2. ԱՐԵԳԱԿԻ ՄԱԿԵՐևՈՒՅԹԻ ՋԵՐՄԱՍՏԻՃԱՆԸ…
Արեգակի մակերևույթի ջերմաստիճանը 6000օC է, իսկ նրա
ընդերքում՝ կենտրոնին մոտ, հասնում է 16 000 000օC: Այդպիսի
աներևակայելիորեն բարձր ջերմաստիճանում Արեգակի
միջուկում, միջուկային սինթեզի պայմաններում, առաջանում են
էներգիայի վիթխարի քանակություններ, որոնք լույսի և
ջերմության տեսքով ճառագայթվում են: Արեգակն արձակում է
նաև ռենտգենյան և անդրամանուշակագույն ճառագայթներ, որոնց
մեծ քանակությունները կործանարար են բոլոր կենդանի
օրգանիզմների համար: Այն չի ազդում մեր օրգանիզմի վրա,
որովհետև Երկրի մթնոլորտը կլանում է այդ ճառագայթների մեծ
մասը:
3. ԱՐԵԳԱԿ…
Արեգակնային լույսը շատ ուժեղ է և ոչ մի դեպքում չի
կարելի անպաշտպան աչքերով, առավել ևս որևէ
խոշորացույցով, հեռադիտակով կամ
աստղադիտակով նայել Արեգակին: Նույնիսկ արևային սև
ակնոցով Արեգակին նայելը վտանգավոր է տեսողության
համար: Այդ պատճառով աստղագետներն օգտվում են
հատուկ սարքերից:
Արեգակը լույս է տալիս և կարծես թե «հալվում» է՝
անընդհատ նվազեցնելով իր զանգվածը, սակայն այն
այնքան վիթխարի է, որ նույնիսկ այդքան նյութ ու էներգիա
ծախսելով էլ կշարունակի լուսավորել և ջերմացնել դեռ
միլիարդավոր տարիներ:
4. ԵՐԿՐԱԳՆԴԻ ՎՐԱ ԳՐԱՆՑՎԱԾ ԱՄԵՆԱՑԱԾՐ
ՋԵՐՄԱՍՏԻՃԱՆԸ…
Անտարկտիդայում` «Կուպոլ Ֆուձի» ճապոնական
հետազոտական կայանի շրջանում գրանցվել է 0-ից ցածր
91.2 աստիճան Ցելսիուսի ջերմաստիճան: Այս
ջերմաստիճանը երկրագնդի մակերևույթի վրա երբևէ
գրանցված ամենացածր ջերմաստիճանն է:
Ջերմաստիճանի չափումներն իրականացվել են Ձյան և
սառույցի չափումների ամերիկյան ազգային կենտրոնի
կողմից (America’s National Snow and Ice Data Centre)
արբանյակներից ստացված տվյալների միջոցով:
Հետազոտողները հաղորդել են, որ ռեկորդային ցածր
ջերմաստիճանը գրանցվել է ծովից մոտավորապես 3720
մետր բարձրության վրա` պարզ, ոչ քամոտ եղանակին:
Նախորդ ռեկորդը, որ գրանցվել է Երկրագնդի վրա, եղել է
1983թ-ին` խորհրդային «Վոստոկ» հետազոտական
կենտրոնի շրջանում: Այդ ժամանակ չափվել էր մինչև 89.2
աստիճան Ցելսիուս ցուրտ:
Համաձայն ֆիզիկայի օրենքների` նվազագույն հնարավոր
ջերմաստիճանը Ցելսիուսի սանդղակով կազմում է -273.15
աստիճանը:
