1. IPUIN MULTIMEDIAK
Teknologia berrien laguntzaz sortutako eta egindako ipuinak,
multimediak, dagoeneko ikastetxe guztietan topa ditzakegu. Hor daude,
noizean behin ipintzen dira, eta irakaslearentzat oso jarduera erosoa da.
Baina hortik aurrera eta horren aurretik, zer?
Gure gaia zentratu nahian, zenbait galdera planteatu ditugu gure
ikastaroaren helburu nagusiekin lotuz.
- Zer jakin behar dugu ipuin multimediei buruz? ( Zein ipuin
multimediak dira egokienak Haur Hezkuntzarako?)
- Ze nolako maisu eta andereñoa izan nahi dugu? (Egingo al dugu
hautaketarik?)
- Zein da teknologiaren papera Haur Hezkuntzan? (Honelako saioek, ba
al dute helbururik? Ipuinak modu honetan kontatzean, zer galtzen da
eta zer irabazi? Haurrek, zer nahiago dute?...)
Hauek eta galdera gehiago erantzuten saiatuko gara. Eta
horretarako, emisorearen aldaketak duen garrantziaz arituko gara,
merkatuan dauden bilduma ezberdinak aztertuko ditugu, Urtxintxak duen
presentziaz hitz egingo dugu, eta ipuin multimediak baloratzearren zenbait
irizpide finkatuko ditugu.
Hori egin eta gero, guri interesgarriagoa iruditzen zaigun bidea
arakatuko dugu, ipuin multimedia propioak sortzea, alegia. Alternatiba hau
askoz baliagarriagoa izan daitekeela deritzogu. Badira proiektuak eta
programak gure kabuz ipuin multimediak sortu ahal izateko (Fabula
proiektua…) edota liburu multimediak (LIM…), eta zentzu ezberdinetan
eraginkorragoak direla pentsatzen dugu. Prozesu hauetan, haurrek ere

2. parte har dezakete (irakaslearen laguntzaz) gelako edo bakoitzaren
esperientzia abiapuntutzat hartuz, eta beste gauza batzuen artean,
kolektibitatearen esanahia areagotzeko aukera izan daiteke.
Amaitzeko, hausnarketa moduan, ipuin edo liburu multimedia bat
asmatzea erabaki dugu.