1. Elbira Zipitriaikastetxea
Txillardegi14
20108 OBABA
Tel.:993 21 44 04
Faxa:993 31 14 64
elbirazipitria@ikastola.eus
Elbira
Z
PARTE HARTU NAHI DUZUE GURE OSPAKIZUNETAN?
Lagunok:
Gutun honen bidez jartzen gara zuekin harremanetan, Obabako musika elkartea
zaretenez gero, udaberri honetarako antolatu dugun proposamen baten berri
emateko.
Aurten, jakingo duzuenez, 150 urte betetzen ditu gure ikastetxeak. Hori ospatzeko,
hainbat ekitaldi antolatuko ditugu, eta nahi dugu musikak berebiziko garrantzia izatea
haietan guztietan.
Izan ere, ikastetxearen ibilbide guztian izan da funtsezkoa musika: horren frogagarri
dira Elbira Zipitrian (lehen, Jose de Naveran) musika prestakuntza jaso duten obabar
musikari ugariak. Gainera, klaratarren komunitatea beti egon da prest musika taldeei
laguntzeko, eta hainbat eta hainbat aldiz utzi du San Frantzisko eliza kontzertu eta
bestelako ekitaldietarako.
Hori dela eta, aukera eman nahi dizuegu urte hauetan guztietan ikastetxearekin
nolabaiteko harremana izan duzuen taldeei maiatzean kontzerturen batean parte
hartzeko.
Ezin konta ahala modalitate egon litezke parte hartzeko, eta ez dugu nahi inorentzat
itzelezko lan karga ekartzea; beraz, parte hartu nahi baduzue, proposatzen diguzuen
edozein modalitate onartuko dugu: kontzertu formalak, ez horren formalak
umeentzat, bakarrik edo taldean, herriko zenbait talde batera, asteburuan,
astegunetan… Ekitaldi herrikoiak izan daitezen nahi dugu, Obaba osora irekiak, eta
gehienbat obabarrek berek parte hartu dezaten haietan, eta haiekin gozatu.
Interesatuta bazaudete eta zuen proposamen guztiak bideratzeko, jarri zaitezte
harremanetan gurekin, mezu bat yolandalaka@elbirazip.eus helbidera bidalita edo
94 681 67 76 ikastetxeko telefonora deituta.
Besterik gabe, eskerrik asko eta agur bero bat.
Yolanda Laka
Elbira Zipitria ikastetxeko zuzendaria
Obaban,2017ko otsailaren13an
