1. Իմ հայրենիքը
Հայաստանի մարզերն են
Շիրակ,Լոռի,Տավուշ,Արագածոտն,Կոտայք,Գեղարքունիկ,Արմա
վիր,Երևան,Արարատ,Վայոց Ձոր,Սյունիք:Հայաստանի դրոշի
Կարմիր գույնը խորհրդանշում է Հայկական բարձրավանդակը,
հայ ժողովրդի մշտական պայքարը հարատևման,
քրիստոնեական հավատքի, Հայաստանի անկախության և
ազատության համար։ Կապույտ գույնը խորհրդանշում է հայ
ժողովրդի ապրելու կամքը խաղաղ երկնքի ներքո։
Նարնջագույնը խորհրդանշում է հայ ժողովրդի արարչական
տաղանդը և աշխատասիրությունը։

2. Հայաստանի Հանրապետության զինանշանի կենտրոնական մասում` վահանի վրա,
պատկերված են հայկական չորս թագավորական տոհմերի` Արտաշեսյանների,
Արշակունիների, Բագրատունիների և Ռուբինյանների (Կիլիկյան թագավորություն)
զինանշանները։ Դրանք բոլորում են բիբլիական Արարատ լեռան պատկերը, որի
գագաթին ուրվագծվում է Նոյյան տապանը։
Վահանի երկու կողմից պատկերված են առյուծ և արծիվ, որոնք խորհրդանշում են
ոգու, իշխանության, աննկունության և արիության ուժը։ Ներքևում պատկերված
սուրը խորհրդանշում է հայ ժողովրդի պայքարը հանուն ազատության և
անկախության, փետուրն ու հասկերը` հայ ժողովրդի ստեղծարար տաղանդը և
խաղաղասիրությունը։