhobeari esker- Casilda
Iturrizar Parkera hurbildu eta gero, Museoan pintura gotikoa zuzenean ezagutu dute. Gelan
ikasitako kontzeptuak, ezaugarriak eta loturak argi eta garbi agertu dira. Gure ikastetxe
kokapena abantaila da gure ikasleek Bilboko historia eta ondarea zuzenean ezagut ditzaten.
Bilboko Arte Ederren Museoa… laster arte!!! Eta Martari, gure Arte Historia irakasleari bisita
hain berezia antolatzeagatik …eskerrik asko bihotz-bihotzetik!
Bilboko Arte Ederren Museoa… laster arte!!!
[23/11/2016]
INSTITUTU KLINIKO KIRURGIKO OFTALMOLOGIKOA/1. BATXILERGOKO ZIENTZIAK »
Atzo 1. Batxilergoko Zientzietako ikasleak Institutu Kliniko Kirurgiko Oftalmologiko-ra joan
ziren. Zentro horren ikerketa saila Euskadin dagoen oftalmologiko klinika barruan ikerketa saila
bakarra da.
Ana Monge-k, klinika optometrista batek, begiei buruzko hitzaldia eskaini zien ikasleei. Hortaz,
anatomia, fisiologia, eta begien sekretuak ezagutzeko aukera jaso zituzten ikasleek. Saio hori
eta gero, Arrate Onaindiak (Optometrista koordinatzailea) eta Silvia Asenjok (Bezeroen arreta)
ikasleek egindako itaunak erantzun zituzten.

23. Eskerrik asko, benetan! Oso bisita interesgarria eta medikuntza arlora hulbiltzeko parada
ezinhobea gure 1. batxilergoko zientzietako ikasleentzat.
[23/11/2016]
UNIBERTSITATEKO SIFOIA / UREN PARTZUERGOA »
Ikasturte honetan eta EA21 egitarauari esker, lehenengo batxilergoko ikasleek Unibertsitateko
sifoiara joateko aukera izan dute. Gaur Giza eta Gizarte Zientzietako ikasleak joan dira bisita
honetara.
Obra honen helburua Bilboko eskuinaldeko hondakin-uren emari guztiak Unibertsitate aldetik
itsasadarraren ezkerraldera iragatea da.
Azalpen eta bisita horri esker, ikasleek orain badakite sifoia bi putzu vertical handik osatzen
dutela eta galeria batek erlatzen dituela. Galeriak 461 metroko luzera dauka, Deustuko
Unibertsitatetik Arte Eder Museora.
Eskerrik asko Ana Garciari, azalpenagatik eta adeitasun handiagatik.
[18/11/2016]
ARANGOYAK EL CORREO-STARTINNOVA LEHIAKETAN PARTE HARTZEN DU »
Aurten, Arangoya hamar talde proiektu bat prestatzen ari dira El Correo-Startinnova
lehiaketan parte hartzeko. Startinnova egitasmoaren helburua ikasleen enpresa bat martxan
jartzeko jarraitu behar diren pausuak ezagutzea da, gazteen ekintzailetza sustatuz. Hortaz,
Arangoya ikasleek ideia berritzaile batzuen oinarritutako enpresa proiektuak asmatu behar
izan dituzte. Proiektuak bideragarriak izan daitezen hainbat alderdi lantzen ari dira, hala nola:
enpresak duen baliorik garrantzitsuena finkatu, merkatuen azterketa egin, bezeroekiko
harremana erabaki, beharrezko baliabideak zeintzuk diren zehaztu, e.a.
Startinnova lehiaketan, ikastetxeek eta Lanbide Heziketa zentroek parte har dezakete. Hainbat
erakundek sustatzen dute Startinnova proiektu hori: Eusko Jaurlaritzak, Bilboko Udalak, Banco
Sabadell-ek, Barakaldoko Udalak, Getxoko Udalak, Tknika-k (Lanbide Heziketarako Berrikuntza

24. Zentroa), EHUk, Michelin Fundazioak eta Lurpelan-ek.
Proiektuak garatu ez ezik, e-learning teknikak ere abian jartzen ari dira ikasleak. Horri guztiari
esker, zikloklo 2. mailako ikasleek eta 1. batxilergoko ikasleek ekintzailetza, sormena eta
berrikuntza aintzat hartzeko beta jasoko dute. Hiru zutabe horiek, ezbairik gabe, oinarrizko
gaitasunak bihurtu dira egun, eta, beraz, prestakuntza akademikoaz gain, ibilbide profesional
eredugarri bat diseinatzeko laguntzen du lehiaketa horretan parte hartzeak.
Susana Anacabe talde guztien tutorea da. Zorte on! Eta ... ezina ekinez egina!
[14/11/2016]
METRIKA DIGITALAK/PLAN ESTRATEGIKOAK »
Pasa den asteazkenean, azaroaren 9an, Beatriz Plaza-k, EHUko irakasleak eta ikertzaileak,
“Metrika digitalak. eMetrics, eCulture, Connects” saioa eskaini zion gure irakasleen taldeari.
“Gaurko gazteak”, aipatu zuen Plaza-k, “Google belaunaldiko gazteak dira”, eta beraz,
“Internet-en, nolabait, adituak dira”.
Ondare kulturalek eragin handia daukate gure munduko ekonomi arloan. Izan ere,
ekonomiaren esparru faktore tradizionalak aldatu direlakoan dago Plaza. Orain, Giza eta
Zientziak hurbiltzen ari dira, grafikoak, kontzeptu batzuk... zalantza izpirik gabe ekonomi
alorrean aldaketak daude eta, aurrerantzean, garapena ez da lineala izango beti. Metrika
digitalen ikerketa oso interesgarria da errealitate hori guztia ulertzeko.
Arangoya Plan Estrategikoan, eMetrics zutabe dira, nolabait. Hori dela eta, irakasleen taldea
prestakuntza jasotzen ari da gai horretan. Helburua da ikastetxetik at egiten ditugun bisiten
eta eMetrics-en lotura adierazteko, Matematika ikasgaiaren bidez nagusiki. Google Trends
baliabidea erabiliko dute ikasleek proiektu hau garatzeko.
Eskerrik asko, bene-benetan, Beatriz Plaza-ri bere saioagatik! Laster arte!
[05/12/2016]
BOLUNTARIOTZAREN NAZIOARTEKO EGUNA. »
Abenduaren 5a Boluntariotzaren Nazioarteko Eguna da. Arangoyan ere, nazioarteko ospakizun
hori aintzat hartu nahi dugu. Gure Hezkuntza Komunitate kide asko dabiltza bolondres lanetan
hainbat erakundetan, euren denbora besteei musutruk eskainiz. Hori guztia eskertzeko
helburuarekin, mezu hau argitaratu nahi dugu, nagusiki ikasleei esateko “Mila esker zure
denbora eskaintzeagatik”. Besteak beste, astero, haietako batzuek parte hartzen dute,
boluntario gisa, Hermanitas de los pobres egoitzan.
Bolondres lana goraipatu nahi dugu ospakizun honetan. Ezbairik gabe, bolondresen lana
eskertzekoa eta beharrezkoa delakoan gaude. Nazio Batuen Erakundeak Boluntariotzaren
Nazioarteko Eguna sortu zuen 1985. Aurtengo leloaren asmoa ( “Global applause”) hau da:
bolondresen lana ezinbestekoa izaten delako jendearen esker ona irabazten du.

25. Gainera, boluntariotzaren eragina ukaezina da bai bake arloan bai garapen jasangarriaren
eremuan.
Bai jarrera eredugarria!
Informazio gehiago jasotzeko, klikatu hurrengo helbideetan:
http://www.un.org/es/events/volunteerday/
http://www.eitb.eus/eu/bideoak/osoa/4527586/bideoa-eaen-157500-boluntario-daude/
[04/12/2016]
SAIO INFORMATIBOAK/UNIBERTSITATE ORIENTAZIO EGITARAUA »
Abenduaren 2an, 2. Batxilergoko zientzietako ikasleek saio aberasgarri bat jaso zuten. Titulua:
“XXI. mendearen gaixotasunen aurkako borroka eta berrikuntza”. Hizlaria Elena Gascón izan
da. Berak Nafarroako Unibertsitatean lan egiten du Farmazia eta Nutrizio Fakultatean.
Aldi berean. Giza eta Gizarte Zientzietako ikasleek “Nazioarteko Harremanak” graduari
buruzko saioa jaso zuten.
[03/12/2016]
NAZIOARTEKO EZGAITASUNAREN EGUNA »
Gizarteak aitortu eta errespetatu egiten du ezgaitasunen bat duten pertsonek autonomia
izateko, gizartean eta lanean integratzeko, eta gizartearen bizitzan parte hartzeko duten
eskubidea. Hori guztia bermatzeko Hezkuntza arloko erakunde guztiek biziki aintzat behar
dugu ingurua erabakigarria dela ezgaitasuna duen pertsonaren garapenerako, bere
autonomian lagunduz.
Nazio Batuen Erakundeak Nazioarteko Ezgaitasunaren eguna sortu zuen eta une hori ezkero,
abenduaren 3a egun berezia bihurtu zen munduko hainbat herrialdetan.

26. Arangoyan ingurune irisgarria sortu nahi dugu ikasle guztiok parte hartzeko aukera jaso
dezaten. Gure hezkuntza komunitatean ikaskuntza pertsonalizatuak oso maila altua lortu du
eta, beraz, ikasle orok etengabeko hobekuntzarantz joateko aholkuak eta motibazioa jasotzen
ditu.
Gurean, pertsona bakoitzaren ekarpena aintzat hartzen dugu. Hezkuntza komunitate irisgarria
lortzeko, bakoitzak bere alea jartzea ezinbestekoa delakoan gaude.
[02/12/2016]
EUSKARAREN EGUNA »
Abenduaren 3an Euskararen eguna ospatzen dugu. Izan ere, Arangoya Hezkuntza Komunitate
osoak parte hartu nahi du ospakizun horretan. Euskarari areagotzeko gero eta aukera gehiago
eskaintzen diogu. Egunero, hainbat ekintza egiten dugu ikasleek euskara erabil dezaten.
Euskara ikasgaian ez ezik, une askotan ere euskara erabiltzen dugu; bai hitzaldiak, bai
proiektuak, bai talde lana antolatzen ditugu euskara aintzat hartzen. Eman hegoak euskarari!
Euskararen txantxangorria abestia jaisteko, klikatu hurrengo helbidean:
http://euskararentxantxangorria.eus/es/
[30/11/2016]
TXANGO IPARRALDERA/1. Batxilergoa »
Ikasturtean zeharko deskonektatzeko uneak beharrezkoak dira, noizean behin. Beraz,
azaroaren 29an , lehenengo batxilergoko ikasleak Frantziara joan ziren, Baionara eta Donibane
Loitzun-era. Bilbotik irten ziren txokolate Lantegira heltzeko asmoz, L´Atelier du Chocolat
deitutakoa, Baionan kokatuta. Han bisita gidatua egin zuten, txokolatea nola egiten duten
ikusiz. Kakao nola biltzen duten bideo bat ikusi zuten eta han egiten dituzten txokolate mota
desberdinak dastatu dituzte. Geroago, Baionako zentro historikora joan ziren. Han Notre
Dame Katedrala bisitatu egin dute eta Baionako kaletik buelta bat eman zuten. Baionako bisita
amaitu ondoren, Donibane Loitzun-era joan ziren. Han aire librean jan zuten izan zuten
eguraldi ona aprobetxatuz. Beranduago, paseatzera joan ziren eta Donibane Loitzuneko
hondartzatik itxasoaren bistaz gozatu zuten. Amaitzeko, Bilbora itzuli ziren, ikasleen eta
irakasleen arteko elkarbizitza egun ezinhobea izan ondoren. Zorionak antolatzaileei eta
eskerrik asko gidariari!

27. [16/12/2016]
2016KO GURASOENTZAKO JAIALDIA »
Abenduaren 14an eta 15ean, Arangoyak Gabon Jaialdiak antolatu ditu gurasoentzat. Goi
Mailako Heziketa-Zikloko ikasle batzuk -baita batxilergoko batzuk ere- aurkezleak izan dira.
Aretoa jendez beteta egon da. Txalo asko entzun dira. Familiek oso ondo pasatu dute.
Maila guztiek parte hartu dute jaialdian. Hortaz, ikuskizun anitz eta era askotakoak izan dira:
antzerki obrak (Hiru Erregeak, Olentzero eta Papa Noel heldu dira!), gimnasia akrobatikoa
(akrosport…), Gabon kantak… Gainera, musika-talde ospetsuak antzeratu dituzte ikasle
batzuek, eta une oso dibertigarriak izan dira.
Benetan berezia izan da Goi mailako heziketa zikloko ikasleek egin lipdub-a. Musika eta
irribarre handi asko bateratu dituzte zikloko ikasleek “Eguberri on” opatzeko.
Jaialdia amaitu ondoren, familiek eta irakasleek aukera solas egiteko izan dute Eguberri-giro
oso atsegin batean.
EGUBERRI ON!

28. [15/12/2016]
JAVIER ECHEVARRIA MONSINOREA. HILETA MEZA »
Javier Echevarria Monsinorea, Opus Deiko prelatua, Erroman, 2016ko abenduaren 12an hil
zen, 84 urterekin.
Munduan zeharko erreakzio asko izan dira. Adibidez, Frantzisko Aita Santua-k, Elizako
erakundeek, kardinalek, gotzainek, apaizek eta pertsona kontaezinek haien maitasuna, otoitz
eta hurbiltasuna adierazi dituzte.
“Tristurazko sentimenduak dauzkagu orain baina trankil egoten gara, oso pertsona ona Zerura
joan baitzaigu eta, aurrerantzean, bere laguntza izango dugu” esan du Fernando Ocáriz
Monsinoreak, Opus Deiko bikario laguntzaile eta orokorrak.
Arangoyak hileta-mezan parte hartzera gonbidatzen zaituztegu. Meza hori Santiago
Katedralan, hurrengo astelehean, arratsaldeko zazpietan izango da, On Mario Iceta-k, Bilboko
gotzainak, zuzenduta.
Informazio gehiago, hurrengo helbidean:
http://opusdei.es/es-es/
[14/12/2016]
GURASOENTZAKO GABONETAKO JAIALDIAREN ENTSEGUAK »
Gabonak heltzear daude eta, hori dela eta, Arangoya ikasle guztiak gurasoentzako festa
berezia prestatzen ari dira. Irudipen hutsarekin, Gabon kantak, antzerki-lana txikiak,
dekoratua, familiei ongi etorria emateko eta era berezi batean “Eguberri on” opatzeko. Gaur,

29. asterartea 14a, 1. Batxilergoko gurasoentzat, eta bihar, asteazkena 15a, 2. Batxilergoko
gurasoentzat. Ordua: 15:30.
Familia guztien zain egongo gara!
[05/12/2016]
ZIKLOETAKO DIPLOMA BANAKETA/EUSKALDUNA JAUREGIA »
Pasa den ostegunean, abenduaren 1ean, Dualeko programan parte harte duten ikasleentzat
diploma banaketa antolatu zuen Eusko Jaurlaritzako Hezkuntza, Hizkuntza Politika eta Kultura
Sailak. Dualeko programaren helburua da gazteei Lanbide Heziketako titulu bat lortzeko
aukera ematea, ikastetxearen eta enpresaren artean partekatuta garatzen den ikaskuntza-
prozesuaren bidez.
Ekintza Euskalduna Jauregian izan zen eta, beste batzuen artean, Karlos Argiñano –sukaldaria-
eta Cristina Uriarte – sailburua hor bertan egon dira.
12.000 euskal gaztek heziketa ziklo bat bukatu zuten pasa den urtean, eta haietako 1238 Dual
Programan egon ziren.
Arangoyak berrikuntzaren aldeko apustua bultzatzen du bere Hezkuntza Komunitate osoan
eta, beraz, Dualeko Programa eskaintzen dugu, ikasleek erraztasun handiagoarekin lan arloan
txertatzeko aukera jaso dezaten.
Zorionak ikasle guztiei!
[05/12/2016]
HAURKABI IKASTETXEAN/ GOI MAILAKO ZIKLOA »
Pasa den astean, Haur Hezkuntzako 1. mailako ikasleek Haurkabi Ikastetxea bisitatu zuten.
Ikastetxe hori Leioan kokatuta dago. Haurkabi, zero eta hiru urte bitarteko umeentzako
ikastetxea da, Eusko Jaurlaritzak baimendua eta adin ezberdinetako premiei erantzuna

30. emateko heziketa proiektua daukana.
Bisita osoa benetan aberasgarria izan zen. Gelak eta metodología zuzenean ikusi zituzten
Arangoya goi mailako ikasleek. Haurkabin eskaintzen duen heziketa proiektua globala da.
Proiektu pedagogiko oso bat eskaintzen du, umeek, maitasun giroan eta arreta
pertsonalarekin, ikasi eta, aldi berean, ondo pasa dezaten. Haurkabiren helburua, heziketa
goiztiarraren bitartez, ikasleen ikaskuntza ahalmen guztia garatzea da. Eskerrik asko Haurkabi
pertsona guztiei!
[21/12/2016]
LAUGARREN JAIOTZA ERAKUSKETA »
Gure Hezkuntza- Komunitate osoak parte hartzen du ekintza horretan. Ondorioz, hainbat
argazki eskaintzen dizuegu.
“Niretzat, Gabonak itxaropenarekin eta samurtasunarekin lotuta daude. Elkartzea da: Jainkoa
beti bere herriaren bila izan da, Jainkoak gidatzen du, zaintzen du, beti hurbil izango dela
agindu du. Eguberrian Jainkoa bere herriarekin elkartzen da. Niretzat, Gabonak honela izan
dira: Jainkoaren bisita behatzea”.
(Frantzisko Aita Santua)
[21/12/2016]
2016KO GABON KANTA LEHIAKETA »

31. Gaur goizean, abenduaren 21ean, Arangoyak aurtengo Gabon Kanta Lehiaketa antolatu du.
Giro alai eta atsegin batean, ikasle guztiok parte hartu dute.
Hala Batxilergoko ikasleek, nola Goi mailako zikloko ikasleek bikain abestu dute, eta hori dela
eta, benetan zaila izan da erabakia hartzea. Azkenean, Haur Hezkuntzako lehenengo mailak
jaso du saria. Benetan, haien Gabon Kanta-k “Gabonak heltzear daude” txalo asko entzun du.
Irakasleek ere abestu dute, baina lehiaketatik kanpo. Eguberri zoriontsua eta urte berri on opa
dizkiete ikasleei.
Eguberri on! Urte berri on!
[21/12/2016]
JAIOTZAREN BEDEINKAPENA »
Arangoyako kapilauak, José Ramón Navarrok, ikastetxeko Jaiotza bedeinkatu du, bai ikasleen,
bai irakasleen, bai zuzendarien aurrean.
Bedeinkapena eta gero, guztiok Gabon-kanta bat (“Adeste Fideles”) abestu dugu.
Gabon zoriontsua guztioi!
6642 hitz