1. Ээжийн цэнхэр тэрлэг
Гэнэт салхи гарч бороо шороо аль нь орох гэж буйг бүү мэд, тэнгэр бүрхэв.
Манай нутгийн бороо салхи хөлөглөн ирдэг юм уу гэж би бодно.
Ээж хяргасан ноосоо шуудайлж аргалаа бүтээж гүйнэ.Би ээждээ туслан
шуудайтай ноосыг чирч бараанд хураав. Ээж минь намайг эр хүн гэж магтана.
Борооны түрүү том том дусал шавхуурдан орж удалгүй мөндөр болон газарт
цайрч түмэн цагаан өндөг ойж байх шиг харагдана.
Гэрлүүгээ эргэтэл тугалын зэлний тэнд ээжийн цэнхэр тэрлэг хийсэж харагдав.
Түүнийг авахаар хойноос нь гүйтэл дан цамцтай бие нүцгэн хөлийг минь мөндөр
хорстол шавхуурдав. Нүцгэн шилбэ хорсон өвдөхөд арай л уйлсангүй. Ээжийн эр
хүн гэснийг санаж явлаа. Ээжийнхээ цэнхэр тэрлэгийг нөмрөхөд ээжийн өвөрт
орсон мэт дулаахан боллоо.
1. Эхийн гол санааг 2-3 өгүүлбэрээр илэрхийл
2. Эхийн тулгуур нэгжийг олж бичээрэй
3. Эхээс энгийн өгүүлбэрийг олж заагла
4. Эхээс 2 бүрэлдэхүүнт цөм өгүүлбэрийг олж тэмдэглэ
5. Эхээс аргалаа гэсэн үгийг бүтээврээр задлан бич
6. Эхийн агуулгыг дуурайн “ээжийн хэлсэн захиас” сэдвээр найруулан бич
7. Эхийн эхлэл гол төгсгөл хэсгийг заагла
8. Эхийн гол санааг хэлцээр илэрхийл
9. Эхээс холбох нөхцөлөөр хэлбэржсэн үгийг ол