Finalistas microrelatos CPI Santa Lucía curso 2014-2015

1. FINALISTAS
CONCURSO MICROTEXTOS TERRAS DO UMIA
CPI SANTA LUCÍA

2. MICROPOEMAS
CATEGORÍA INFANTIL.

3. Carla Cea Varela (5º E.I)
AS XOANIÑAS.
Cincocentas xoaniñas
nas follas das árbores
todas pousadiñas.

4. Sofía Caldas Blanco (5º E.I)
AS FLORES.
Cincocentas flores
cobren os campos
de bonitas cores.

5. CATEGORÍA INFANTIL
MICRORRELATO

6. Aula 4ºB e 6ºB
UN OSO AZUL.
Érase unha vez un oso pardo chamado Mouro. Vivía
nunha cova nun gran bosque onde había cincocentas
árbores e moitos animais: esquíos, caracois,
ourizos, mouchos, unha pantera, monos, unha osa e
unha cobra.
Un día foi visitar ao bruxo Rafael. Estaba facendo
unha poción. Confundiuse non ingredientes e houbo
unha explosión e …
Mouro converteuse en cor azul. Cando Mouro se mirou
no espello sorprendeuse e asustouse. Despois púxose
moi contento porque era a súa cor favorita.
Mouro tivo unha vida moi felíz de cor azul.

7. CATEGORÍA PRIMARIA.
MICRORRELATOS
1º CICLO

8. Anxo Calvo Suárez. (2ºA)
RATOS.
Na miña cabana había moito millo, polo menos
cincocentas espigas, que vivían felices alí
abrigadiñas. Pero un día unha familia de ratos
entrou por un buratiño e fixeron unha festa de
millo.
As espigas gritaban:
­Non nos comades!
Os ratos non fixeron caso e todos os días comían
unha panchada de millo. Entón unha espiga
vermella, chamada Reína, tivo unha idea; cos
carozos das espigas comidas tapou o burato. Os
ratos non tiveron por onde entrar e as espigas
foron felices.

9. CATEGORÍA PRIMARIA.
MICROPOEMAS
2º CICLO

10. Aroa Suárez Pereira (4ºB)
CINCOCENTAS BÁGOAS.
Cincocentas noites, cincocentas lúas;
cincocentas bágoas túas.
Cincocentos días, cincocentos soles;
secan as bágoas dos soñadores.

11. Xiana Paz Vidal. (3ºB)
“EMOCIÓNS”
Cincocentas bágoas,
cincocentas risas,
cincocentas emocións,
gardadas no meu corazón.

12. CATEGORÍA PRIMARIA.
MICRORRELATOS
2º CICLO

13. Anxo Romay Lois. (3ºB)
A HORTA DE ESPERANZA.
A miña avoa, Esperanza, ten unha horta na que
hai de todo. Un día mandoume ir por cenorias.
Cando cheguei alí, non sabía cal coller pois
habería cincocentas. Tirei dunha que me
parecía a máis gorda e cal foi a miña
sorpresa... traía de regaliño dous vermes!.
Estaban moi asustados e dixéronme:
­Non nos fagas dano, porque somos a comida dos
paxaros e se nos matas comeranche os figos.
Eu solteinos no medio das leitugas e funme
para a casa sen nada. A miña avoa berroume
moito.

14. Juán Campos Varela. (3ºA)
UNHA NOITE NO MAR.
Unha noite mentres durmía, soñei que era un
tiburón martelo, o máis fero de todos os mares e
océanos do mundo.
Quería facer moitos amigos, pero tíñanme medo e
fuxían de min. Iso que no fondo do mar hai máis de
cincocentas especies de animais. Sentíame moi só,
como se fose un xigante e todos os humáns e seres
vivos escapasen de min, por ser o depredador máis
fero. Pero no fondo de min tiña o meu corazonciño.
Espertei mollado. Pensei que era de suor, pero...
mexara por min.

15. CATEGORÍA PRIMARIA.
MICROPOEMAS
3ºCICLO.

16. Martín Taboada Méndez (6ºB).
Eu a ti daríache
cincocentas palabras de amor
porque cando teño frío
es a chama que me dá calor.

17. Inés Magariños (6ºB).
Cincocentas palabras
De diferente cor
Falando xuntas
Con moito amor.

18. CATEGORÍA PRIMARIA.
MICRORRELATOS
3ºCICLO.

19. Martín Taboada Méndez (6ºB).
UN ANACO DE PAPEL.
Onte escribín nun papel os meus pensamentos:
“Eu daríache cincocentas apertas doces, por
axudarme, por estar comigo nas cousas boas e malas,
porque cando necesito algo sempre estás aí, cando
estou enfermo coidasme. Só pensar en perderte ponme
triste porque que esteas xunto a min é o mellor que
me puido pasar. Cando me dás bicos póñome alegre e
síntome como se subise ao ceo. Ti es a miña vida e
sen ti non son nada. Por iso para min es a mellor”
Logo deillo a miña nai. Espero que lle guste.

20. Iván Rego Camiño (6ºB).
MACKS.
Eu chámome Vítor, e o meu can Macks. Nós acostumamos
a xogar moito xuntos. Eu non atopaba a Macks por
ningún sitio, cando de súpeto entrou meu pai pola
porta moi triste. Non sei que lle dixo a miña nai
que rompeu a chorar. Logo acercouse a min e díxome
que Macks morrera. Eu chorei ata cincocentas bágoas
por el. Todos os días sentaba en fronte da xanela e
esperaba a que Macks volvese.
Agora pasaron dez anos dende que morreu, pero sigo
levando a Macks no máis profundo do meu corazón.

21. CATEGORÍA SECUNDARIA.
FINALISTAS:

22. Yolanda Pereira Fernández (2ºESO)
O sol saúda
na mañá cálida e rebosante de dozura
antes de que cincocentas angustias,
a tornen mala e escura.

23. Brayan Casais Castro (2ºESO)
Lin cincocentas palabras encadeadas
na miña lingua galega.
Aturuxo, xogos, gosto, touciño,...
Amarreinas para non perdelas.

24. CATEGORÍA SECUNDARIA.
MICRORRELATOS.

25. Fátima Barros Monteagudo (4º ESO)
ESTRAÑOS.
Xogaran, coma nenos, ás agochadas, entre as sabas daquel
leito; eran á fin nenos ós cales o tempo obrigara a fuxir
dos trompos e das bonecas para ensinarlles un xogo máis
complexo, a querer.
A máquina asubiou, a mágoa amoreouse enriba do seu peito;
pensou nas bágoas que deixara caer ó longo destes anos;
sen dúbida pasaban das cincocentas e aínda así non foran
quen de afogar os recordos.
Uns ollos azuis atopáronse cos dela, ollábana dende a
derradeira fiestra du tren que acababa de chegar. A
locomotora púxose en marcha, e o tempo comezou a rebulir
entre as lembranzas daqueles dous estraños que se fitaban
agora, ó lonxe.

26. Aida Mencía Suárez Montáns (1ºESO).
FLORA.
Cincocentas serían as veces que a miña bisavoa Flora me
preguntaba todos os domingos se quería unha cunca de
caldo, despois de comer a miña pizza favorita.
Como lle dicía que non, pasaba a relatarme, outras
tantas veces, as moitas vitaminas da potaxe, e a fame
que pasaran de cativos.
Onte acordeime dela. Asomada no balcón, vin como unha
muller recollía do contedor de lixo dun coñecido
supermercado, unhas bandexas que, a todo correr,
escondía nunha bolsa. Volverían os tempos da bisavoa?
Dúas bágoas me esvararon polas meixelas. Na radio, unha
canción falaba de dezanove días e cincocentas noites.