1. Сэдэв : Хүүхдэд өнгө яаж нөлөөлдөг вэ?
Эх сурвалж : Ном хэвлэлээс
Хүүхдийн тоглоом, ном сэтгүүл, амттан гээд олон зүйлсийг үйлдвэрлэгчид солонгын
хэмээх өнгөнүүдийг ашигладагийг та анзаарсан байх. Солонгын өнгөнүүдэд хөх, шар,
улаан өнгө багтана. Эдгээр өнгөнүүдэд хүүхдүүд тааламжтай мэдрэмж төрүүлснээр
хүүхдийн гар өөрийн эрхгүй тухайн зүйлрүү сунадаг. Хүүхдийнхээ өрөөг ч
тохижуулахдаа аль болох иймэрхүү өнгөнүүдийг сонгоорой. Анхаарах зүйл гэвэл
улаан өнгийг хэт ихдүүлж болохгүй. Бидний хэрэглэдэг үндсэн өнгөнүүд хүүхдэд
ямар нөлөө үзүүлдэг талаар таньд зөвлөе.
Улаан: Баяр баясгалан авчирч хүүхдийг өдөөж, идэвхитэй байлгадаг ч ихдэх юм бол
шөнө унтахад ихээхэн саад болдог. Хэрэв таны хүүхэд хэтэрхий идэвхитэй бол өрөөнд
нь улаан өнгөтэй эдлэл байлгахаас аль болох зайлсхийх нь зөв. Ийм өнгөтэй орны
бүтээлэг ч худалдаж авах хэрэггүй.
Улбар шар: Гэр бүл бүрэн бүтэн байгаа мэдрэмжийг төрүүлдэг. Гал тогоо юмуу зочны
өрөөнд нь улбар шар өнгө зонхилдог гэр бүлийн гишүүд хялбархан ойлголцдог. Энэ
өнгө юм идэх дур хүслийг төрүүлдэг. Хүүхдийн хоол тэжээлүүдийн гаднах хайрцаг
ихэвчлэн улбар шар бөгөөд шаргал өнгөтэй байхыг та анзаарсан уу. Хэрэв хүүхэд чинь
их идэх гээд байдаг бол гал тогооныхоо дизайнд ийм өнгө хэрэглэхгүй байхыг зөвлөе.
Энэ томчуудад хамаатай юм шүү. Хүүхдийн өрөөнд улбар шар өнгө байвал тэр
ганцаардлыг мэдрэхгүй. Ялангуяа гэртээ ганцаараа үлддэг хүүхдүүдийн өрөө ийм
өнгөтэй байвал зүгээр.
Шар: Баяр баясгалан авчрахаас гадна хүүхдийн сэтгэлийг сэргээж, сэргэлэн болгодог.
Мөн энэ өнгөнийн тусламжтайгаар таны хүүхэд дуулгавартай болж үгэнд орохдоо
дуртай байх болно. Үүнээс гадна идэх дуршлыг хөдөлгөж, уйланхай хүүхдийг
тайвшруулдаг. Хүүхдийн цэцэрлэгийн хана ихэвчлэн шар өнгөтэй байдаг нь ийм
учиртай.
Ногоон: Зан аашийг өөрчлөхөөс гадна дэлхийн ертөнцийн бүх л зүйлийг таньж мэдэх,
судлан шинжлэх хүсэлд автуулдаг. Хэрэв таны хүүхэд флегматик зан чанартай бол
өрөөг нь хэтэрхий их ногооноор будах хэрэггүй.
Цэнхэр: Хөнгөн зөөлөн өнгө. Тэнгэрийн энэхүү өнгө нь мэдрэлийн эсүүд болоод бие
организмыг бүхэлд нь тайвшруулж цусны даралтыг бууруулах увидастай. Тайвшруулдаг
учраас та хүүхдийнхээ өрөөний таазыг хөх өнгөөр будаж, дээр нь бүр үүл зурсан ч
гэмгүй. Ингэснээр таны хүүхэд өдөржин тоглож алдсан энергиэ нөхөж бөх гэгч нь
унтах болно. Усны өнгө гэдгийг нь бодолцож өрөөг нь бүхэлд нь хөхөөр будвал бас
тийм ч оновчтой шийдэл болж чадахгүй гэдгийг анхаараарай. Учир нь усны өнгө хүйтэн
хөндий байдлыг бий болгодог.
Хөх: Хөх өнгө бол одод түгсэн үдшийн тэнгэрийг илэрхийлдэг. Бас цэвэр цэмцгэр
байдлыг илтгэхийн сацуу шөнийн харанхуй нууцлаг байдлыг үүсгэдэг. Хүүхдийн чинь
унтлагын хувцас ийм өнгөтэй байвал зүгээр. Нууцлаг энэ өнгө далдын ертөнцөд
дагуулах мэт мэдрэмжийг төрүүлдэг. Ямар нэгэн зүйлд хүүхдийнхээ анхаарлыг
хандуулах гэж байгаа бол энэ өнгийг багахан хэмжээгээр хэрэглэх нь зүйтэй.
Нил хөх: Дотоод оюун санааны төгс төгөлдөр чанар, гэгээрэл элбэг хангалуун байдлын
зэрэгцээ цэвэр цэмцгэр байдлын өнгө. Дотоод тайтгарал, нийлэмжийг давхар
илэрхийлнэ. Маш нууцлаг өнгө учраас далд ертөнцийн нууцад хүрэх хүсэл
эрмэлзлэлийг өдөөхийн сацуу өөрөө өөрийгөө таних гэсэн тэмүүлэлд хөтөлдөг.
Романтик байдлын билэгдэл болдог учраас шаргал, зөөлөн ягаан өнгөтэй маш сайн