1. Os marcadores sociais son unha forma sinxela e popular de
almacenar, clasificar e compartir enlaces en Internet ou nunha Intranet.
Ademais dos marcadores de enlaces xerais, existen servizos especializados
en diferentes áreas como educación, libros, vídeos, música, compras,
mapas, etc.
Nun sistema de marcadores sociais os usuarios gardan unha lista de
recursos de Internet que consideran útiles. As listas poden ser accesibles
publicamente ou de forma privada. Outras persoas con intereses similares
poden ver enlaces por categorías, etiquetas ou ao azar.
Tamén categorizan os recursos con 'tags' ou 'etiquetas' que son palabras
asignadas polos usuarios relacionadas co recurso. A maioría dos servizos
de marcadores sociais permiten que os usuarios busquen marcadores
asociados a determinadas 'tags' e clasifiquen nun ranking os recursos
segundo o número de usuarios que os marcaron.
A súa popularidade vai crecendo e a competición fixo que os
servizos ofrezan algo máis que compartir marcadores e permitan votos,
comentarios, importar ou exportar, engadir notas, enviar enlaces por correo,
notificacións automáticas, crear grupos e redes sociais, etc